Mga Binuhatan 15

Ang Paghinun-anon sa Jerusalem

1May#Lev. 12:3. mga tawo halin sa Judea nga nagkadto sa Antioquia kag nagtudlo sa mga kautoran, “Indi kamo maluwas kon indi kamo magpatuli, suno sa ginatudlo sang Kasugoan ni Moises.” 2Mainit ang pagpakigbais ni Pablo kag ni Bernabe batok sa ila nahanungod sini, gani nagpamat-od ang mga kautoran nga palakton si Pablo kag si Bernabe sa Jerusalem nga updan sang iban nga mga taga-Antioquia, agod nga mapakigkitaan nila ang mga apostoles kag mga katigulangan sang iglesia nahanungod sini nga butang.

3Ginpalakat sila sang iglesia kag sa ila pag-agi sa Fenicia kag Samaria, nagsugid sila kon paano ang pagliso sang mga Hentil sa Dios. Nalipay gid ang tanan nga mga kautoran tungod sini nga balita. 4Sa ila pag-abot sa Jerusalem ginbaton sila sang iglesia kag sang mga apostoles kag sang mga katigulangan. Ginsugid nila ang tanan nga ginhimo sang Dios paagi sa ila. 5Pero may pila ka mga tumoluo nga sang una katapo sang partido sang mga Fariseo nga nagtindog kag nagsiling, “Kinahanglan nga tulion ang mga Hentil kag patumanon sang Kasugoan ni Moises.”

6Gani naghinun-anon ang mga apostoles kag ang mga katigulangan sang iglesia sa pagpatugsiling sini nga butang. 7Sa#Bin. 10:1-43. tapos sang malawig nga pagbaisay nagtindog si Pedro kag nagsiling, “Mga utod, inyo nahibaluan nga madugay na ako ginpili sang Dios sa pagwali sang Maayong Balita sa mga Hentil, agod nga makabati sila sini kag magtuo. 8Kag#Bin. 2:4. ang Dios nga nakahibalo sang tagipusoon sang mga tawo nagpakita sang iya pagbaton sa mga Hentil paagi sa iya paghatag sa ila sang Espiritu Santo, subong sang iya paghatag man sini sa aton. 9Wala sia sing pinilian sa aton kag sa ila. Ginpatawad niya ang ila mga sala tungod kay nagatuo sila. 10Ti, karon, ngaa bala nga ginatilawan ninyo ang Dios sa pagpapas-an sa mga gintuton-an sang palas-anon nga indi gani madala sang aton mga katigulangan kag bisan kita mismo indi man makadala? 11Indi amo ina! Nagatuo kita nga paagi sa kaayo ni Ginoong Jesus ginluwas kita kag amo man sila.”

12Naghipos ang bug-os nga grupo sang mabatian nila ang tanan nga ginsugid ni Bernabe kag ni Pablo nahanungod sang mga katilingalahan kag mga milagro nga ginhimo sang Dios sa mga Hentil paagi sa ila. 13Sang makatapos sila hambal, si Santiago nagsiling, “Mga utod, pamatii ninyo ako! 14Bag-o lang ni Simon ginsaysay kon paano ginpakita sang Dios una ang iya kabalaka sa mga Hentil paagi sa pagkuha niya sa tunga nila sang mga tawo nga mangin-iya. 15Ang mga ginhambal sang mga propeta nagasinanto gid sa ginasiling sang kasulatan:

16‘Sa#Amos 9:11-12 (LXX). tapos sini magabalik ako,

kag ibalik ko ang napukan nga ginharian ni David,

patindugon ko ini gikan sa iya pagkarumpag

kag pabakuron ko ini liwat, siling sang Ginoo.

17Gani ang tanan nga mga tawo magapalapit sa akon,

ang tanan nga mga Hentil nga akon gintawag nga mangin-akon kaugalingon.

18Amo ini ang ginasiling sang Ginoo nga madugay na nagpabutyag sini.’”

19Si Santiago nagpadayon sa pagsiling, “Ang akon panghunahuna amo ini: indi na naton pagpabudlayan ang mga Hentil nga nagabalik sa Dios. 20Sa#Exo. 34:15-17; Lev. 18:6-23; Lev. 17:10-16. baylo, sulatan naton sila kag singganon nga indi sila magkaon sang mga pagkaon nga nahalad sa mga diosdios, tungod kay nadagtaan ini, maglikaw sila sa pagpakighilawas, kag indi magkaon sang mga sapat nga napatay paagi sa pagkuga kag indi man magkaon sang dugo. 21Kay madugay na gid nga ginabasa ang Kasugoan ni Moises sa mga sinagoga sa tagsa ka Adlaw nga Inugpahuway kag ang iya mga pulong ginawali sa tagsa ka banwa.”

Ang Sulat sa Hentil nga mga Tumoluo

22Dayon ang mga apostoles kag ang mga katigulangan sang iglesia kag ang bug-os nga iglesia, naghisugot sa pagpili sang pila ka mga lalaki gikan sa ila grupo, nga ipadala sa Antioquia upod kay Pablo kag kay Bernabe. Ginpili nila si Judas nga ginatawag si Barsabas kag si Silas. Ini sila nga duha ginataha gid sang mga kautoran. 23Nagpadala sila sang sulat paagi sa ila:

“Kami nga mga apostoles kag ang mga katigulangan sang iglesia, nga inyo mga utod, nagapadala sang amon mga pag-abiabi sa tanan nga mga kautoran nga mga Hentil nga nagaestar sa Antioquia, Siria kag Cilicia. 24Nakabati kami nga may mga tawo gikan sa amon nga nagkadto sa inyo nga naggamo kag nagtublag sa inyo tungod sang ila mga ginpanghambal. Wala kami maghatag sa ila sang mga pagtudlo sa paghimo sini. 25Gani naghinun-anon kami kag naghisugot sa pagpili sang mga tawo nga ipadala sa inyo. Maupod sila sa aton pinalangga nga mga abyan nga si Bernabe kag si Pablo 26nga nagrisgo sang ila mga kabuhi sa pag-alagad sa aton Ginoong Jesu-Cristo. 27Gani, amon ginapadala sa inyo si Judas kag si Silas nga sila mismo magasugid sa inyo sang amo man nga mga butang nga natugon sa sini nga sulat. 28Kay ginpakamaayo sang Espiritu Santo kag ginpakamaayo man namon nga indi pag-ibutang sa inyo ang iban pa nga mga kabug-atan luas sa sining kinahanglanon nga mga pagsulondan: 29indi kamo magkaon sang pagkaon nga nahalad sa mga diosdios. Indi kamo magkaon sang dugo. Indi kamo magkaon sang mga sapat nga napatay paagi sa kuga. Indi kamo magpakighilawas. Maayo gid sa inyo kon maglikaw kamo sa paghimo sini nga mga butang. Paalam sa inyo.”

30Ini nga mga mensahero ginpalakat kag nagkadto sila sa Antioquia, sa diin gintipon nila ang bug-os nga grupo sang mga tumoluo kag ginhatag sa ila ang sulat. 31Sang mabasahan sang mga tawo ang sulat, nalipay gid sila tungod sang mensahe sang pagpabakod. 32Si Judas kag si Silas nga sila mismo mga propeta, naghambal sing malawig sa mga utod sa pagpaisog kag sa pagpabakod sa ila. 33Sa tapos sila makapabilin didto sing pila ka adlaw, ginpalakat sila sang mga kautoran sa paghidait, kag nagbalik sila sa mga nagpadala sa ila.#15:33 Ang iban nga mga manuskrito nagadugang sang bersikulo 34: Pero ginpakamaayo ni Silas nga magpabilin didto.

35Nagtener si Pablo kag si Bernabe sing pila ka adlaw sa Antioquia kag upod sa iban nagpanudlo kag nagwali sila sang pulong sang Ginoo.

Nagbulagay si Pablo kag si Bernabe

36Sa tapos ang pila ka adlaw nagsiling si Pablo kay Bernabe, “Mabalik kita sa tanan nga mga siudad nga aton ginwalihan sang pulong sang Ginoo kag bisitahon ta ang mga kautoran agod nga mahibaluan ta kon paano sila sa ila pagtuo.” 37Luyag ni Bernabe nga dalhon upod sa ila si Juan nga ginahingalanan man Marcos, 38pero#Bin. 13:13. ginhunahuna ni Pablo nga indi maayo nga dalhon sia tungod kay wala sia nagpabilin upod sa ila tubtob sa katapusan sang ila bulohaton kundi nagpauli sia kag ginbayaan niya sila sa Panfilia. 39Mainit ang ila pagbaisay kag nagbulagay sila: gindala ni Bernabe si Marcos kag nagpanakayon sila pakadto sa Cipre, 40samtang si Pablo iya nagpili kay Silas kag naglakat sila sa tapos matugyan sila sang mga kautoran sa pagtatap sang Ginoo. 41Ginlatas niya ang Siria kag Cilicia sa pagpabakod sang mga iglesia.

Currently Selected:

Mga Binuhatan 15: MBBHIL12

Highlight

Copy