HABAKUK 1
1
1Mao kini ang mensahe#1:1 mensahe: Sa Hebreo, palas-anon. nga gipadayag sa Ginoo kang Habakuk nga propeta.
Nagmulo si Habakuk Batok sa Pagpanaogdaog
2O Ginoo, hangtod kanus-a ba ako magpakitabang,
ug ikaw dili mamati?
O magtuaw kanimo, “Pagpanglupig!”
ug ikaw dili moluwas?
3Ngano nga gipakita nimo kanako ang kasal-anan
ug ikaw nagtan-aw sa kasamok?
Ang pagkalaglag ug ang pagpanglupig ania sa akong atubangan;
ang kagubot ug ang panagbingkil mitungha.
4Busa ang balaod walay gahom,
ug ang hustisya wala gayod magpadayon.
Kay ang daotan naglibot sa matarong,
busa ang hustisya nagpadayon nga gituis.
Ang Tubag sa Ginoo
5 #
Buh. 13:41. Tan-aw kamo taliwala sa mga nasod ug sud-onga ninyo;
katingala ug kakugang.
Kay ako nagbuhat ug buluhaton sa inyong mga adlaw
nga dili ninyo tuohan kon kini isugilon.
6 #
2 Hari 24:2. Kay akong bangonon ang mga Caldeanhon,
ang pait ug madalidalion nga nasod,
nga naglatas sa lapad nga kalibotan,
aron sa pagpangilog ug puluy-anan nga dili ila.
7Kahadlokan ug makalilisang sila;
ang ilang hustisya ug kaligdong naggikan sa ilang kaugalingon.
8Ang ilang mga kabayo tulin pa kay sa mga leopardo,
bangis pa kay sa mga lobo sa kagabhion;
ang ilang mga tigpangabayo nagpadayon nga mapagarbohon.
Oo, ang ilang mga tigpangabayo naggikan sa layo;
sila naglupad sama sa agila nga nagdali aron sa pagtukob.
9Silang tanan nangabot alang sa pagpanglupig;
ang ilang pagkamakalilisang nag-una kanila.
Nagtigom sila ug mga binihag sama sa balas.
10Sa mga hari sila nagbugalbugal,
ug sa mga pangulo sila nagkalingaw.
Sila nagkatawa sa tanang mga kuta
kay sila nagtapok ug yuta ug gikuha kini.
11Unya sila mohuros sama sa hangin ug mopadayon,
mga tawong sad-an, nga ang kaugalingong kusog mao ang ilang dios!
Nagmulo na Usab si Habakuk
12Dili ba ikaw gikan man sa walay kataposan,
O Ginoo nga akong Dios, ang akong Balaan?
Dili kami mangamatay.
O Ginoo, ikaw nagtudlo kanila alang sa paghukom;
ug ikaw, O Bato, nagpabarog kanila alang sa pagpanton.
13Ikaw nga may putli nga mga mata kay sa pagtan-aw sa kadaotan
ug dili makatan-aw sa sayop,
ngano nga nagtan-aw man ikaw sa mga tawo nga dili matinumanon,
ug hilom sa diha nga ang daotan milamoy
sa tawo nga matarong kay kaniya?
14Kay ikaw naghimo sa mga tawo nga sama sa mga isda sa dagat,
sama sa mga butang nga nagkamang nga walay nagdumala kanila.
15Iyang gikuha silang tanan pinaagi sa taga,
iyang gisikop sila sa iyang pukot,
gitigom niya sila sa iyang baling;
busa siya nagmaya ug nagmalipayon.
16Busa naghalad siya alang sa iyang pukot,
ug nagsunog ug insenso alang sa iyang baling;
kay pinaagi kanila nagkinabuhi siya diha sa kaharuhay#1:16 nagkinabuhi…kaharuhay: Sa Hebreo, ang iyang bahin tambok.
ug daghan ang iyang pagkaon.
17Magpadayon ba siya sa pagyabyab sa iyang pukot,
ug magpatay sa mga nasod sa walay kukaluoy hangtod sa kahangtoran?
Currently Selected:
HABAKUK 1: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
