MGA BUHAT 13

Si Bernabe ug si Saulo Gipili ug Gipadala

1Ug didto sa iglesia sa Antioquia dihay mga propeta ug mga magtutudlo nga mao sila si Bernabe, si Simeon nga ginganlan ug Negro, si Lucio nga taga-Cirene, si Manaen nga sakop sa panimalay ni Herodes nga gobernador ug si Saulo. 2Samtang nagsimba sila sa Ginoo ug nagpuasa, ang Espiritu Santo miingon, “Igahin kanako si Bernabe ug si Saulo alang sa buluhaton nga niini gitawag nako sila.” 3Unya human sila makapuasa ug makaampo, ilang gipandong ang ilang mga kamot kanila ug gipagikan sila.

Ang Pagwali Didto sa Cipro

4Busa, pinadala sa Espiritu Santo, miadto sila sa Seleucia ug gikan didto misakay sila ug sakayan padulong sa Cipro. 5Sa pag-abot nila sa Salamis, ilang giwali ang pulong sa Dios sulod sa mga sinagoga sa mga Judio. Ug si Juan didto uban kanila aron motabang kanila. 6Sa nalibot na nila ang tibuok pulo hangtod sa Papos, ilang gikatagbo ang usa ka Judio nga salamangkiro ug propeta nga mini nga ginganlan ug Bar-Jesus. 7Siya uban sa gobernador nga si Sergio Paulo, usa ka tawong utokan, nga mipatawag kang Bernabe ug Saulo, ug nagtinguha sa pagpamati sa pulong sa Dios. 8Apan gisupak sila ni Elimas nga salamangkiro (kay mao man kana ang kahulogan sa iyang ngalan) nga naninguha sa pagpasimang sa gobernador gikan sa pagtuo. 9Apan si Saulo nga ginganlan usab ug Pablo nga puno sa Epiritu Santo, mitutok pag-ayo kaniya 10ug miingon, “Ikaw nga anak sa yawa, ikaw nga kaaway sa tanang pagkamatarong, puno sa tanang limbong ug kadaotan, dili ka ba mohunong sa pagtuis sa mga tul-id nga dalan sa Ginoo? 11Ug karon, tan-awa, ang kamot sa Ginoo anaa ibabaw kanimo, ug ikaw mabuta ug dili na makakita sa adlaw sulod sa usa ka panahon.” Dihadiha miabot kaniya ang gabon ug kangitngit ug naglibotlibot siya sa pagpangita ug makaagak kaniya. 12Unya ang gobernador mituo sa pagkakita niya sa nahitabo kay siya natingala sa pagtulun-an mahitungod sa Ginoo.

Si Pablo ug si Bernabe Didto sa Antioquia sa Pisidia

13Unya si Pablo ug ang iyang mga kauban milawig gikan sa Papos ug miabot sila sa Perga sa kayutaan sa Pampilya. Ug si Juan mibiya kanila ug mipauli sa Jerusalem. 14Apan sila mipadayon gikan sa Perga ug miabot sa Antioquia sa Pisidia. Ug sa adlaw nga igpapahulay sila misulod sa sinagoga ug milingkod. 15Human sa pagbasa sa Balaod ug sa mga Propeta, ang mga pangulo sa sinagoga nagpaadto kanila sa pag-ingon, “Mga igsoon, kon aduna kamoy pulong sa pagdasig alang sa katawhan, isulti kana.” 16Busa si Pablo mitindog, ug sa nakasinyas siya sa iyang kamot siya miingon,

“Katawhan sa Israel ug kamong mga mahadlokon sa Dios, paminaw kamo. 17#Ex. 1:7; Ex. 12:51. Ang Dios niining katawhan sa Israel nagpili sa atong mga katigulangan ug gihimong bantogan ang katawhan sa panahon sa ilang pagpuyo didto sa yuta sa Ehipto, ug pinaagi sa bukton nga inisa iyang gipagula sila gikan didto. 18#Num. 14:34; Deut. 1:31. Ug sulod sa mga 40 ka tuig, giantos#13:18 giantos: Sa ubang karaang sinulat, giatiman. niya sila didto sa kamingawan. 19#Deut. 7:1; Jos. 14:1. Ug sa iya nang nalaglag ang pito ka nasod sa yuta sa Canaan, iyang gihatag kanila ang ilang yuta ingon nga panulundon 20#Mag. 2:16; 1 Sam. 3:20. sulod sa mga 450 ka tuig. Ug human niana, iyang gihatagan sila ug mga maghuhukom hangtod kang Samuel nga propeta. 21Unya nangayo sila ug hari ug ang Dios mihatag kanila kang Saul nga anak ni Kish, usa ka tawo sa banay ni Benjamin, sulod sa 40 ka tuig. #1 Sam. 8:5; 1 Sam. 10:21. 22#1 Sam. 13:14; 1 Sam. 16:12; Sal. 89:20. Ug sa gipapahawa na siya sa Dios, gituboy niya si David aron mahimo nilang hari, nga gipamatud-an niya nga nag-ingon, ‘Diha kang David nga anak ni Jesse, nakakita ako ug tawo nga nahiuyon sa akong kasingkasing, siya magbuhat sa tanan nakong mga pagbuot.’ 23Gikan sa kaliwat niining tawhana, ang Dios nagdala ngadto sa Israel ug Manluluwas nga mao si Jesus, sumala sa iyang gisaad. 24#Mar. 1:4; Luc. 3:3. Sa wala pa siya moabot, si Juan nagwali sa bautismo sa paghinulsol ngadto sa tanang tawo sa Israel. 25#Juan 1:20; Mat. 3:11; Mar. 1:7; Luc. 3:16; Juan 1:27. Ug sa hapit na matapos si Juan sa iyang buluhaton, siya miingon, ‘Kinsa man ako sa inyong hunahuna? Dili ako mao siya, apan human kanako adunay moabot, nga sa mga sandalyas sa iyang mga tiil dili ako takos sa paghubad.’

26“Mga igsoon, mga anak sa kaliwatan ni Abraham ug kamo nga mga mahadlokon sa Dios, nganhi kanato gipadala ang mensahe niining maong kaluwasan. 27Kay ang mga nagpuyo sa Jerusalem ug ang ilang mga pangulo, tungod kay wala man sila makaila kaniya ug wala makasabot sa mga gisulti sa mga propeta nga gibasa matag adlaw nga igpapahulay, nagtuman niini pinaagi sa paghukom kaniya. 28#Mat. 27:22-23; Mar. 15:13-14; Luc. 23:21-23; Juan 19:15. Bisan pa nga wala silay ikasumbong batok kaniya nga angay sa kamatayon, gihangyo nila si Pilato nga ipapatay siya. 29#Mat. 27:57-61; Mar. 15:42-47; Luc. 23:50-56; Juan 19:38-42. Ug sa ila nang natuman ang tanang nasulat mahitungod kaniya, gikuha nila siya gikan sa kahoy ug gibutang sa usa ka lubnganan. 30Apan ang Dios mibanhaw kaniya gikan sa mga patay, 31#Buh. 1:3. ug sulod sa daghang mga adlaw nagpakita siya sa mga nakig-uban kaniya gikan sa Galilea ngadto sa Jerusalem, nga mao karon ang iyang mga saksi ngadto sa mga tawo. 32Ug gidala namo kaninyo ang maayong balita nga ang gisaad sa Dios ngadto sa atong mga katigulangan 33#Sal. 2:7. iya nang natuman nganhi kanato nga ilang mga anak pinaagi sa pagbanhaw kang Jesus ingon nga nasulat usab kini sa ikaduhang salmo,

‘Ikaw akong Anak,

karong adlawa ako nahimo nga imong Amahan.’

34 # Isa. 55:3 (LXX). Ug mahitungod sa iyang pagbanhaw kaniya gikan sa mga patay, sa wala nay pagbalik ngadto sa pagkadunot, siya misulti sa ingon niini,

‘Ihatag nako kaninyo ang balaan ug kasaligan nga mga panalangin kang David.’

35 # Sal. 16:10 (LXX). Tungod niini miingon usab siya sa laing salmo,

‘Dili nimo itugot nga ang imong Balaan makasinati ug pagkadunot.’

36Kay si David, human siya makaalagad sa katuyoan sa Dios diha sa iyang kaugalingong kaliwatan, namatay#13:36 namatay: Sa Grego, nahikatulog. ug gilubong uban sa iyang mga katigulangan ug nakasinati ug pagkadunot. 37Apan siya nga gibanhaw sa Dios wala makasinati ug pagkadunot. 38Busa, mga igsoon, kinahanglan nga inyong mahibaloan nga pinaagi niining tawhana ang kapasayloan sa mga sala gisangyaw kaninyo, 39ug pinaagi kaniya ang tanan nga nagtuo gipahigawas na gikan sa tanang butang nga kamo wala mapahigawas pinaagi sa Balaod ni Moises. 40Busa, pagbantay kamo basin ug modangat ang giingon diha sa basahon sa mga propeta,

41 # Hab. 1:5 (LXX). ‘Tan-aw, kamong mga mayubiton,

katingala ug pangalaglag,

kay sa inyong mga adlaw nagbuhat ako ug usa ka buhat,

buhat nga dili gayod ninyo tuohan, bisan pa kon adunay magsugilon niini kaninyo.’ ”

42Sa paggula ni Pablo ug ni Bernabe, ang mga tawo mihangyo kanila nga kining mga butanga isugilon unta kanila sa sunod nga adlawng igpapahulay. 43Ug sa nahuman na ang tigom sa sinagoga, daghang mga Judio ug mga relihiyosong nakabig sa pagka-Judio misunod kang Pablo ug Bernabe nga misulti ug miawhag kanila sa pagpadayon diha sa grasya sa Dios.

44Sa pagkasunod nga adlawng igpapahulay, hapit ang tibuok siyudad nagkatigom sa pagpamati sa pulong sa Dios. 45Apan sa pagkakita sa mga Judio sa panon sa katawhan, sila napuno sa kasina ug ilang gisupak ang mga gipanulti ni Pablo, ug gibugalbugalan nila siya. 46Unya si Pablo ug si Bernabe maisogong misulti nga nag-ingon, “Kinahanglan gayod nga ang pulong sa Dios isugilon pag-una kaninyo. Apan kay inyo man kining gisalikway ug gihukman ang inyong kaugalingon nga dili takos sa kinabuhing dayon, tan-awa, moadto kami sa mga Gentil. 47#Isa. 42:6; 49:6. Kay sa ingon niini gisugo kami sa Ginoo nga nag-ingon,

‘Gipahimutang ko ikaw nga kahayag sa mga Gentil,

aron dad-on nimo ang kaluwasan hangtod sa kinatumyan sa yuta.’ ”

48Ug sa pagkadungog niini sa mga Gentil, sila nalipay ug nagdayeg sa pulong sa Dios, ang tanan nga gitagana nang daan alang sa kinabuhing dayon mituo. 49Ug ang pulong sa Ginoo mikaylap sa tibuok kayutaan. 50Apan ang mga Judio mihulhog sa mga inilang kababayen-an nga mga relihiyoso ug sa mga kadagkoan sa siyudad, ug naghagit sila ug mga pagpanglutos kang Pablo ug kang Bernabe, ug gihinginlan sila gikan sa ilang dapit. 51Apan ilang gitaktak ang mga abog gikan sa ilang mga tiil batok #Mat. 10:14; Mar. 6:11; Luc. 9:5; 10:11. kanila ug miadto sila sa Iconio. 52Ug ang mga tinun-an napuno sa kalipay ug sa Espiritu Santo.

Currently Selected:

MGA BUHAT 13: ABCEB

Highlight

Copy