Mga Salmo 115
115
Ang Isa lamang ka Matuod nga Dios
1Sa imo lamang, O Ginoo, sa imo lamang,
kag indi sa amon, dapat ihatag ang pagdayaw,
tungod sang imo mapinadayunon nga gugma kag katutom.
2Ngaa bala ang mga kapungsoran, nagapamangkot sa amon,
“Diin ang inyo Dios?”
3Ang amon Dios yara sa langit,
nga nagahimo sang bisan ano nga luyag niya.
4Ang#Sal. 135:15-18; Sul. Jr. 4-73; Bug. 9:20. ila mga dios nahimo sa pilak kag bulawan,
nga ginhimo sang mga kamot sang tawo.
5May mga baba sila, apang indi makahambal,
kag mga mata, pero indi makakita.
6May mga dulonggan sila, pero indi makabati,
kag mga ilong, pero indi makasimhot.
7May mga kamot sila, pero indi makatandog,
kag mga tiil, pero indi makalakat,
wala sila nagahambal.
8Kabay nga ang mga naghimo sini kag ang tanan nga nagasalig sa sini,
manginkaangay sang diosdios nga ila ginhimo!
9Mga tawo sang Israel, magsalig kamo sa Ginoo.
Ginabuligan kag ginaapinan niya kamo.
10Mga pari sang Dios, magsalig kamo sa Ginoo.
Ginabuligan kag ginaapinan niya kamo.
11Tanan kamo nga nagatahod sa iya, magsalig sa Ginoo.
Ginabuligan kag ginaapinan niya kamo.
12Ang Ginoo nagadumdom sa aton kag magabendisyon sa aton,
pagabendisyunan niya ang mga tawo sang Israel,
kag ang tanan nga mga pari sang Dios.
13Pagabendisyunan#Bug. 11:18; 19:5. niya sing palareho ang tanan nga nagatahod sa iya,
ang bantog kag ordinaryo nga mga tawo.
14Kabay ang Ginoo maghatag sa inyo sing mga kabataan,
kamo kag ang inyo mga kaliwat.
15Kabay nga bendisyunan kamo sang Ginoo
nga nagtuga sang langit kag duta!
16Ang langit iya sang Ginoo lamang,
pero ginhatag niya ang duta sa mga tawo.
17Ang Ginoo wala ginadayaw sang mga patay,
sang bisan sin-o nga nagapanaog sa lulobngan.
18Pero kita nga mga buhi magapasalamat sa iya,
karon kag sa walay katapusan.
Dayawa ang Ginoo!
Currently Selected:
Mga Salmo 115: MBBHIL12
Highlight
Share
Copy
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
