EZEKIEL 1:10-11

Mahitungod sa panagway sa ilang mga nawong, sila may nawong sa tawo, ug silang upat may nawong sa liyon sa tuong bahin, ug silang upat may nawong sa baka diha sa wala nga bahin, ug silang upat may nawong sa agila dapit sa luyo. Mao kadto ang ilang mga nawong. Ang ilang mga pako gibukhad dapit sa itaas. Ang matag binuhat may duha ka pako nga ang matag usa misangko sa pako sa usa, samtang ang duha nagtabon sa ilang mga lawas.