HOSEA 3
3
Si Hosea ug ang Babaye nga Maluibon
1Ang Ginoo miingon pag-usab kanako, “Lakaw, higugmaa ang usa ka babaye nga hinigugma sa laing lalaki ug usa ka mananapaw, sama nga ang Ginoo nahigugma sa mga anak sa Israel bisan ug sila midangop ngadto sa laing mga dios, ug nahigugma sa mga torta nga pasas.” 2Busa siya gipalit nako ug napulo ug lima ka siklo nga plata ug usa ka homer ug usa ka letek#3:2 SIKLO…HOMER…LETEK: Tan-awa sa Listahan sa mga Sukod. nga sebada. 3Ug ako miingon kaniya, “Ikaw magpuyo ingon nga akoa sulod sa daghang mga adlaw. Dili na ikaw magbaligya sa imong dungog o mapanag-iya sa laing tawo ug dili usab ako nganha kanimo.” 4Kay ang mga anak sa Israel magpuyo sulod sa daghang mga adlaw nga walay hari o pangulo, walay halad o walay haligi nga halaran, walay ephod o mga larawan. 5Human niana ang mga anak sa Israel mamalik, ug mangita sa Ginoo nga ilang Dios ug kang David nga ilang hari. Sila mangadto nga may kahadlok sa Ginoo ug sa iyang pagkamaayo sa ulahing mga adlaw.
Currently Selected:
HOSEA 3: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
