ISAIAS 12
12
Awit sa Pagpasalamat
1Unya nianang adlawa ikaw moingon:
“Pasalamatan ko ikaw, O Ginoo,
kay bisan ug ikaw nasuko kanako,
ang imong kasuko nahanaw,
ug imo akong gihupay.
2 #
Ex. 15:2; Sal. 118:14. “Sa pagkatinuod ang Dios mao ang akong kaluwasan;
ako mosalig, ug dili mahadlok
kay ang Ginoong Dios mao ang akong kusog ug ang akong awit,
ug siya nahimo nga akong kaluwasan.”
3Busa uban ang kalipay, kamo magtimba ug tubig gikan sa mga atabay sa kaluwasan. 4Ug nianang adlawa kamo moingon,
“Pasalamati ang Ginoo,
sangpita ang iyang ngalan;
ipahayag ang iyang mga buhat taliwala sa mga nasod,
ipahibalo nga ang iyang ngalan gipasidunggan.
5“Pag-awit ug mga pagdayeg ngadto sa Ginoo, kay mahimayaon ang iyang mga buhat;
ipahibalo kini diha sa tibuok nga yuta.
6Singgit ug pag-awit sa kalipay, O ikaw nga nagpuyo sa Zion,
kay dako ang Balaan sa Israel diha sa imong taliwala.”
Currently Selected:
ISAIAS 12: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
