Zekaria 13
13
1I ndelo no labedo waŋ pi m'ilayawo ri ot pa Daudi kodi ji ma jobedo i Yerusalem lonyo jo kwoŋ reco kodi koco. 2I ndelo no, Rwoth pa lwak jolweny waco, alakwanyo woko nyingi calin wok i piny, aka kilapoyo jo kendo. Alamiyo jotuci wac were kodi cuny m'ocido ngoye woko i piny. 3Aka ka nyatoro omenyere kendo paka jatuci wac were, bamere kodi min ma jonywolo go jolawaco rigo ni, “Ikilakwo, kole iluwo twodo i nyingi Rwoth.” Bamere kodi min ma jonywolo go jolacwowo go. 4I ndelo no kisi jatuci wac Were labedo giwickwot ro menyirok pere ka tuco wac Were. Jolaruko law ma yer ŋey jowotwodi. 5Go lawaco ni, “Akibedo jatuci wac Were, abedo jafur; kole dhano otana an wok i soye paran.” 6Nyatoro lapenjo go ni, “Me adholin aŋo i dieŋeyin?” Go ladwoko ni, “Alimo adholin no i ot pa merin paran.”
Or ma neko jakwath rombo pa Were
7 #
Mat 26:31; Mar 14:27 Cew, Awi abor, kwoŋ jakwath rombo paran,
kwoŋ jacwo ma cungo cegin kodan,
Rwoth pa lwak jolweny waco.
Neki Jakwath rombo, ŋey rombo jowokedhere,
aka alawiro cingan kwoŋ mathindho mere.
8I piny gibe, Rwoth waco,
ario ma wi adek ilaŋado to jorere,
aka acel wiy adek ilaweyo makwo.
9Alaketho adec mar'adek i mac,
alathodho paka ithodho feza,
aka alatemo jo paka itemo zahabu.
Jolalwoŋo nyingan,
aka aladwoko jo.
Alawaco ni, Jobedo ji paran,
aka jolawaco ni, Rwoth obedo Were paran.
Currently Selected:
Zekaria 13: DHOPE
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
