2 MGA CRONICA 27
27
Ang Paghari ni Joatam
(2 Hari 15:32-38)
1Si Joatam duha ka pulo kag lima ka tuig sang nagsugud sia sa paghari, kag naghari sia sing napulog anum ka tuig sa Jerusalem. Ang ngalan sang iya iloy si Jerusa nga anak ni Sadoc. 2Kag naghimo sia sang matarung sa mga mata sang Ginoo, sono sa tanan nga nahimo ni Uzias nga iya amay—lamang wala sia magsulud sa templo sang Ginoo. Apang ang katawohan naghimo pa sing kaduluntan. 3Nagpatindug sia sang gawang nga naibabaw sang balay sang Ginoo, kag sa kuta sang Ofel nagpatindug sia sing madamu. 4Labut pa nagpatindug sia sing mga banwa sa kabakoloran sang Juda, kag nagpatindug sia sing mga castilyo kag mga torre sa mga kagulangan. 5Nagpakig-away man sia sa hari sang mga Amonhon kag nagdaug sa ila. Kag naghatag sa iya ang mga Amonhon sa among tuig sing isa ka gatus ka talanto nga pilak, kag napulo ka libo ka cor nga trigo kag napulo ka libo ka cor nga cebada. Subong sini kadamu ang ginhatag sa iya sang mga Amonhon sa ikaduhang tuig kag sa ikatlo. 6Gani si Joatam nangingamhanan, bangud nga ginpalig-on niya ang iya mga dalanon sa atubangan sang Ginoo nga iya Dios. 7Karon ang nabilin sang mga binuhatan ni Joatam, kag ang tanan niyang pagpakig-away, kag ang iya mga dalanon, yari karon, nasulat sila sa Tolon-an sang mga Hari sang Israel kag Juda. 8Sia duha ka pulo kag lima ka tuig sang nagsugud sia sa paghari, kag naghari sia sing napulog anum ka tuig sa Jerusalem. 9Kag si Joatam nagtolog upud sa iya mga ginikanan, kag ginlubung nila sia sa banwa ni David; kag si Acaz nga iya lalaking anak naghari sa tal-us niya.
Currently Selected:
2 MGA CRONICA 27: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society