ISAIAS 11
11
Maghari ang Kalinaw
1 #
Pin. 5:5; 22:16. Adunay motunga nga saha gikan sa tuod ni Jesse,
ug usa ka sanga motubo gikan sa iyang mga gamot.
2Ang Espiritu sa Ginoo mopuyo diha kaniya,
ang espiritu sa kaalam ug pagsabot,
ang espiritu sa pagtambag ug kagahom,
ang espiritu sa kahibalo ug ang kahadlok sa Ginoo.
3Ang iyang kalipay anaa sa pagkahadlok sa Ginoo.
siya dili maghukom sumala sa makita sa iyang mga mata,
o mohukom sumala sa mabati sa iyang mga dalunggan,
4 #
2 Tes. 2:8. kondili pinaagi sa pagkamatarong maghukom siya sa mga kabos,
ug maghukom uban ang katul-id alang sa mga mapaubsanon sa yuta,
ug hampakon niya ang yuta pinaagi sa bunal sa iyang baba,
ug pinaagi sa gininhawa sa iyang mga ngabil patyon niya ang daotan.
5 #
Efe. 6:14. Ang pagkamatarong mao ang bakos sa iyang hawak,
ug ang pagkamatinumanon mao ang bakos sa iyang lawas.
6 #
Isa. 65:25. Ang lobo mopuyo uban sa nating karnero,
ug ang leopardo mohigda uban sa nating kanding,
ug ang nating baka ug ang liyon, ug ang pinatambok nga mananap mag-ipon,
ug usa ka gamayng bata ang mangulo kanila.
7Ang baka ug ang oso manibsib,
ang ilang mga nati mag-ipon sa paglubog;
ug ang liyon mokaon sa kompay sama sa baka.
8Ang mga bata nga masuso magdula ibabaw sa lungag sa halas,
ug ang bata nga linutas mokuot sa puy-anan sa bitin.
9 #
Hab. 2:14. Dili sila manghilabot o mangguba diha sa
tanan nakong bukid nga balaan;
kay ang yuta mapuno sa kahibalo sa Ginoo,
sama sa mga tubig nga nagtabon sa dagat.
Mamauli ang mga Binihag
10 #
Rom. 15:12. Nianang adlawa ang gamot ni Jesse magtindog ingon nga usa ka bandila sa mga katawhan. Kaniya mangita ang mga nasod, ug ang iyang puluy-anan mahimong mahimayaon.
11Nianang adlawa ang Ginoo magbakyaw sa iyang kamot sa ikaduhang higayon aron sa pagbawi sa salin sa iyang katawhan nga nahibilin, gikan sa Asiria, sa Ehipto, sa Patros, sa Etiopia,#11:11 Etiopia: Sa Hebreo, Cus. sa Elam, sa Sinar, sa Hamat, ug gikan sa mga pulo sa dagat.
12Siya magpatindog ug usa ka bandila alang sa mga nasod,
ug magtigom sa hininginlan gikan sa Israel,
ug tigomon ang nagkatibulaag sa Juda,
gikan sa upat ka suok sa yuta.
13Ang kasina sa Efraim mawala,
ug ang pagdumot sa Juda putlon;
ang Efraim dili na masina sa Juda,
ug ang Juda dili magsamok sa Efraim.
14Apan sila manghugpa sa abaga sa mga Filistihanon didto sa kasadpan;
maghiusa sila sa pagpangsakmit sa mga tawo sa silangan.
Ilang ituy-od ang ilang kamot batok sa Edom ug sa Moab,
ug ang mga Amonihanon motuman kanila.
15 #
Pin. 16:12. Ug sa hingpit laglagon sa Ginoo ang
dila sa dagat sa Ehipto;
iwarawara niya ang iyang kamot ibabaw sa Suba
uban sa iyang init nga hangin;
ug kini bulagon niya sa pito ka kanal,
aron ang mga tawo makalatas nga uga ang mga tiil.
16Busa aduna unyay dalan nga lapad gikan sa Asiria
alang sa salin nga nahibilin sa iyang katawhan,
ingon nga dihay salin sa Israel
sa adlaw sa ilang paggula gikan sa yuta sa Ehipto.
Currently Selected:
ISAIAS 11: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
