EXODO 20

Ang Napulo ka Sugo

1Unya ang Dios misulti niining tanang mga pulong, nga nag-ingon,

2“Ako mao ang Ginoo nga inyong Dios nga nagkuha kaninyo gikan sa yuta sa Ehipto, gikan sa dapit sa kaulipnan.

3“Ayaw pagbaton ug lain nga mga dios sa akong atubangan.

4 # Ex. 34:17; Lev. 19:4; 26:1; Deut. 4:15-18; 27:15. “Ayaw pagbuhat alang kanimo ug usa ka larawan nga kinulit sama sa dagway sa bisan unsang butang nga atua sa langit sa itaas, o nga ania sa yuta sa ilalom, o nga anaa sa tubig sa ilalom sa yuta. 5Ayaw kamo pagyukbo kanila o pag-alagad kanila, kay ako, ang Ginoo nga inyong Dios, abubhoan nga Dios, nga nagsilot sa mga sala sa mga ginikanan diha sa mga anak ngadto sa ikatulo ug sa ikaupat nga kaliwatan niadtong mga nagdumot kanako. 6#Ex. 34:6-7; Num. 14:18; Deut. 7:9-10. Apan nagpakita ako sa gugmang walay paglubad ngadto sa linibo nga mga nahigugma kanako ug nagtuman sa akong kasugoan.

7 # Lev. 19:12. “Ayaw gamita sa walay kapuslanan ang ngalan sa Ginoo nga imong Dios kay ang Ginoo dili mag-isip nga walay sala niadtong naggamit sa walay kapuslanan sa iyang ngalan.

8 # Ex. 16:23-30; 31:12-14. “Hinumdomi ang adlaw nga igpapahulay aron sa pagbalaan niini. 9#Ex. 23:12; 31:15; 34:21; 35:2; Lev. 23:3. Sa unom ka adlaw maghago ka ug buhata ang tanan nimong buluhaton, 10apan ang ikapitong adlaw maoy adlaw nga igpapahulay alang sa Ginoo nga imong Dios. Niining adlawa ayaw pagbuhat ug bisan unsang buhat, ikaw o ang imong anak nga lalaki o ang imong anak nga babaye, ang imong sulugoon nga lalaki o ang imong sulugoon nga babaye o ang imong kahayopan o ang langyaw nga anaa sulod sa imong mga ganghaan. 11#Gen. 2:1-3; Ex. 31:17. Kay sa unom ka adlaw gibuhat sa Ginoo ang langit ug ang yuta, ang dagat ug ang tanan nga anaa niini ug mipahulay siya sa ikapitong adlaw. Busa gipanalanginan sa Ginoo ang adlaw nga igpapahulay ug gibalaan kini.

12 # Deut. 27:16; Mat. 15:4; 19:29; Mar. 7:10; 10:19; Luc. 18:20; Efe. 6:2; Efe. 6:3. “Tahora ang imong amahan ug ang imong inahan aron mataas ang imong mga adlaw sa yuta nga gihatag kanimo sa Ginoo nga imong Dios.

13 # Gen. 9:6; Lev. 24:17; Mat. 5:21; 19:18; Mar. 10:19; Luc. 18:20; Rom. 13:9; San. 2:11. “Ayaw pagpatay.

14 # Lev. 20:10; Mat. 5:27; 19:18; Mar. 10:19; Luc. 18:20; Rom. 13:9; San. 2:11. “Ayaw panapaw.

15 # Lev. 19:11; Mat. 19:18; Mar. 10:19; Luc. 18:20; Rom. 13:9. “Ayaw pangawat.

16 # Ex. 23:1; Mat. 19:18; Mar. 10:19; Luc. 18:20. “Ayaw pagsaksi ug bakak batok sa imong isigkatawo.

17 # Rom. 7:7; 13:9. “Ayaw kaibog sa balay sa imong isigkatawo. Ayaw kaibog sa asawa sa imong isigkatawo o sa iyang sulugoon nga lalaki o sa iyang sulugoon nga babaye o sa iyang baka o sa iyang asno o sa bisan unsang butang nga iya sa imong isigkatawo.”

Nahadlok ang mga Tawo

18 # Heb. 12:18-19. Unya sa namatikdan sa mga tawo ang mga dalugdog ug mga kilat ug ang tingog sa trumpeta ug nakita ang bukid nga nag-aso, ang mga tawo nangahadlok ug nangurog ug nagtindog sa layo. 19Ug sila miingon kang Moises, “Sulti kanamo ug mamati kami apan ayaw pasultiha ang Dios kanamo kay basin unya ug mangamatay kami.” 20Si Moises miingon sa katawhan, “Ayaw kamo kahadlok, kay ang Dios mianhi aron sa pagsulay kaninyo ug aron nga ang pagkahadlok kaniya maanaa sa inyong atubangan aron dili kamo magpakasala.”

Ang mga Balaod Mahitungod sa Halaran

21Ang katawhan nagtindog sa layo samtang si Moises mipaduol sa hilabihan nga kangitngit diin didto ang Dios. 22Ug ang Ginoo miingon kang Moises, “Mao kini ang isulti sa katawhan sa Israel: ‘Kamo gayod nakakita nga ako nakigsulti kaninyo gikan sa langit. 23Ayaw kamo pagbuhat ug mga diosdios nga hinimo ug plata uban kanako o magbuhat alang kaninyo ug mga diosdios nga hinimo ug bulawan. 24Paghimo kamo ug usa ka halaran nga yuta alang kanako, ug ihalad sa ibabaw niini ang inyong mga halad nga sunogon ug ang inyong mga halad sa pakigdait, ang inyong mga karnero, ug ang inyong mga baka. Sa bisan diing dapit diin himoon nako nga mahinumdoman ang akong ngalan, moanha ako kaninyo, ug panalanginan ko kamo. 25#Deut. 27:5-7; Jos. 8:31. Ug kon maghimo kamo alang kanako ug usa ka halaran nga bato, ayaw kini himoa gikan sa mga bato nga sinapsapan kay kon magbakyaw kamo sa inyong galamiton ibabaw niini, gihugawan ninyo kini. 26Ug ayaw pagsaka ngadto sa halaran agi sa mga ang-ang aron dili madayag ang inyong pagkahubo.’

Currently Selected:

EXODO 20: ABCEB

Highlight

Copy