HOSEA 1
1
1 #
2 Hari 15:1-7; 2 Cron. 26:1-23;
2 Hari 15:32-38; 2 Cron. 27:1-8;
2 Hari 16:1-20; 2 Cron. 28:1-27;
2 Hari 18:1–20:21; 2 Cron. 29:1–32:33;
2 Hari 14:23-29. Ang pulong sa Ginoo nga midangat kang Hosea nga anak ni Beri, sa mga adlaw ni Uzias, ni Jotam, ni Ahas ug ni Hesekias, mga hari sa Juda, ug sa mga adlaw ni Jeroboam nga anak ni Joas nga hari sa Israel.
Ang Asawa ug mga Anak ni Hosea
2Sa unang higayon nga ang Ginoo misulti pinaagi kang Hosea, ang Ginoo miingon kang Hosea, “Lakaw, pangasawa ug usa ka babaye nga makihilawason ug pagbaton ug mga anak sa pagkamaluibon kay ang yuta nakasala sa dakong pagluib pinaagi sa pagbiya sa Ginoo.” 3Busa siya milakaw ug iyang gipangasawa si Gomer nga anak ni Diblaim ug siya nagsamkon, ug nanganak ug lalaki alang kaniya.
4Ug ang Ginoo miingon kaniya, “Tawga ang iyang ngalan ug Jesreel,#1:4 JESREEL: Sa ato pa, Ang Dios nagpugas. kay sa mubong panahon akong silotan ang balay ni Jehu tungod sa dugo ni Jesreel ug akong taposon ang gingharian sa balay sa Israel. 5Nianang adlawa, akong balion ang pana sa Israel didto sa walog ni Jesreel.”
6Ug siya nagsamkon pag-usab ug nanganak ug usa ka babaye. Unya ang Ginoo miingon kaniya, “Tawga ang iyang ngalan nga Loruhama,#1:6 LORUHAMA: Sa ato pa, wala kaluy-i. kay ako dili na maluoy sa balay sa Israel, sa pagpasaylo gayod kanila. 7Apan ako maluoy sa balay sa Juda, ug magluwas kanila pinaagi sa Ginoo nga ilang Dios. Dili nako sila luwason pinaagi sa pana o pinaagi sa espada o pinaagi sa gubat o pinaagi sa mga kabayo o pinaagi sa mga tigpangabayo.”
8Sa dihang nalutas na niya si Loruhama, siya nagsamkon ug nanganak ug usa ka lalaki. 9Unya ang Ginoo miingon, “Tawga ang iyang ngalan nga Loami,#1:9 LOAMI: Sa ato pa, Dili akong katawhan. kay kamo dili akong katawhan, ug ako dili inyong Dios.”
Ipahiuli ang Israel
10Bisan pa niana ang gidaghanon sa katawhan sa Israel mahisama sa balas sa dagat, nga dili matakos o maihap, ug sa dapit diin kini gisulti kanila, “Kamo dili akong katawhan,” kini isulti kanila “Mga anak sa buhi nga Dios.” 11Ang katawhan sa Juda ug ang katawhan sa Israel tigomon ug sila magtudlo ug usa ka pangulo alang kanila ug manungas gikan sa yuta kay dako ang adlaw ni Jesreel.
Currently Selected:
HOSEA 1: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
