EZEKIEL 1
1
ANG UNANG PANAN-AWON NI EZEKIEL
(1:1–7:27)
Ang Trono sa Dios
1 #
Pin. 19:11. Sa ika-30 nga tuig, sa ikaupat nga bulan, sa ikalima nga adlaw sa bulan, samtang diha ako uban sa mga binihag daplin sa suba sa Kebar, ang kalangitan naabli, ug akong nakita ang mga panan-awon sa Dios. 2#2 Hari 24:10-16; 2 Cron. 36:9-10. Sa ikalima nga adlaw sa bulan nga mao ang ikalima nga tuig sa pagkabihag ni Hari Jehoiakin, 3ang pulong sa Ginoo midangat ngadto kang Ezekiel nga pari nga anak ni Buzi, didto sa yuta sa mga Caldeanhon, sa daplin sa suba sa Kebar, ug ang kamot sa Ginoo diha kaniya didto.
4Samtang ako nagtan-aw, dihay usa ka unos nga migula gikan sa amihanan, usa ka dakong panganod uban ang kahayag nga naglibot niini ug ang kalayo nga nagpangidlap, ug sa taliwala niini dihay sama sa naggilakgilak nga bronsi. 5#Pin. 4:6. Ug gikan sa taliwala niini nanggula ang sama sa upat ka mga buhing binuhat. Ug kini mao ang ilang panagway: ang ilang dagway sama sa tawo. 6Ang matag usa may upat ka nawong, ug ang matag usa kanila may upat ka pako. 7Ang ilang mga bitiis tul-id, ug ang lapalapa sa ilang mga tiil sama sa lapalapa sa tiil sa usa ka nating baka ug kini nagpangidlap sama sa pinasinaw nga bronsi. 8Ilalom sa ilang mga pako diha sa upat nila ka kilid, sila adunay mga kamot sa tawo. Ang upat adunay mga nawong ug mga pako nga ingon niini: 9ang ilang mga pako nag-abot sa usa ug usa, ang matag usa kanila mopanaw lahos sa ilang padulngan, dili moliso sa diha nga sila mopanaw. 10#Ezek. 10:14; Pin. 4:7. Mahitungod sa panagway sa ilang mga nawong, sila may nawong sa tawo, ug silang upat may nawong sa liyon sa tuong bahin, ug silang upat may nawong sa baka diha sa wala nga bahin, ug silang upat may nawong sa agila dapit sa luyo. 11Mao kadto ang ilang mga nawong. Ang ilang mga pako gibukhad dapit sa itaas. Ang matag binuhat may duha ka pako nga ang matag usa misangko sa pako sa usa, samtang ang duha nagtabon sa ilang mga lawas. 12Ang matag usa mipanaw lahos sa ilang padulngan. Asa moadto ang espiritu, sila mangadto didto, sila wala moliso sa diha nga sila mipanaw. 13Sa taliwala#1:13 Sa taliwala: Sa Hebreo, ug ang kamay-ong sa dagway. sa mga buhing binuhat, dihay sama sa nagsiga nga baga sa kalayo, sama sa mga sulo nga nagbalikbalik taliwala sa mga buhing binuhat, ug ang kalayo hayag kaayo, ug gikan sa kalayo migula ang kilat.#Pin. 4:5. 14Ang mga buhing binuhat mikilab nga nagbalikbalik sama sa pangidlap sa kilat.
15 #
Ezek. 10:9-13. Unya sa pagtan-aw nako sa mga buhing binuhat, nakita nako ang usa ka ligid sa ibabaw sa yuta tupad sa mga buhing binuhat, usa alang sa matag usa sa upat niini.#1:15 niini: Sa Hebreo, ka mga nawong niini. 16Ang dagway sa mga ligid ug ang pagkabuhat niini sama sa berilo ug ang upat managsama ug dagway, ug ang ilang dagway ug ang pagkabuhat niini daw sama sa ligid nga anaa sa sulod sa usa ka ligid. 17Sa diha nga kini mopanaw, kini mopanaw sa bisan asa sa upat ka padulngan ug kini dili moliso sa diha nga kini mopanaw. 18#Pin. 4:8. Ang mga yantas niini habog ug makalilisang, ug ang mga yantas sa upat puno sa mga mata nga naglibot. 19Sa diha nga ang mga buhing binuhat mopanaw, ang mga ligid mopanaw tupad niini, ug sa diha nga mopataas ang mga buhing binuhat gikan sa yuta, ang mga ligid mopataas usab. 20Bisan asa ang espiritu moadto, kini moadto, ug ang mga ligid moisa tupad niini, kay ang espiritu sa mga buhing binuhat diha man sa mga ligid. 21Sa diha nga sila mopanaw kini mopanaw usab, ug sa diha nga sila mobarog kini mobarog usab, ug sa diha nga sila mopataas gikan sa yuta, ang mga ligid mopataas tupad kanila kay ang espiritu sa mga buhing binuhat diha man sa mga ligid.
22 #
Pin. 4:6. Ibabaw sa ulo sa mga buhing binuhat dihay daw atop-atop nga lingin nga sama sa kristal#1:22 kristal: Sa Hebreo, kahibulongan nga kristal. nga nahimutang ibabaw sa ilang mga ulo. 23Ubos sa atop-atop diha ang ilang mga pako nagtuy-od, ang usa paingon sa usa, ug ang matag binuhat may duha ka pako nga nagtabon sa lawas niini. 24#Pin. 1:4-15; 19:6. Ug sa dihang mipanaw sila, akong nadungog ang tingog sa ilang mga pako, sama sa kanaas sa dakong katubigan, sama sa dahunog sa Labing Gamhanan,#1:24 Labing Gamhanan: Ang Hebreo niini, Shaddai. usa ka kagahob sa kagubot nga sama sa kagahob sa usa ka panon. Sa diha nga motindog sila, ilang ipaubos ang ilang mga pako. 25Ug dihay usa ka tingog nga gikan sa ibabaw sa atop-atop nga diha sa ibabaw sa ilang mga ulo; sa diha nga nagtindog sila, gipaubos nila ang ilang mga pako.
26 #
Ezek. 10:1; Pin. 4:2-3. Ug ibabaw sa atop-atop nga diha sa ibabaw sa ilang mga ulo dihay daw trono nga sama ug panagway sa usa ka bato nga sapiro, ug diha sa daw trono, dihay daw tawo nga naglingkod niini. 27#Ezek. 8:2. Ug dapit sa itaas gikan sa daw hawak niya nakita nako ang daw nagsinaw nga bronsi nga sama sa kalayo nga gilibotan. Ug dapit sa ubos gikan sa daw hawak niya, nakita nako ang ingon sa kalayo, ug dihay kahayag nga naglibot niini. 28Sama sa dagway sa bangaw nga anaa sa panganod sa adlaw nga may ulan, mao usab ang dagway sa kasanag nga naglibot.
Ingon niini ang dagway sa himaya sa Ginoo. Ug sa diha nga nakita nako kini, ako mihapa ug nadungog nako ang usa ka tingog sa usa nga nagsulti.
Currently Selected:
EZEKIEL 1: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
