NEHEMIAS 10

1Ang mga mitimaan mao kini: si Nehemias nga gobernador nga anak ni Hacalias, si Zedekias, 2si Seraias, si Asarias, si Jeremias, 3si Pasur, si Amarias, si Malkias, 4si Hatus, si Sebanias, si Maluk, 5si Harim, si Meremot, si Obadias, 6si Daniel, si Gineton, si Baruk, 7si Mesulam, si Abias, si Mijamin, 8si Maasias, si Bilgai ug si Semaias; kini sila mao ang mga pari. 9Ang mga Levihanon: si Jesua nga anak ni Asanias, si Binui sa mga kaliwat ni Henadad, si Kadmiel 10ug ang ilang mga kaigsoonan mao si Sebanias, si Hodias, si Kelita, si Pelaias, si Hanan, 11si Mica, si Rehob, si Hasabias, 12si Zacur, si Serebias, si Sebanias, 13si Hodias, si Bani ug si Beninu. 14Ang mga pangulo sa katawhan: si Paros, si Pahat-moab, si Elam, si Zatu, si Bani, 15si Buni, si Azgad, si Bebai, 16si Adonias, si Bigvai, si Adin, 17si Ater, si Hesekias, si Azur, 18si Hodias, si Hasum, si Besai, 19si Harif, si Anatot, si Nebai, 20si Magpias, si Mesulam, si Hesir, 21si Mesesabel, si Zadok, si Jadua, 22si Pelatias, si Hanan, si Anaias, 23si Hoseas, si Ananias, si Hasub, 24si Halohes, si Pilha, si Sobek, 25si Rehum, si Hasabna, si Maaseias, 26si Ahias, si Hanan, si Anan, 27si Maluk, si Harim ug si Baana.

28Ang uban sa katawhan, ang mga pari, ang mga Levihanon, ang mga tigbantay sa ganghaan, ang mga mag-aawit, ang mga alagad sa Templo ug ang tanan nga mibulag sa ilang kaugalingon gikan sa mga katawhan sa mga kayutaan ngadto sa Balaod sa Dios, ang ilang mga asawa, ang ilang mga anak nga lalaki, ang ilang mga anak nga babaye, ang tanan nga may kahibalo ug may maayong pagpanabot, 29mitipon sa ilang mga kaigsoonan, sa ilang mga kadagkoan ug miuyon sila sa usa ka tunglo ug sa usa ka panumpa, sa paglakaw diha sa Balaod sa Dios, nga gihatag ni Moises nga alagad sa Dios, ug sa pagtuman ug sa pagbuhat sa tanang kasugoan sa Ginoo nga atong Ginoo ug sa iyang mga tulumanon ug sa iyang mga lagda. 30#Ex. 34:16; Deut. 7:3.Dili namo ihatag ang among mga anak nga babaye ngadto sa mga katawhan sa yuta o kuhaon ang ilang mga anak nga babaye alang sa among mga anak nga lalaki. 31#Ex. 23:10-11; Lev. 25:1-7; Deut. 15:1-2. Ug kon ang mga katawhan sa yuta magdala ug mga abot o bisan unsang makaon sa adlaw nga igpapahulay aron ibaligya, dili kami mopalit gikan kanila sa adlaw nga igpapahulay o sa usa ka adlaw nga balaan. Ug among pasagdan ang mga tanom sa ikapitong tuig ug papason ang tanang utang.

32 # Ex. 30:11-16. Kami usab nagsangon sa among kaugalingon ug katungdanan matag tuig sa ikatulo nga bahin sa usa ka siklo, alang sa pag-alagad sa balay sa among Dios: 33alang sa pan nga ibutang sa halaran, sa nagpadayon nga halad nga pagkaon, sa nagpadayong halad nga sunogon, sa mga adlaw nga igpapahulay, sa mga bag-ong subang sa bulan, sa gitakda nga mga kasaulogan, sa mga butang nga balaan, ug sa mga halad alang sa sala aron sa paghimo ug pagtabon sa sala sa Israel ug alang sa tanang mga buhat sa balay sa among Dios. 34Kami nagparipa, ang mga pari, ang mga Levihanon ug ang katawhan, alang sa halad nga kahoy, aron dad-on kini ngadto sa balay sa among Dios, sumala sa mga panimalay sa among mga katigulangan sa mga panahon nga gitakda matag tuig, sa pagsunog diha sa ibabaw sa halaran sa Ginoo nga among Dios, sumala sa nasulat sa balaod. 35#Ex. 23:19; 34:26; Deut. 26:2. Nanaad kami sa among kaugalingon sa pagdala sa unang mga bunga sa among yuta, ug sa unang mga bunga sa tanang nagkalainlaing mga kahoy, matag tuig ngadto sa balay sa Ginoo. 36#Ex. 13:2. Dad-on usab namo ngadto sa balay sa among Dios, ngadto sa mga pari nga nag-alagad sa balay sa among Dios, ang panganay sa among mga anak ug sa among mga baka, sumala sa nasulat sa balaod, ug ang panganay sa among mga hayop ug sa among mga karnero. 37#Num. 18:21. Ug kami magdala sa una sa among minasa ug sa among mga amot, sa bunga sa matag kahoy, sa bino ug sa lana, ngadto sa mga pari, ngadto sa mga lawak sa balay sa among Dios ug dad-on ang mga ikapulo sa among yuta ngadto sa mga Levihanon kay ang mga Levihanon maoy maningil sa mga ikapulo diha sa tanang kalungsoran. 38#Num. 18:26. Ug ang pari nga anak ni Aaron mouban sa mga Levihanon, sa diha nga ang mga Levihanon modawat sa mga ikapulo ug ang mga Levihanon magdala sa ikapulo sa mga ikapulo ngadto sa balay sa among Dios, ngadto sa mga lawak, ngadto sa tipiganan sa bahandi. 39Kay ang katawhan sa Israel ug ang mga anak ni Levi magdala sa amot nga trigo, sa bino ug sa lana, ngadto sa mga lawak, diin didto ang mga sudlanan sa balaang puluy-anan, ug ang mga pari nga nag-alagad, ug ang mga tigbantay sa pultahan, ug ang mga mag-aawit. Dili namo pasagdan ang balay sa among Dios.

Currently Selected:

NEHEMIAS 10: ABCEB

Highlight

Copy