MGA BINUHATAN 7

Ang Pangapin ni Esteban

1Kag ang pinakamataas nga sacerdote nagsiling, “Matuud bala ini?” 2Kag nagsiling si Esteban:

“Mga kauturan kag mga ginikanan, pamati kamo. Ang Dios sang himaya nagpahayag sa aton amay nga si Abraham, sang sa Mesopotamia sia, sa wala pa sia magpuyo sa Haran, 3kag nagsiling sa iya, ‘Halin ka sa imo duta kag sa imo kahimataan kag magkadto sa duta nga ipakita ko sa imo.’ #Gen. 12:1. 4Niyan naghalin sia sa duta sang mga taga-Caldea, kag nagpuyo sa Haran.#Gen. 11:31. Kag gikan didto, sang pagkapatay sang iya amay ginpaliton sia sang Dios sa sining duta nga inyo karon ginapuy-an;#Gen. 12:4. 5apang wala niya sia diri paghatagi sing panublion, bisan tumbanan sang isa ka tiil, apang nagsaad sia nga ihatag ini sa iya nga kaugalingon kag sa iya kaliwatan sa olihi niya,#Gen. 12:7; 13:15; 15:18; 17:8. bisan wala pa sia sing anak. 6Kag ang Dios nagpamolong sing subong sini, nga ang iya kaliwatan mangindumuloong sa duta nga ila sang iban, nga magaulipon sa ila kag magapintas sa ila sing apat ka gatus ka tuig. 7‘Apang hukman ko ang pungsud nga magaulipon sa ila,’ nagsiling ang Dios, ‘kag sa tapus sina magagowa sila kag magaalagad sa akon sa sining duug.’#Gen. 15:13-14. 8Kag ginhatag niya sa iya ang katipan sang circuncision.#Gen. 17:10-14. Kag gani si Abraham nangin-amay ni Isaac,#Gen. 21:2-4. kag gincircuncidar sia sa ikawalong adlaw; kag si Isaac nangin-amay ni Jacob,#Gen. 25:26. kag si Jacob sang napulog duha ka patriarca.#Gen. 29:31–35:18.

9“Kag ang mga patriarca, nga nahisa kay Jose,#Gen. 37:11. nagbaligya sa iya pa Egipto;#Gen. 37:28. apang ang Dios kaupud niya,#Gen. 39:2; 21. 10kag nagluwas sa iya sa tanan niyang kapipit-an, kag naghatag sa iya sing bugay kag kaalam sa atubangan ni Faraon, nga hari sang Egipto, nga naghimo sa iya nga pangolo-puud sa Egipto kag sa bug-os niyang panimalay.#Gen. 41:39-41. 11Karon nag-abut ang tiggulutum sa bug-os nga Egipto kag Canaan, kag dakung kapipit-an, kag ang aton mga ginikanan walay nakita nga kalan-on.#Gen. 41:54-57. 12Apang sang pagkabati ni Jacob nga may uyas sa Egipto, ginpakadto niya sing una ang aton mga ginikanan.#Gen. 42:1-2. 13Kag sa ikaduhang pagduaw si Jose nagpakilala sang iya kaugalingon sa iya mga utud,#Gen. 45:1. kag napakilala kay Faraon ang panimalay ni Jose.#Gen. 45:16. 14Kag ginpatawag ni Jose ang iya amay nga si Jacob#Gen. 45:9-10, 17-18. kag ang bug-os niyang kahimataan, nga kapitoan kag lima ka kalag;#Gen. 46:27. 15kag nagdolhog si Jacob pa Egipto.#Gen. 46:1-7. Kag napatay sia,#Gen. 49:33. sia kag ang aton mga ginikanan, 16kag gindala sila pabalik sa Siquem kag ginbutang sa lulubngan nga ginbakal ni Abraham sa bili nga pilak gikan sa mga anak ni Hamor sa Siquem.#Gen. 23:3-16; 33:19; 50:7-13; Jos. 24:32.

17“Apang sang nagahilapit na ang tion sang saad, nga ginsumpa sang Dios kay Abraham, ang katawohan nagtubo kag nagbuad sa Egipto 18tubtub nga nagtindug sa Egipto ang isa pa ka hari nga wala makakilala kay Jose.#Ex. 1:7-8. 19Ini nagdaya sa aton katawohan#Ex. 1:10-11. kag ginpigus ang aton mga ginikanan sa pagtapuk sang ila mga lapsag, agud nga indi sila mabuhi.#Ex. 1:22. 20Sa sining tion natawo si Moises, kag maanyag sa atubangan sang Dios. Kag ginbatiti sia sing tatlo ka bulan sa balay sang iya amay;#Ex. 2:2. 21kag sang gintapuk sia, ginsapopo sia sang babaying anak ni Faraon kag ginsagud sia subong nga iya anak.#Ex. 2:3-10. 22Kag si Moises ginton-an sang tanan nga kaalam sang mga taga-Egipto, kag gamhanan sia sa iya mga polong kag mga buhat.

23“Sang sia kap-atan ka tuig, nag-abut sa iya tagiposoon ang pagduaw sa iya mga kauturan, nga mga anak sang Israel. 24Kag sang nakita niya ang isa sa ila nga ginalupig, gin-apinan niya sia kag gintimalusan niya ang ginlupig sa pagpatay sang Egiptohanon. 25Naghunahuna sia nga ang iya mga kauturan nakahangup nga ang Dios nagahatag sa ila sing kaluwasan paagi sa iya kamut, apang wala sila makahangup. 26Kag sa madason nga adlaw nagpahayag sia sa ila sang nag-inaway sila kag buut niya nga pasag-ulion sila, nga nagsiling, ‘Mga tawo, mag-ulutud kamo, ngaa bala nagalinupigay kamo?’ 27Apang ang naglupig sa iya isigkatawo nagtiklud sa iya, nga nagasiling, ‘Sin-o bala ang naghimo sa imo nga manugdumala kag hukom sa amon? 28Buut mo bala ako patyon subong sang pagpatay mo sang Egiptohanon kahapon?’ 29Sa sining polong nagpalagyo si Moises, kag nagpuyo nga dumoloong sa duta sang Madian,#Ex. 2:11-15. diin nangin-amay sia sang duha ka anak nga lalaki.#Ex. 18:3-4.

30“Kag sang natapus ang kap-atan ka tuig, isa ka manugtunda nagpakita sa iya sa kamingawan sang Bukid nga Sinai, sa dabdab sang kalayo sa sapinit. 31Kag sang pagkakita ni Moises sini, natingala sia sang iya nakita; kag sang nagpalapit sia sa pagtan-aw, nag-abut ang tingug sang Ginoo, 32‘Ako ang Dios sang imo mga ginikanan, ang Dios ni Abraham kag ni Isaac kag ni Jacob.’ Kag si Moises nagkurug kag wala magpangahas sa pagtan-aw. 33Kag ang Ginoo nagsiling sa iya, ‘Huksa ang mga sapin sa imo mga tiil, kay ang duug nga ginatindugan mo duta nga balaan. 34Sa pagkamatuud nakita ko ang paglupig sang akon katawohan sa Egipto, kag nabatian ko ang ila pag-ugayong, kag nagakunsad ako sa pagluwas sa ila. Kag karon kari ka, ipadala ko ikaw sa Egipto.’#Ex. 3:1-10.

35“Ining Moises nga ginsikway nila, nga nagasiling, ‘Sin-o bala ang naghimo sa imo nga manugdumala kag hukom?’ sia ginpadala sang Dios subong nga manugdumala kag manunubus paagi sa kamut sang manugtunda nga nagpahayag sa iya sa sapinit. 36Ining tawo nagpagowa sa ila, nga nakahimo sing kalatingalahan kag mga tanda sa Egipto#Ex. 7:3. kag sa Dagat nga Mapula,#Ex. 14:21. kag sa kamingawan sing kap-atan ka tuig.#Num. 14:33. 37Ini amo ang Moises nga nagsiling sa mga Israelnon, ‘Ang isa ka manalagna bangonon sang Dios sa inyo gikan sa tunga sang inyo mga kauturan subong sang pagbangon niya sa akon.’#Deut. 18:15, 18. 38Ini amo sia ang yadto sa katilingban sa kamingawan kaupud sang manugtunda nga nagpamolong sa iya sa Bukid nga Sinai,#Ex. 19:1–20:17; Deut. 5:1-33. kag kaupud sang aton mga ginikanan; kag nagbaton sia sang buhi nga mga polong nga ihatag sa aton. 39Sa iya indi buut magtuman ang aton mga ginikanan, kondi ginsikway nila sia, kag nagbalik sila sa ila mga tagiposoon sa Egipto, 40nga nagasiling kay Aaron, ‘Buhati kami sing mga dios nga magauna sa aton; kay nahanungud sining Moises nga nagpagowa sa aton sa Egipto, wala kita makahibalo kon ano ang nahanabu sa iya.’#Ex. 32:1. 41Kag naghimo sila sing tinday nga baka sa sadtong mga adlaw, kag naghalad sa diosdios kag nagkinasadya sa mga buhat sang ila mga kamut.#Ex. 32:2-6. 42Apang ang Dios nagtalikod kag gintugyan sila sa pagsimba sang panong sang langit, sono sa nasulat sa tolon-an sang mga manalagna:

Ginhalaran bala ako ninyo sing pinatay nga mga sapat kag mga halad,

sa kamingawan sing kap-atan ka tuig, O panimalay sang Israel?

43Kag gindala ninyo ang layanglayang ni Moloc,

kag ang bitoon sang dios nga si Refan,

ang mga larawan nga ginhimo ninyo nga simbahon;

kag litonon ko kamo sa unhan sang Babilonia.’#Amos 5:25-27.

44“Ang aton mga ginikanan sa kamingawan may layanglayang sang pagpamatuud, sono sa gintudlo sang nagpamolong kay Moises nga himoon niya ini, sono sa huwaran nga iya nakita.#Ex. 25:9, 40. 45Ginpasulud man ini sang aton mga ginikanan upud kay Josue#Jos. 3:14-17. sang pagkuha nila sang duta sang mga pungsud nga ginsobol sang Dios sa atubangan sang aton mga ginikanan. Amo ini tubtub sa mga adlaw ni David, 46nga nakapahamuut sa itololok sang Dios kag nagpangayo nga makakita sing puluy-an tungud sa Dios ni Jacob.#2 Sam. 7:1-16; 1 Cron. 17:1-14. 47Apang ginpatindugan sia ni Salomon sing balay.#1 Hari 6:1-38; 2 Cron. 3:1-17. 48Apang ang Labing Mataas wala nagapuyo sa mga balay nga ginhimo sang mga kamut; subong sa ginasiling sang manalagna,

49‘Ang langit amo ang akon trono,

kag ang duta palatungan sang akon mga tiil.

Ano bala nga balay ang patindugon ninyo sa akon, nagsiling ang Ginoo,

ukon ano bala ang duug nga palahuwayan ko?

50Wala bala paghimoa sang akon kamut ini tanan nga butang?’#Isa. 66:1-2.

51“Kamo nga tingkoyan nga katawohan, nga sa tagiposoon kag sa mga idulungug wala macircuncidar, nagasumpung kamo gihapon sa Espiritu Santo. Subong sang ginhimo sang inyo mga ginikanan, amo man ang ginahimo ninyo.#Isa. 63:10. 52Sin-o bala sang mga manalagna ang wala paghingabuta sang inyo mga ginikanan? Kag ginpatay nila ang mga nagbantala anay sang pag-abut sang Matarung, nga karon inyo ginluiban kag ginpatay, 53kamo nga nagbaton sang kasogoan nga ginhatag paagi sa mga manugtunda kag wala magbantay sini.”

54Karon sang pagkabati nila sining mga butang naalipungut sila, kag ginpabagrutan nila sia sang ila mga ngipon. 55Apang sia nga puno sang Espiritu Santo, nagtangla sa langit kag nakakita sang himaya sang Dios, kag kay Jesus nga nagatindug sa too sang Dios; 56kag sia nagsiling, “Yari karon, nakita ko ang mga langit nga nabuksan, kag ang Anak sang tawo nga nagatindug sa too sang Dios.” 57Apang nagsinggit sila sa mabaskug nga tingug kag gintakpan ang ila mga dulunggan kag gindamhagan sia sing tingub. 58Niyan ginsobol nila sia sa banwa kag ginbato sia; kag ginbutang sang mga saksi ang ila mga panapton sa tiilan sang pamatan-on nga ginhingalanan si Saulo. 59Kag sang ginabato nila si Esteban, nagpangamuyo sia, “Ginoong Jesus, batona ang akon espiritu.” 60Kag nagluhud sia kag nagsinggit sa mabaskug nga tingug, “Ginoo, dili sila pagpasangti sining sala.” Kag sang nakasiling sia sini, natologan sia. Kag si Saulo nagpahanugot sa iya kamatayon.

Currently Selected:

MGA BINUHATAN 7: ABHIL82

Highlight

Copy