ISAIAS 53
53
1 #
Rom. 10:16; Juan 12:38. Kinsa bay mituo sa among nabatian?
Ug kang kinsa man gipadayag ang bukton sa Ginoo?
2Kay siya mitubo sa iyang atubangan sama sa usa ka linghod nga tanom,
ug sama sa gamot sa uga nga yuta;
siya walay panagway o kaanyag nga kita motan-aw kaniya,
ug walay katahom nga kita magtinguha kaniya.
3Siya gitamay ug gisalikway sa mga tawo;
usa ka tawo sa mga kasub-anan, ug sinati sa kasakitan,
ug ingon sa usa ka tawo nga ang mga tawo magtago sa ilang nawong gikan kaniya,
siya gibiaybiay ug siya wala nato hatagi ug bili.
4 #
Mat. 8:17. Gipas-an gayod niya ang atong kasakitan
ug gipas-an ang atong mga kasub-anan;
apan siya giila nato nga binunalan,
gihampak sa Dios ug sinakit.
5 #
1 Ped. 2:24. Apan siya gisamaran tungod sa atong kalapasan,
napangos siya tungod sa atong mga kasal-anan,
diha kaniya ang silot nga naghimo kanato nga bug-os,
ug pinaagi sa iyang mga labod kita nangaayo.
6 #
1 Ped. 2:25. Kitang tanan sama sa mga karnero nga nangasaag;
ang matag usa kanato misimang ngadto sa iyang kaugalingon nga dalan;
ug gibutang sa Ginoo diha kaniya
ang kasal-anan natong tanan.
7 #
Pin. 5:6. Siya gidaogdaog ug siya gisakit,
bisan pa niana wala niya bukha ang iyang baba;
sama sa usa ka nating karnero nga gidala ngadto sa ihawan,
ug sama sa usa ka karnero nga naamang sa atubangan sa iyang mga tigtupi,
busa wala niya bukha ang iyang baba.
8 #
Buh. 8:32-33. Pinaagi sa pagdaogdaog ug sa paghukom siya gikuha;
ug sa iyang kaliwatan, kinsa ang nag-isip
nga siya gipahimulag gikan sa yuta sa mga buhi,
gihampak tungod sa kalapasan sa akong katawhan?
9 #
1 Ped. 2:22. Ug gibuhat nila ang iyang lubnganan uban sa daotan
ug ang iyang kamatayon uban sa mga dato,
bisan ug wala siya makabuhat ug pagpanglupig
ug walay limbong diha sa iyang baba.
10Apan kabubut-on sa Ginoo ang pagsamad kaniya;
gisakit niya siya;#53:10 gisakit niya siya: Sa Hebreo, gihimo niya siya nga masakiton.
sa diha nga gihimo niya ang iyang kaugalingon#53:10 gihimo…kaugalingon: Sa Hebreo, gihimo nimo ang iyang kalag. nga usa ka halad alang sa sala,
makita niya ang iyang kaliwat, siya maglugway sa iyang mga adlaw;
ug ang kabubut-on sa Ginoo mouswag diha sa iyang kamot;
11siya makakita sa bunga sa kasakit sa iyang kalag ug matagbaw;
pinaagi sa iyang kahibalo, ang matarong nga akong sulugoon,
maghimo sa daghan nga isipong matarong
ug pas-anon niya ang ilang kasal-anan.
12 #
Mar. 15:38; Luc. 22:37. Tungod niini hatagan nako siya ug usa ka bahin uban sa bantogan,
ug siya magbahin sa inilog uban sa kusgan;
tungod kay iyang gibubo ang iyang kalag ngadto sa kamatayon,
ug giisip uban sa mga malapason;
bisan pa niini gipas-an niya ang sala sa daghan
ug naghimo ug pagpangamuyo alang sa mga malapason.
Currently Selected:
ISAIAS 53: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
