Lucas 10

Si Jesus Nagpadala sang Setentay dos ka mga Gintuton-an

1Sa tapos sini ang Ginoo nagpili sing setentay dos#10:1 setentay dos: Ang iban nga mga manuskrito maysetenta. pa gid ka mga tawo kag iya sila ginpadala sing tagduhaduha sa pag-una sa iya sa tagsa ka banwa kag lugar nga madali na lang niya pagakadtuan. 2Nagsiling#Mat. 9:37-38. sia sa ila, “Malapad ang alanyon, pero diutay lang ang mga mangangani. Gani magpangamuyo kamo sa tag-iya sang alanyon nga magpadala sia sing mga mangangani sa iya alanyon. 3Lakat#Mat. 10:16. kamo! Ginapadala ko kamo subong mga kordero sa tunga sang mga lobo. 4Indi#Mat. 10:7-14; Mar. 6:8-11; Luc. 9:3-5. kamo magdala sing sulodlan sang kwarta, ukon bag, ukon sandalyas. Indi kamo magdulog sa pagpanamyaw bisan kay sin-o sa dalan. 5Kon magsulod kamo sa isa ka balay, magsiling kamo anay, ‘Ang paghidait manginyari sa sini nga balay.’ 6Kon ang nagaestar dira tawo nga mahidaiton, ibilin sa iya ang inyo panamyaw sang paghidait. Pero kon indi sia mahidaiton, bawia ninyo ang inyo panamyaw sang paghidait. 7Magdayon#1 Cor. 9:14; 1 Tim. 5:18. kamo sa sina nga balay, magkaon kag mag-inom sang bisan ano nga ginahanda nila sa inyo, kay ang manugpangabudlay dapat hatagan sang iya suhol. Indi kamo magsagad saylusaylo sing dalayunan. 8Kon magkadto kamo sa isa ka banwa kag ginabaton kamo, kauna ninyo ang ginahanda sa inyo, 9ayuha ninyo ang mga nagamasakit sa sadto nga banwa, kag magsiling kamo sa mga tawo didto, ‘Ang paghari sang Dios malapit na sa inyo.’ 10Pero#Bin. 13:51. kon magsulod kamo sa isa ka banwa kag wala kamo ginabaton, kadto kamo sa mga dalan kag magsiling, 11‘Bisan ang yab-ok sang inyo banwa nga nagatapik sa amon mga tiil amon nga tatakon batok sa inyo. Pero dumdoma ninyo ini, ang paghari sang Dios malapit na sa inyo.’ 12Nagasiling#Gen. 19:24-28; Mat. 11:24; Bin. 13:51. ako sa inyo nga sa Adlaw sang Paghukom ang Dios mas magamaluloy-on pa sa Sodoma sang sa sadto nga banwa!

Ang Indi Matinuohon nga mga Tawo sa Kabanwahanan

(Mat. 11:20-24)

13“Makaluluoy#Isa. 23:1-18; Ezeq. 26:1–28:26; Joel 3:4-8; Amos 1:9-10; Zac. 9:2-4. ka man, Corazin! Makaluluoy ka man, Betsaida! Kay kon ang gamhanan nga mga buhat nga ginhimo sa inyo ginhimo sa Tiro kag Sidon, dugay na kuntani ang mga tawo didto nagpungko, nagabayo sing sako kag nagbutang sing abo sa ila mga ulo sa pagpakita nga mag-untat sila sa pagpakasala. 14Sa Adlaw sang Paghukom ang Dios mas magamaluloy-on pa sa Tiro kag sa Sidon sang sa inyo. 15Kag#Isa. 14:13-15. ikaw, Capernaum, luyag ka bala magbayaw sang imo kaugalingon sa langit? Ihaboy ka sa impierno!”

16Nagsiling#Mat. 10:40; Mar. 9:37; Luc. 9:48; Juan 13:20. si Jesus sa iya mga gintuton-an, “Ang bisan sin-o nga nagapamati sa inyo, nagapamati sa akon, ang bisan sin-o nga nagasikway sa inyo, nagasikway sa akon. Kag ang bisan sin-o nga nagasikway sa akon, nagasikway sa iya nga nagpadala sa akon.”

Ang Pagbalik sang Setentay dos

17Ang setentay dos#10:17 setentay dos: Ang iban nga mga manuskrito maysetenta (tan-awa ang bersikulo 1). nagbalik nga may daku nga kalipay. Nagsiling sila, “Ginoo, bisan pa ang mga demonyo nagtuman sa amon sang ginmanduan namon sila sa imo ngalan!”

18Si Jesus nagsabat sa ila, “Nakita ko si Satanas nga nahulog kaangay sang kilat halin sa langit. 19Pamati#Sal. 91:13. kamo! Ginhatag ko sa inyo ang gahom sa pagtapak sa mga man-og kag mga iwiiwi, kag paglutos sa tanan nga gahom sang Kaaway, kag wala sing bisan ano nga makahalit sa inyo. 20Pero indi kamo magkalipay tungod kay ang malaut nga mga espiritu nagatuman sa inyo, kundi magkalipay kamo tungod kay ang inyo mga ngalan nasulat sa langit.”

Si Jesus Nagakalipay

(Mat. 11:25-27; 13:16-17)

21Sa amo nga takna si Jesus nga puno sing kalipay sang Espiritu Santo#10:21 sang Espiritu Santo: Ang iban nga mga manuskrito maysang Espiritu; ang iban maysa iya espiritu. nagsiling, “O Amay, Ginoo sang langit kag duta, nagapasalamat ako sa imo tungod kay ang imo gintago sa mga maalam kag may mga tinun-an imo ginpakita sa indi mga maalam. Huo, Amay, kay amo ini ang imo nahamut-an nga matabo.

22“Gintugyan#Juan 3:35; Juan 10:15. sa akon sang akon Amay ang tanan nga mga butang. Wala sing may nakakilala sa Anak luas sa Amay, kag wala sing may nakakilala sa Amay luas sa Anak kag sa ila nga mga pinili sang Anak, nga ipahayag ang Amay.”

23Dayon si Jesus nagliso sa mga gintuton-an kag nagsiling sa ila nga silahanon lang, “Daw ano ka malipayon sa inyo nga makakita sang mga butang nga inyo ginatan-aw! 24Nagasiling ako sa inyo nga madamo nga mga propeta kag mga hari ang naghandom nga makita ang inyo ginatan-aw, pero wala sila makakita, kag nga makabati sa inyo ginapamatian, pero wala sila makabati.”

Ang Palaanggiran Nahanungod sa Maayo nga Samariahanon

25May#Mat. 22:35-40; Mar. 12:28-34. isa ka manunodlo sang Kasugoan nga nagtindog sa pagdakupdakop kay Jesus. Nagpamangkot sia, “Manunodlo, ano bala ang dapat ko himuon agod maangkon ko ang kabuhi nga wala sing katapusan?”

26Si Jesus nagsabat sa iya, “Ano bala ang ginasiling sang mga Kasulatan? Paano bala ang paghangop nimo sini?”

27Ang#Deut. 6:5; Lev. 19:18. tawo nagsabat, “‘Higugmaa ang Ginoo nga imo Dios sa bug-os mo nga tagipusoon, sa bug-os mo nga kalag, sa bug-os mo nga kusog, kag sa bug-os mo nga hunahuna,’ kag, ‘Higugmaa ang imo isigkatawo subong sang imo kaugalingon.’”

28Si Jesus#Lev. 18:5. nagsabat, “Husto ang imo sabat. Himua ini kag magakabuhi ka.”

29Pero ang manunodlo sang Kasugoan buot magpakamatarong sang iya kaugalingon, gani ginpamangkot niya si Jesus, “Sin-o bala ang akon isigkatawo?”

30Si Jesus nagsabat, “May isa ka tawo nga nagdulhog halin sa Jerusalem pakadto sa Jerico nga ginbanggaan sang mga buyong. Ginkuha nila ang iya tanan nga pagkabutang pati ang iya bayu, ginbakol sia kag ginbayaan nga daw sa patay na. 31Natabuan nga may nagdulhog nga isa ka pari sa sina nga dalan. Sang pagkakita niya sang tawo, naglikaw sia sa pihak sang dalan. 32Sa amo man nga dalan may nag-abot didto nga isa ka Levita, kag sang pagkakita niya sang tawo naglikaw sia sa pihak sang dalan. 33Pero#2 Cron. 28:15. may isa ka Samariahanon nga nagapanglakaton kag nakaabot sa nahamtangan sang tawo. Sang pagkakita niya sang tawo naluoy gid sia. 34Ginpalapitan niya ang tawo, ginhaplasan niya sing lana kag bino ang iya mga pilas kag ginbugkosan ini. Dayon ginpasakay niya sia sa iya kaugalingon nga hayop, gindala sa dalayunan kag gin-atipan niya sia. 35Sang madason nga adlaw nagkuha sia sing duha ka denario#10:35 DENARIO: Ang isa ka denario minimo nga suhol sang ordinaryo nga mamumogon para sa isa ka adlaw nga pag-obra. kag ginhatag niya ini sa tag-iya sang dalayunan. Nagsiling sia sa iya, ‘Tatapa sia, kag sa akon pagbalik bayaran ko ikaw sang tanan nga magasto mo sa iya.’”

36Dayon si Jesus nagpamangkot, “Ti, sa imo abi, sin-o bala sa sining tatlo, ang nanginmaayo nga isigkatawo sining tawo nga ginbanggaan sang mga buyong?”

37Nagsabat sia, “Yadtong nagkaluoy sa iya.”

Si Jesus nagsiling sa iya, “Ti, lakat ka kag himua ang subong man.”

Nagbisita si Jesus kay Marta kag kay Maria

38Sang#Juan 11:1. nagpadayon si Jesus kag ang iya mga gintuton-an sang ila pagpanglakaton, nakaabot sia sa isa ka barangay. May isa ka babayi nga ginahingalanan kay Marta nga nagbaton kay Jesus sa iya balay. 39Si Marta may utod nga babayi nga ginahingalanan kay Maria nga nagpungko sa tiilan sang Ginoo sa pagpamati sang iya pagpanudlo. 40Pero si Marta nagpalibog sang tanan nga mga obra nga iya himuon, gani nagpalapit sia kay Jesus kag nagsiling, “Ginoo, wala ka bala nagakabalaka nga ginapabayaan ako nga nagaisahanon sang akon utod sa paghimo sang tanan nga mga hilimuson? Singgana sia nga magbulig sa akon!”

41Ang Ginoo nagsabat sa iya, “Marta, Marta, nagapalibog ka, kag indi ka mapahamtang nahanungod sang madamo nga mga butang, 42pero isa gid lang ka butang ang kinahanglan. Ginpili ni Maria ang maayo nga butang kag ina indi makuha sa iya.”

Currently Selected:

Lucas 10: MBBHIL12

Highlight

Copy