Lucas 12

Paandam Batok sa Pagkahipokrito

(Mat. 10:26-27)

1Sang#Mat. 16:6; Mar. 8:15. nagtilipon ang linibo ka mga tawo, sa bagay nga nagatinapakay sila, si Jesus nagsiling sing una sa iya mga gintuton-an, “Mag-andam kamo sa lebadora sang mga Fariseo, nga amo ang ila pagkahipokrito. 2Wala#Mar. 4:22; Luc. 8:17. sing ginatabunan nga indi mabuksan, kag wala sing sekrito nga indi mabuyagyag. 3Gani, kon ano ang ginhambal ninyo sa kadudulman pagapamatian sa kapawa, kag kon ano ang ginahutik ninyo sa sirado nga mga kwarto pagaisinggit halin sa atop sang mga balay.

Sin-o ang Kahadlukan

(Mat. 10:28-31)

4“Mga abyan ko, nagasiling ako sa inyo, indi kamo magkahadlok sa mga makapatay sang lawas kag sa tapos sina wala na sila sing sarang mahimo. 5Ipahayag ko sa inyo kon sin-o ang inyo kahadlukan. Kahadluki ninyo ang Dios nga sa tapos sia makapatay, may gahom pa sa paghaboy sa impierno. Huo, nagasiling ako sa inyo, kahadluki ninyo sia!

6“Indi bala nga sa diutay lang nga kwarta mabaligya ang lima ka mga maya? Pero wala sing isa sa ila nga ginakalimtan sang Dios. 7Bisan ang mga buhok sang inyo ulo naisip tanan. Gani indi kamo magkahadlok! Mas mahal pa kamo sang sa madamo nga mga maya!

Ang Pagkilala kag ang Pagpanghiwala kay Cristo

(Mat. 10:32-33; 12:32; 10:19-20)

8“Nagasiling ako sa inyo, ang tagsatagsa nga nagakilala sa akon sa atubang sang mga tawo, ang Anak sang Tawo magakilala man sa iya sa atubang sang mga anghel sang Dios. 9Pero ang bisan sin-o nga nagapanghiwala sa akon sa atubang sang mga tawo, ang Anak sang Tawo magapanghiwala man sa iya sa atubang sang mga anghel sang Dios.

10“Ang#Mat. 12:32; Mar. 3:29. bisan sin-o nga nagahambal batok sa Anak sang Tawo mapatawad, pero ang bisan sin-o nga nagapasipala batok sa Espiritu Santo indi mapatawad.

11“Kon#Mat. 10:19-20; Mar. 13:11; Luc. 21:14-15. dalhon nila kamo agod hukman sa mga sinagoga ukon sa atubang sang mga gobernador, ukon mga pangulo, indi kamo magpalibog kon ano ang pagpangapin ninyo sang inyo kaugalingon ukon ano ang inyo ihambal. 12Kay ang Espiritu Santo magatudlo sa inyo sa sina nga tion kon ano ang inyo dapat ihambal.”

Ang Palaanggiran Nahanungod sa Manggaranon nga Buangbuang

13Ang isa sang mga tawo nagsiling kay Jesus, “Manunodlo, singgana ang akon utod nga lalaki nga partihan niya ako sang palanublion nga ginbilin sang amon amay.”

14Si Jesus nagsabat sa iya, “Toto, sin-o bala ang naghimo sa akon nga hukom ukon manugparti sang inyo pagkabutang?” 15Kag nagsiling sia sa ila tanan, “Mag-andam kamo kag magbantay sa tanan nga sahi sang kahakog, tungod kay ang matuod nga kabuhi sang tawo wala nasandig sa kadamuon sang iya mga pagkabutang, bisan daw ano ka manggaranon sa iya.”

16Dayon si Jesus nagsugid sa ila sining palaanggiran: “Sadto anay may isa ka manggaranon nga tawo nga maayo ang patubas sang iya duta. 17Nagpainuino sia sa iya kaugalingon, ‘Ano bala ang himuon ko kay wala na ako sing butangan sang akon mga patubas?’ 18Nagsiling sia sa iya kaugalingon, ‘Amo ini ang himuon ko: Gub-on ko ang akon mga bodega kag magpatindog sing dalagku pa gid nga mga bodega nga akon pagabutangan sang tanan ko nga patubas kag sang iban ko nga mga pagkabutang. 19#Sir. 11:19.Dayon magasiling ako sa akon kaugalingon: Mapalaron ka! May madamo ka nga maayo nga mga pagkabutang nga natago para sa malawig nga mga tinuig. Magpatawhay ka lang, magkaon, mag-inom kag magpangalipay.’ 20Pero ang Dios nagsiling sa iya, ‘Buangbuang! Karon gid nga gab-i mapatay ka. Ti sin-o karon ang makapanag-iya sining mga pagkabutang nga gintipon mo para sa imo kaugalingon?’”

21Sa katapusan si Jesus nagsiling, “Subong man sina ang mga nagatipon sing manggad para sa ila kaugalingon, pero indi manggaranon sa panulok sang Dios.”

Pagsalig sa Dios

(Mat. 6:25-34)

22Dayon nagsiling si Jesus sa iya mga gintuton-an, “Gani nagasiling ako sa inyo nga indi kamo magpalibog nahanungod sang pagkaon nga inyo kinahanglanon agod mabuhi kamo, ukon nahanungod sang panapton nga inyo kinahanglanon para sa inyo lawas. 23Kay ang kabuhi labi pa sang sa pagkaon, kag ang lawas labi pa sang sa panapton. 24Tan-awa ang mga uwak: wala sila nagasab-og ukon nagaani, wala sila sing mga tambubo ukon mga bodega, pero ang Dios nagapakaon sa ila. Indi bala nga mas mahal pa kamo sang sa mga pispis? 25Sin-o sa inyo ang makadugang sing bisan diutay nga tion sa iya kabuhi#12:25 makadugang sing diutay nga tion sa iya kabuhi: ukonmakapataas sang iya kaugalingon sing isa pa gid ka pulgada. tungod sa pagpalibog? 26Kon kamo indi gani makasarang maghimo sang bisan diutay nga butang, ngaa magpalibog kamo sang iban nga mga butang? 27Tan-awa#1 Hari 10:4-7; 2 Cron. 9:3-6. ninyo ang mga bulak sa latagon kon daw ano ang pagtubo nila. Wala sila nagapangabudlay ukon nagahimo sing panapton para sa ila kaugalingon. Pero nagasiling ako sa inyo nga bisan si Haring Solomon, sa iya pagkamanggaranon, wala makabayu pareho katahom sining mga bulak. 28Kon ang Dios nagapabayu sang hilamon sa latagon nga karon yari pa kag buas idap-ong sa kalayo, indi bala sia magpabayu sang sobra pa sa inyo? O daw ano kadiutay sang inyo pagtuo!

29Gani, indi kamo maghimud-os sang inyo pagakaunon kag pagaimnon kag indi man kamo magpalibog. 30Kay amo ini tanan ang ginapangita sang mga pagano sining kalibutan. Ang inyo Amay nakahibalo nga nagakinahanglan kamo sini nga mga butang. 31Sa baylo, tinguhaa ninyo ang magpasakop sa paghari niya kag ini nga mga butang ihatag sa inyo.

Mga Manggad sa Langit

(Mat. 6:19-21)

32“Indi kamo magkahadlok, diutay nga panong. Kay ang inyo Amay nalipay sa paghatag sa inyo sang Ginharian. 33Ibaligya ang tanan ninyo nga mga pagkabutang kag ihatag ang kwarta sa mga imol. Maghimo para sa inyo kaugalingon sang mga bag nga wala nagadaan kag magtago sang inyo mga manggad sa langit, sa diin indi sila maibanan, tungod kay wala sing makawat nga makakuha, ukon sapatsapat nga makaut-ot. 34Kay kon diin ang inyo manggad didto man ang inyo tagipusoon.

Ang Nagabantay nga mga Suloguon

35“Maghanda#Mat. 25:1-13. kamo para sa bisan ano nga magaabot, nga nawagkusan ang inyo mga hawak kag nasindihan ang inyo mga suga, 36subong#Mar. 13:34-36. sang mga suloguon nga nagahulat sang ila agalon nga magapauli halin sa punsyon sa kasal. Kon mag-abot sia kag magpanuktok, sa gilayon abrihan nila ang pwertahan para sa iya. 37Daw ano ka malipayon yadto nga mga suloguon nga masapwan sang ila agalon nga nagamata kag handa sa pag-abot niya! Nagasiling ako sa inyo nga magailis sia sang iya nga bayu, papungkoon niya sila kag sirbehan. 38Daw ano ka malipayon sa ila kon iya sila masapwan nga handa, bisan nga tungang gab-i ukon kaagahon na sia mag-abot. 39Dumdoma#Mat. 24:43-44. ninyo ini! Kon ang tag-iya sang balay nakahibalo kon ano nga oras magaabot ang makawat, indi niya kuntani pagpabayaan nga rungkabon ang iya balay. 40Kamo man dapat maghanda tungod kay ang Anak sang Tawo magaabot sa oras nga wala ninyo sia ginapaabot.”

Ang Matutom ukon ang Di-matutom nga Suloguon

(Mat. 24:45-51)

41Si Pedro nagsiling, “Ginoo, kami lang bala ang ginasugiran mo sini nga palaanggiran ukon para ini sa tanan?”

42Ang Ginoo nagsabat, “Karon sin-o bala ang matutom kag maalam nga suloguon? Sia amo ang pagatugyanan sang iya agalon sa pagdumala sang iya panimalay kag sa paghatag sa iban nga mga suloguon sang ila parti nga pagkaon sa nagakaigo nga tion. 43Daw ano ka malipayon ina nga suloguon kon makita sia sang iya agalon nga nagahimo sang gintugyan sa iya sa pagbalik niya. 44Matuod gid, nagasiling ako sa inyo, ang agalon magatugyan sa sina nga suloguon sang tanan niya nga mga pagkabutang. 45Pero kon ina nga suloguon magsiling sa iya kaugalingon, ‘Dugay pa mag-abot ang akon agalon.’ Gani magasugod sia sa pagpanakit sang iban nga mga suloguon nga lalaki kag babayi, kag magakaon, magainom kag magapahubog sia. 46Dayon, magabalik ang agalon sa adlaw nga wala sia ginapaabot sang suloguon kag sa tion nga wala niya mahibaloi. Ang agalon magahatukhatok sa iya#12:46 magahatukhatok sa iya: ukonmagahaboy sa iya sa gwa. kag magasilot sa iya upod sa mga malalison.

47“Yadto nga suloguon nga nakahibalo sang luyag ipahimo sa iya sang iya agalon, pero wala sia nagahanda kag wala sia nagahimo suno sa kabubot-on sang iya agalon, pagahanuton sing tudotudo. 48Pero ang suloguon nga wala makahibalo sang luyag sang iya agalon, pero nagahimo sing mga butang nga takos sia hanuton, pagahanuton sia sing diutay lang. Ang tagsatagsa nga ginhatagan sing madamo, madamo man ang ginapaabot sa iya. Ang tawo nga ginhatagan sing madamo pa gid, madamo pa gid ang ginapaabot sa iya.

Si Jesus ang Kabangdanan sang Pagbinahinbahin

(Mat. 10:34-36)

49“Nag-abot ako sa pagdala sing kalayo sa duta, kag luyag ko kuntani nga nagadabdab na ini! 50May#Mar. 10:38. bautiso ako nga pagabatunon, kag natublag gid ako tubtob wala pa ini matapos 51Nagahunahuna bala kamo nga nag-abot ako sa pagdala sing paghidait sa kalibutan? Nagasiling ako sa inyo, Wala ako mag-abot sa pagdala sing paghidait, kundi pagbinahinbahin. 52Sugod karon ang panimalay nga may lima ka katapo magabinahinbahin, ang tatlo batok sa duha, kag ang duha batok sa tatlo. 53Ang#Miq. 7:6. mga amay manginkasumpong sang ila mga anak nga lalaki, kag ang mga anak nga lalaki manginkasumpong sang ila mga amay. Ang mga iloy manginkasumpong sang ila mga anak nga babayi, kag ang mga anak nga babayi manginkasumpong sang ila mga iloy. Ang mga ugangan nga babayi manginkasumpong sang ila mga umagad nga babayi kag ang mga umagad nga babayi manginkasumpong sang ila mga ugangan nga babayi.”

Ang Paghibalo sang Panag-on

(Mat. 16:2-3)

54Si Jesus nagsiling pa gid sa mga tawo, “Kon makita gani ninyo ang gal-om nga nagaporma sa nakatundan, nagasiling kamo dayon, ‘Magaulan,’ kag nagaulan. 55Kag kon mabatyagan ninyo ang habagat nga nagahuyop, nagasiling kamo, ‘Magasingkal ang init,’ kag nagainit. 56Mga hipokrito! Makahibalo kamo sang panahon paagi sa pagtan-aw sang langit kag duta, pero ngaa bala nga indi kamo makahibalo sang kahulogan sang panag-on karon?

Magpakighusay sa Inyo Kaaway

(Mat. 5:25-26)

57“Ngaa nga wala kamo nagabinagbinag sa inyo kaugalingon kon ano ang maayo himuon? 58Kon may isa ka tawo nga magsumbong sa imo sa korte, tinguhai ang pagpakighusay sa iya sa nagapadulong pa lang kamo sa korte. Kon indi nimo mahimo ina, sagnuyon niya ikaw sa atubang sang hukom nga amo ang magatugyan sa imo sa pulis, kag ang pulis magabilanggo sa imo. 59Nagasiling ako sa imo nga indi ka makagwa sa bilangguan tubtob nga mabayaran mo ang tanan mo nga multa.”

Currently Selected:

Lucas 12: MBBHIL12

Highlight

Copy