HOSEA 10
10
1Ang Israel usa ka malamboon nga paras,
nga naghatag sa iyang bunga.
Sa nag-anam ug kadaghan ang iyang bunga
nagkadaghan usab ang halaran nga iyang gihimo;
sa nag-uswag ang yuta,
gipauswag usab niya ang iyang mga haliging larawan.
2Ang ilang kasingkasing maluibon;
karon kinahanglang magpas-an sila sa ilang sala.
Ang Ginoo magtumpag sa ilang mga halaran,
ug magguba sa ilang mga haliging larawan.
3Kay karon sila moingon,
“Kami walay hari,
kay kami wala mahadlok sa Ginoo,
ug ang usa ka hari, unsay iyang mahimo alang kanamo?”
4Sila naglitok ug kawang nga mga pulong;
uban sa walay pulos nga panumpa, sila naghimo ug kasabotan;
busa ang paghukom moturok sama sa makahilo nga sagbot
diha sa mga tudling sa darohan.
5Ang mga nagpuyo sa Samaria nangalisang
tungod sa nating baka#10:5 nating baka: Sa Hebreo, mga nating baka. sa Bet-aven.
Ang katawhan niini magbakho niini,
ug ang mga pari didto nga nagsimba ug mga diosdios magminatay#10:5 magminatay: Sa Hebreo, maglipay. tungod niini,
tungod sa himaya nga mibiya gikan niini.
6Ang mao gayod nga butang dad-on ngadto sa Asiria,
ingon nga usa ka gasa alang sa gamhanang hari.
Ang Ephraim maulawan
ug ang Israel maulaw sa iyang diosdios.#10:6 diosdios: Sa Hebreo, tambag.
7Ang hari sa Samaria malaglag,
sama sa mga bula sa ibabaw sa katubigan.
8 #
Luc. 23:30; Pin. 6:16. Ang mga habog nga mga dapit sa Aven, ang sala sa Israel,
laglagon.
Ang tunok ug ang sagbot manubo
sa ilang mga halaran
ug sila mag-ingon sa kabukiran, Taboni kami,
ug sa kabungtoran, Tumpagi kami.
Ang Ginoo Nagpahayag ug Silot sa Israel
9 #
Mag. 19:1-30. Sukad sa mga adlaw sa Gibea, ikaw nakasala, O Israel;
didto sila nagpadayon.
Dili ba ang gubat makaagpas kanila didto sa Gibea?
10Moanhi ako#10:10 Moanhi ako: Sa Hebreo, Sa akong tinguha. batok sa mga tawo nga masupilon aron sa pagkastigo kanila
ug ang kanasoran tigomon batok kanila,
sa diha nga sila mapanton#10:10 mapanton: Sa Hebreo, magapos. na sa ilang duha ka kalapasan.
11Si Efraim usa ka dumagang baka
nga bansay na nga mahigugmang mogiok
ug gisayloan nako ang iyang maanindot nga liog
apan sangonan nako sa yugo si Efraim;
si Juda magdaro,
si Jacob magdugmok sa yuta.
12 #
Jer. 4:3. Pagpugas kamo ug pagkamatarong alang sa inyong kaugalingon;
aniha ang bunga#10:12 aniha ang bunga: Sa Hebreo, pag-ani sumala. sa gugmang walay paglubad;
dugmoka ang inyong wala matamni nga yuta;
kay panahon kini sa pagpangita sa Ginoo,
aron siya moanhi ug magpaulan sa kaluwasan nganha kaninyo.
13Kamo nagdaro sa kasal-anan,
kamo nag-ani sa kadaotan,
gikaon ninyo ang bunga sa kabakakan.
Kay nagsalig kamo diha sa inyong mga karwahi#10:13 mga karwahi: Sa Hebreo, dalan o pamaagi.
ug sa kadaghan sa inyong mga manggugubat,
14busa ang kagubot sa gubat moalsa batok sa imong katawhan,
ug ang tanan nimong mga kuta lumpagon,
sama sa paglumpag ni Salman sa Bet-arbel sa adlaw sa gubat;
ang mga inahan gipangdugmok uban sa ilang mga anak.
15Busa mao kini ang buhaton kaninyo, O Betel,
tungod sa inyong hilabihang pagkadaotan;
sa kaadlawon ang hari sa Israel
puohon gayod.
Currently Selected:
HOSEA 10: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
