MGA TAGA-COLOSAS 4

1 # Efe. 6:9. Mga agalon, ihatag sa inyong mga ulipon ang matarong ug makiangayon nga pagtagad, kay nasayod man kamo nga aduna usab kamoy Agalon nga anaa sa langit.

Mga Pahimangno

2Padayon diha sa pag-ampo, magtukaw samtang maghimo niini uban sa pagpasalamat. 3Ug pag-ampo kamo alang kanamo usab, nga unta ang Dios magbukas kanamo ug ganghaan alang sa pulong, aron pagsugilon sa misteryo ni Cristo, nga tungod niini ako karon nahimong binilanggo, 4aron ipadayag nako kini ingon nga kinahanglan nakong isulti.

5 # Efe. 5:16. Pagkinabuhi kamo nga maalamon ngadto sa mga anaa sa gawas, pahimusli ninyo ang panahon. 6Himoa kanunay nga madanihon ang inyong pagpamulong, tinimplahan ug asin, aron inyong mahibaloan kon unsaon ninyo pagtubag kang bisan kinsa.

Mga Pangumosta

7 # Buh. 20:4; 2 Tim. 4:12. Si Tiquico magsugilon kaninyo sa tanan mahitungod kanako. Siya hinigugma nga igsoon ug kasaligan nga alagad ug kauban nga ulipon diha sa Ginoo. 8#Efe. 6:21-22. Gipadala nako siya diha kaninyo alang niining maong tuyo aron inyong masayran ang among kahimtang ug aron siya makadasig sa inyong mga kasingkasing. 9#Filem. 10-12. Ug kuyog kaniya mao si Onesimo, ang kasaligan ug hinigugma nga igsoon nga usa kaninyo. Sila magsugilon kaninyo sa tanang nahitabo diri.

10 # Buh. 19:29; 27:2; Filem. 24; Buh. 12:12; 25; 13:13; 15:37-39. Si Aristarco nga akong kauban nga binilanggo nangumosta kaninyo, ug si Marcos nga ig-agaw ni Bernabe (mahitungod kaniya, kamo nakadawat na ug mga tugon, dawata ninyo siya kon moabot man siya kaninyo), 11ug si Jesus nga gitawag ug Justo. Sa akong mga kaubang magbubuhat alang sa gingharian sa Dios, kini sila mao lamang ang mga tinuli nga nakahatag kanako ug kalipay. 12#Col. 1:7; Filem. 23. Nangumosta kaninyo si Epafras, nga usa sa mga kauban ninyo ug ulipon ni Cristo Jesus, sa kanunay gayod mainiton siya nga naglakip kaninyo sa iyang mga pag-ampo aron kamo magbarog nga hingpit ug may kasigurohan diha sa tibuok nga kabubut-on sa Dios. 13Kay ako saksi nga siya naghago pag-ayo alang kaninyo ug alang kanila nga atua sa Laodicea ug sa Hierapolis. 14#2 Tim. 4:11; Filem. 24; 2 Tim. 4:10; Filem. 24. Nangumosta kaninyo si Lucas, ang hinigugmang mananambal, ug si Demas. 15Ipangumosta ako sa mga igsoon sa Laodicea, ug kang Nimfa ug sa iglesia nga magtigoman diha sa iyang balay. 16Ug human ninyo mabasa kining akong sulat kaninyo, ipabasa usab kini didto sa iglesia sa mga taga-Laodicea ug paningkamoti nga makabasa usab kamo sa akong sulat ngadto sa Laodicea. 17#Filem. 2. Ug ingna si Arquipo, “Bantayi nga matuman nimo ang buluhaton nga imong nadawat diha sa Ginoo.”

18Ako, si Pablo, pinaagi sa akong kaugalingong kamot, nagsulat niining pangumosta. Hinumdomi ninyo ang akong pagkabilanggo. Ang grasya maanaa kaninyo.

Currently Selected:

MGA TAGA-COLOSAS 4: ABCEB

Highlight

Copy