AWIT SA MGA AWIT 7
7
Ang Lalaki
1Pagkatahom sa imong mga tiil nga sinadalyasan, O hamili nga dalaga!
Ang imong mga maanindot nga mga paa
sama sa mga alahas,
buhat sa usa ka batid nga kamot.
2Ang imong pusod sama sa usa ka lingin nga panaksan,
nga wala makulangi ug bino nga sinagolan.
Ang imong hawak usa ka pundok nga trigo
nga gilibotan ug mga liryo
3Ang imong duha ka suso sama sa duha ka nati nga lagsaw,
nga kaluha sa usa ka lagsaw nga baye.
4Ang imong liog sama sa usa ka tore nga tango sa elepante.
Ang imong mga mata mga linaw sa Hesbon,
duol sa ganghaan sa Bat-rabim.
Ang imong ilong sama sa tore sa Lebanon
nga naglantaw ngadto sa Damasco.
5Ang imong ulo nagpurongpurong kanimo sama sa Carmel,
ug ang buhok sa imong ulo sama sa purpura;
ang hari nahimong binihag sa mga kulong niini.#7:5 Lisod sabton sa Hebreo ang kahulogan niini.
6Pagkaanyag ug pagkatahom nimo,
O hinigugma, alang sa kalipayan!
7Kining imong barog sama sa usa ka kahoy nga palmera,
ug ang imong mga suso sama sa mga bulig niini.
8Ako nag-ingon nga mosaka ako sa kahoy nga palmera,
ug mokupot ako sa mga sanga niini.
Ang imong mga suso mahisama unta sa mga pungpong sa paras,
ug ang kahumot sa imong gininhawa sama sa mga mansanas,
9ug ang imong baba sama sa labing maayo nga bino,
nga tanlas alang sa akong hinigugma,
nagdagayday sa mga ngabil ug sa mga ngipon.#7:9 ug sa mga ngipon: Sa Hebreo, sa mga nangatulog.
Ang Babaye
10Ako iya sa akong hinigugma,
ug ang iyang tinguha alang kanako.
11Dali ngari, akong hinigugma,
mangadto kita sa kapatagan,
mamuyo kita sa kabalangayan;
12mangadto kita ug sayo sa parasan,
ug tan-awon nato kon namutot na ba ang paras,
kon ang udlot sa paras mibuklad na ba
ug ang mga granada namulak.
Didto ihatag nako kanimo ang akong gugma.
13Ang mga mandragora naghatag sa ilang kahumot,
ug sa atong mga pultahan anaa ang tanang piniling bunga,
bag-o ug daan,
nga akong gitagana alang kanimo, O akong hinigugma.
Currently Selected:
AWIT SA MGA AWIT 7: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
