ISAIAS 4
4
1Ug pito ka babaye ang mokupot sa usa ka lalaki nianang adlawa nga mag-ingon, “Magkaon kami sa among kaugalingong pan, ug magsul-ob sa among kaugalingong bisti, nganli lamang kami sa imong ngalan; kuhaa ang among kaulawan.”
Tukoron Pag-usab ang Jerusalem
2Nianang adlawa, ang sanga sa Ginoo mahimong matahom ug mahimayaon, ug ang bunga sa yuta mahimong garbo ug himaya sa mga nahibilin sa Israel. 3Ug siya nga nahibilin diha sa Zion ug nagpabilin diha sa Jerusalem tawgon nga balaan, ang tanan nga nalista uban sa mga buhi didto sa Jerusalem, 4sa diha nga mahugasan na sa Ginoo ang kahugawan sa mga anak nga babaye sa Zion, ug mahinloan na ang mansa sa dugo sa Jerusalem gikan sa taliwala niini, pinaagi sa espiritu sa paghukom ug pinaagi sa espiritu sa pagsunog. 5#Ex. 13:21; 24:16. Unya ang Ginoo, ibabaw sa tibuok nga puluy-anan sa bukid sa Zion ug ibabaw sa iyang panagtigom, maghimo ug panganod ug aso panahon sa adlaw, ug dan-ag sa nagsiga nga kalayo panahon sa gabii, kay sa ibabaw sa tibuok himaya ibuklad ang usa ka pandong. 6Mahimo kining usa ka landong panahon sa adlaw gikan sa kainit, ug mahimong usa ka dalangpanan ug usa ka puluy-anan gikan sa bagyo ug sa ulan.
Currently Selected:
ISAIAS 4: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
