MATEO 23
23
Gisaway ni Jesus ang mga Eskriba ug mga Pariseo
(Mar. 12:38-40; Luc. 11:37-54; 20:45-47)
1Unya si Jesus miingon sa mga panon sa katawhan ug sa iyang mga tinun-an, 2“Ang mga eskriba ug ang mga Pariseo manglingkod sa lingkoranan ni Moises. 3Busa buhata ug bantayi ninyo ang tanan nga ilang gisulti kaninyo apan ayaw ninyo sunda ang ilang binuhatan kay sila mosulti apan dili mobuhat. 4Nagbugkos sila ug mga bug-at nga palas-anon nga lisod dad-on ug ila kining gisangon sa abaga sa mga tawo apan sila mismo dili buot motandog niini pinaagi sa ilang tudlo. 5#Mat. 6:1; Deut. 6:8; Num. 15:38. Apan ang tanan nilang buhat gihimo aron lamang sa pagpasundayag ngadto sa mga tawo kay gipadak-an nila ang ilang mga pilakterya#23:5 PILAKTERYA: usa ka gamayng sudlanan nga panit nga gibutangan ug sinulat nga kinutlo sa kasulatan. (Tan-awa sa Exodo 13:1-6, Deuteronomio 6:4) diha sa ilang ulo ug bukton ug gipatas-an nila ang ilang mga borlas#23:5 BORLAS: mga pinungpong nga hilo nga gipanaod sa sidsid sa ilang mga kupo. Tan-awa sa Numeros 15:37-41, Deuteronomio 22:12. sa sidsid sa ilang mga bisti. 6Ug gusto kaayo sila sa mga pinasidunggang dapit sa mga kombira ug sa labing maayong mga lingkoranan sa mga sinagoga 7ug sa mga pagyukbo kanila diha sa mga merkado ug sa dihang tawgon silag, “Rabi,” sa mga tawo. 8Apan kamo, ayaw pagpatawag nga Rabi kay kamo adunay usa lamang ka magtutudlo ug kamong tanan magsoon. 9Ug kinahanglang walay tawo dinhi sa yuta nga inyong tawgon nga inyong amahan kay kamo adunay usa lamang ka Amahan nga anaa sa langit. 10Ayaw usab kamo pagpatawag nga mga agalon kay kamo adunay usa lamang ka agalon, ang Cristo. 11#Mat. 20:26-27; Mar. 9:35; 10:43-44; Luc. 22:26. Ang labing dako kaninyo, mahimong inyong sulugoon 12#Luc. 14:11; 18:14. ug si bisan kinsa nga magpataas sa iyang kaugalingon ipaubos ug si bisan kinsa nga magpaubos sa iyang kaugalingon ipataas.
Gisaway ni Jesus ang Ilang Pagpakaaron-ingnon
13“Apan alaot kamong mga eskriba ug mga Pariseo, mga tigpakaaron-ingon! Kay gitakpan ninyo ang gingharian sa langit atubangan sa mga tawo, kay wala kamo mosulod ug wala usab motugot sa pagpasulod niadtong buot mosulod niini.#23:13 Ang ubang karaang sinulat nagdugang sa bersikulo 14. Alaot kamo, mga eskriba ug mga Pariseo, mga tigpakaaron-ingon! Kay gilamoy ninyo ang katigayonan sa mga biyuda, ug aron sa pagtabontabon niini naghimo kamo ug tag-as nga mga pag-ampo; busa mahiagoman ra ninyo ang labi pa ka bug-at nga hukom sa silot. 15Alaot kamong mga eskriba ug mga Pariseo, mga tigpakaaron-ingon! Kay gilatas ninyo ang kadagatan ug kayutaan aron paghimo ug bisan usa ka kinabig ug sa dihang makabig na siya, kamo maghimo kaniya nga duha pa ka pilo ka angayan sa imperno kay kaninyo.
16“Alaot kamo, mga giya nga buta nga nag-ingon, ‘Kon adunay manumpa tungod sa Templo, wala kanay bili apan kon may manumpa tungod sa bulawan sa Templo, nahigot siya sa iyang panumpa.’ 17Kamong mga buangbuang nga mga buta! Kay hain bay labaw, ang bulawan o ang Templo ba nga maoy nagbalaan sa bulawan? 18Ug kamo nag-ingon, ‘Kon may manumpa tungod sa halaran, wala kanay bili apan kon may manumpa tungod sa halad nga anaa sa halaran nahigot siya sa iyang panumpa.’ 19Kamong mga buta! Kay hain bay labaw, ang halad o ang halaran nga maoy nagbalaan sa halad? 20Busa ang manumpa tungod sa halaran, nanumpa sa ngalan niini ug sa tanan nga anaa niini 21ug ang manumpa tungod sa Templo, nanumpa sa ngalan niini ug sa ngalan sa nagpuyo niini 22#Isa. 66:1; Mat. 5:34. ug ang manumpa tungod sa langit, nanumpa sa ngalan sa trono sa Dios ug kaniya nga naglingkod niini.
23 #
Lev. 27:30. “Alaot kamong mga eskriba ug mga Pariseo, mga tigpakaaron-ingnon! Kay naghatag kamo ug ikapulo sa mga lamas, sa herbabuyna, sa anis ug sa kumino, apan wala kamo magtagad sa labaw pang mahinungdanong mga butang sa Balaod, ang hustisya, kaluoy, ug pagtuo. Kining mga butanga kinahanglan gayod unta nga inyong buhaton, sa walay pagpabaya sa uban. 24Kamong mga giya nga buta, gisala ninyo ang usa ka tagnok apan gilamoy ninyo ang usa ka kamilyo!
25“Alaot kamong mga eskriba ug mga Pariseo, mga tigpakaaron-ingnon! Kay gihinloan ninyo ang anaa sa gawas sa baso ug sa plato apan sa sulod napuno kini sa mga tinikas ug sinakmit. 26Pariseo nga buta! hinloi una ang sulod sa baso ug sa plato aron ang gawas niini mahinlo usab.
27 #
Buh. 23:3. “Alaot kamong mga eskriba ug mga Pariseo, mga tigpakaaron-ingnon! Kay sama kamo sa mga gipaputi nga pantiyon, nga sa gawas nindot tan-awon apan sa sulod puno kini sa mga bukog sa mga patay ug sa tanang hugaw. 28Busa kamo usab, sa gawas mga matarong sa atubangan sa mga tawo, apan sa sulod, napuno kamo sa pagpakaaron-ingnon ug sa kadaotan.
Gitagna ni Jesus ang Ilang Silot
29“Alaot kamong mga eskriba ug mga Pariseo, mga tigpakaaron-ingnon! Kay nagbuhat kamo ug mga pantiyon sa mga propeta ug inyong gidayandayanan ang mga monyumento sa mga matarong 30ug nag-ingon kamo, ‘Kon nakaabot pa kami sa mga adlaw sa among mga katigulangan, dili gayod kami moapil uban kanila sa pag-ula sa dugo sa mga propeta.’ 31Sa ingon niini nagsaksi kamo batok sa inyong kaugalingon nga kamo mga anak diay niadtong mga mipatay sa mga propeta. 32Busa pun-a pa gayod ninyo ang taksanan sa inyong mga katigulangan. 33#Mat. 3:7; 12:34; Luc. 3:7. Kamong mga bitin ug kaliwat sa mga bitin, unsaon man ninyo paglingkawas gikan sa pagkahinukman ngadto sa imperno? 34Tungod niini, padad-an nako kamo ug mga propeta ug mga maalamon ug mga magtutudlo, patyon ninyo ang uban kanila ug ang uban inyong ilansang sa krus ug ang uban inyong pamunalan sulod sa inyong mga sinagoga ug inyong lutoson gikan sa usa ka lungsod ngadto sa lain, 35#Gen. 4:8; 2 Cron. 24:20-21. aron nga diha kaninyo paninglon ang tanang dugo sa mga matarong nga miagas diha sa yuta sukad pa sa dugo ni Abel nga walay sala hangtod sa dugo ni Zacarias nga anak ni Barakias nga inyong gipatay diha sa taliwala sa balaang dapit ug sa halaran. 36Sa pagkatinuod sultihan ko kamo, kining tanan moabot niini karong kaliwatana.
Ang Gugma ni Jesus sa Jerusalem
(Luc. 13:34-35)
37“O Jerusalem, Jerusalem nga nagpatay sa mga propeta ug nagbato sa mga pinadala nganha kanimo! Sa makadaghan gipangandoy nako ang pagtigom unta sa imong mga anak, sama sa himungaan nga nagtigom sa iyang mga piso ilalom sa iyang mga pako, apan nagdumili kamo! 38#Jer. 22:5. Tan-awa, biyaan ug magmingaw ang inyong balay. 39#Sal. 118:26. Kay sultihan ko kamo nga dili na kamo makakita kanako pag-usab, hangtod nga moingon kamo, ‘Dalaygon ang mianhi sa ngalan sa Ginoo.’ ”
Currently Selected:
MATEO 23: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011