Mga Binuhatan 1

1Halangdon#Luc. 1:1-4. nga Teofilo:

Sa una ko nga libro, akon ginsulat ang tanan nga mga butang nga ginhimo kag gintudlo ni Jesus, halin sang pagsugod niya sang iya bulohaton 2tubtob sa adlaw nga gindala sia pakadto sa langit. Sa wala pa sia madala pa ibabaw, may ginhatag sia nga mga tulomanon sa iya ginpili nga mga apostoles paagi sa gahom sang Espiritu Santo. 3Sa sulod sang kwarenta ka adlaw sa tapos sang iya pagkamatay, nagpakita sia sa ila sa madamo nga beses, sa indi mapanghiwala nga mga pagpamatuod nga buhi sia. Nakita nila sia kag naghambal sia sa ila nahanungod sang paghari sang Dios. 4Sang#Luc. 24:49. pagtipon nila,#1:4 Sang pagtipon nila: ukonSamtang nagpakig-upod sia sa ila, ukonSamtang nagakaon sia upod sa ila. ginmanduan sila ni Jesus: “Indi kamo maghalin sa Jerusalem, kundi hulaton ninyo ang ginsaad sang akon Amay sa inyo nga ginsiling ko na sa inyo. 5Si#Mat. 3:11; Mar. 1:8; Luc. 3:16; Juan 1:33. Juan nagpangbautiso paagi sa tubig, pero sa pila ka adlaw pagabautisohan kamo paagi sa Espiritu Santo.”

Si Jesus Gindala pa Langit

6Sang pagtipon sang mga apostoles kaupod ni Jesus nagpamangkot sila sa iya, “Ginoo, amo na bala ini ang tion nga ibalik mo ang Ginharian sa Israel?

7Nagsabat si Jesus sa ila, “Indi para sa inyo ang paghibalo kon san-o ini mahanabo, kay ang akon Amay amo lamang ang may gahom sa pagtalana sang mga panag-on kag sang mga magakahanabo. 8Pero#Mat. 28:19; Mar. 16:15; Luc. 24:47-48. sa pag-abot sang Espiritu Santo sa inyo magabaton kamo sing gahom kag manginsaksi ko kamo sa Jerusalem, sa bug-os nga Judea kag Samaria, kag sa bug-os nga kalibutan.” 9Sa#Mar. 16:19; Luc. 24:50-51. tapos niya mahambal ini gindala sia pakadto sa langit samtang nagatan-aw sila sa iya, kag ginlikupan sia sang panganod tubtob indi na nila sia makita.

10Sang nagatangla pa sila sa langit, samtang nagapaibabaw sia, sa hinali may nagtindog sa tupad nila nga duha ka tawo nga nagabayo sing puti 11kag nagsiling sa ila, “Mga taga-Galilea, ngaa bala nagatindog kamo dira kag nagatangla sa langit? Ining Jesus nga ginkuha sa inyo kag gindala pa langit, magabalik liwat sa amo man nga paagi nga nakita ninyo sia nga nagpalangit.”

Ang Nagbulos kay Judas

12Dayon nagbalik ang mga apostoles sa Jerusalem halin sa Bukid sang mga Olivo nga may kalayuon nga mga isa ka kilometro halin sa siudad. 13Sang#Mat. 10:2-4; Mar. 3:16-19; Luc. 6:14-16. pag-abot nila sa Jerusalem nagsaka sila sa kwarto nga ila ginadayunan. Sila amo sanday Pedro, Juan, Santiago kag Andres, Felipe kag Tomas, Bartolome kag Mateo, Santiago nga anak ni Alfeo, Simon nga makipungsodnon, kag Judas nga anak ni Santiago. 14Sa masunson nagtipon sila sing tingob sa pagpangamuyo, kaupod sang mga babayi kag ni Maria nga iloy ni Jesus, kag sang iya mga utod nga lalaki.

15Sang makaligad ang pila ka adlaw nagtilipon ang mga tumoluo nga mga 120 tanan. Nagtindog si Pedro kag nagsiling, 16“Mga utod ko, ang kasulatan kinahanglan matuman, sa diin ang Espiritu Santo nagtagna paagi kay David nahanungod kay Judas, nga amo ang naggiya sang mga nagdakop kay Jesus. 17Si Judas isa ka katapo sang aton grupo kay ginpili sia nga magpakigbahin sa aton hilikuton.”

(18Ang kwarta nga nabaton ni Judas halin sa iya malauton nga buhat iya ginbakal sang duta sa diin nahulog sia kag napatay. Nabusdik ang iya tiyan kag naggulowa ang iya tanan nga mga kasudlan. 19Ang#Mat. 27:3-8. tanan nga mga pumoluyo sa Jerusalem nakahibalo sini gani sa ila nga hambal gintawag nila yadto nga duta Akeldama nga kon sayuron, “Talamnan sang Dugo.”)

20“Kay#Sal. 69:25; Sal. 109:8. nasulat ini sa libro sang mga Salmo,

‘Kabay nga bayaan ang iya balay,

kag sa sini wala na sing may mag-estar.’

kag nasulat man,

‘Kabay nga may magbulos sa iya pag-alagad.’

21-22“Gani,#Mat. 3:16; Mar. 1:9; Mar. 16:19; Luc. 24:51. kinahanglan nga may mag-upod sa aton nga isa subong nga saksi sang pagkabanhaw ni Ginoong Jesus. Kinahanglan nga isa sia sang mga nanginkaupod naton sa bug-os nga tion nga nagpanglakaton si Ginoong Jesus upod sa aton, halin sang pagbautiso ni Juan kay Jesus#1:21-22 pagbautiso ni Juan kay Jesus: ukonpagwali ni Juan sang mensahe sang pagbautiso. tubtob sang pagkuha kay Jesus sa aton kag gindala pa langit.”

23Duha ang ila ginpapilian: si Jose nga ginatawag Barsabas nga ginhayuan man kay Justo, kag si Matias. 24Dayon nagpangamuyo sila nga nagasiling, “Ginoo, ikaw nakahibalo sang mga tagipusoon sang tanan nga mga tawo. Gani, ipahayag sa amon kon sin-o sa sining duha ang imo ginpili 25nga mag-alagad subong isa ka apostol sa pagbulos kay Judas nga nagbiya kag nagkadto sa lugar nga bagay sa iya.” 26Sa tapos sini nagpagabutgabot sila sa pagpili kon sin-o sa ila nga duha, kag ang napilian amo si Matias. Gindugang sia sa grupo sang onse ka mga apostoles.

Currently Selected:

Mga Binuhatan 1: MBBHIL12

Highlight

Copy