Luka 3

Fonji pa Yohana Jakibatisa

(Mat 3:1-12; Mar 1:1-8; Yoh 1:19-28)

1I oro mar'apar g'abic ma dhum pa Kayisar Tiberio, munyo Ponsio Pilato dhumo paka gavana ma Yuda, kareno Herode rwoth ma Galili, aka omin go Filipo oyido obedo jadhum ma Itureya gi Trakoniti, kareno Lisania oyido obedo jadhum ma Abilene, 2i ndir pa jodongo pa jocway ri Were i wi migam Anas jokodi Kaifas, wac pa Were obino ri Yohana wod pa Zekaria i thim. 3Go owotho i piny ma Yordan gibe ka fonjo kwoŋ batisimo ma ŋuto kodi limo cwak kwoŋ reco, 4#Isa 40:3-5paka ondiki i kitawo pa Isaya jatuci wac Were ni,

“Dwondi moro koko i thim ni:

‘Yik win royo ri Rwoth

Tir win ger pere.

5Kisi milelo woculi,

gote gi tendere je woriew,

royin je m'okom wotir,

odoko royin ma di geŋin gi buce je wopiel.

6Ji je jobino neno both pa Were!’ ”

7 # Mat 12:34; 23:33 Riameno go owaco ri lwak ji m'oyido jobino obatisa jo ni, “Win nyithindhi malasaŋ! Ŋat'onyutho win ni ber wibudhere kwoŋ nge pa Were macegin bino? 8#Yoh 8:33Tim win gigipiny ma nyutho nike wiŋuto reco mewin. To wikiri wicaki waco wiwegi kendi win ni, ‘Abraham meno kwari wan!’ Kendo awaco riwin, kole Were nyalo kwanyo telin me to loko nyikway Abraham. 9#Mat 7:19Aka otiek kiri ketho le ma toŋo woko yen gi i tiende; yath je ma kinyak maber ibino toŋo woko t'ibolo i mac.”

10Lwak ji jopenjo Yohana ni, “Onyo waripo timo aŋo?” 11Go odwoko ni, “Ka nyatoro nigi satere ario, go ripo poko gi ŋat'ongoye gine. Kendo ŋata nigi gimoro acama bende wotim ameno.” 12#Luk 7:29Oyido nitie jocoki misolo moro ma bende oyido jobino ni obatisa jo ma jopenjo go ni, “Jafonji, waripo timo aŋo?” Owaco rijo ni, 13“Wikiri wicoki kwoŋ moro gima kalo rapor ma cik yeyo.” 14Jolweny megi bende jopenjo go ni, “To wan waripo timo aŋo?” Owaco rijo ni, “Ongoye mayo ji gigipiny g'akaka! Yeŋ win gi kemba mewin! Odoko, wikiri wicwoki dhok dhano!”

15Geno pa ji ocako medirok; aka jocako paro ni ipoyo Yohana a Kristo. 16Am'omiyo Yohana odwoko jo ni, “An abatisa win kodi pi, to nitie nyatoro ma bino ma loyan bor gi dwoŋ, m'akiripi kada lunyo thol war pere. Go bino kibatisa win gi Cuny Maleŋ kodi mac. 17Adher pere ni cinge ma yweyo kisia ma coko ŋano, t'ikonjo nyingi ŋano i dero, t'iwaŋo woko kanja gi mac makitho.” 18I yo m'omore, Yohana omiyo ji miseni munyo fonjo jo Wac Manyen Maber. 19#Mat 14:3-4; Mar 6:17-18Yohana oyido otieko waco ri Herode ni otimo marac nywomo Herodia cip'omin, kendo Herode no won oyido otieko timo gigipiny mathoth mareco, 20medo kwoŋ meno, go odoko otimo raco ma kalo kiri m'oyido otieko timo con, ma tweyo Yohana i jiera.

Batisimo pa Yesu

(Mat 3:13-17; Mar 1:9-11)

21Munyo oyido otiek kibatisa ji je, kareno otiek kibatisa Yesu bende, go oyido kwayo, to polo yawere. 22#Cak 22:2; Zab 2:7; Isa 42:1; Mat 3:17; Mar 1:11; Luk 9:35Gikenyo Cuny Maleŋ oloro to pie kwoŋe i cal p'akuru, to dwondi jo moro wok i polo ma waco ni, “In i Wodan m'amaro; kendo asangala swa kodin.”

Tiendi nywolirok pa Kristo

(Mat 1:1-17)

23Munyo Yesu ocako tic pere, go oyido romo oro piero adek: Go obedo wod pa (paka okwan go) Yozefu, M'obedo wod pa Heli, 24wod pa Mathat, wod pa Levi, wod pa Meliki, wod pa Yanay, wod pa Yozefu, 25wod pa Matathia, wod pa Amos wod pa Nahum, wod pa Esili, wod pa Nagay, 26wod pa Math, wod pa Matathia, wod pa Semeyin, wod pa Yosek, wod pa Yoda, 27wod pa Yowanan, wod pa Resa, wod pa Zerubabel wod pa Seltiel, wod pa Neri, 28wod pa Meliki, wod pa Adi, wod pa Kosam wod pa Elimadam, wod pa Eri, 29wod pa Yosuwa, wod pa Elieza, wod pa Yorim, wod pa Mathat, wod pa Levi, 30wod pa Simeo, wod pa Yuda, wod pa Yozefu, wod pa Yonam, wod pa Eliakim, 31wod pa Meleya, wod pa Mena, wod pa Matatha, wod pa Nasan, wod pa Daudi, 32wod pa Yese, wod pa Obed, wod pa Bowaz, wod pa Salimon, wod pa Nason, 33wod pa Aminadab, wod pa Adimin, wod pa Arni, wod pa Heziron, wod pa Perez, wod pa Yuda, 34wod pa Yakobo, wod pa Isaka, wod pa Abraham, wod pa Tera, wod pa Nahor, 35wod pa Serug, wod pa Reu, wod pa Peleg, wod pa Eber, wod pa Sela, 36wod pa Kayinan, wod pa Alfakisad, wod pa Semu, wod pa Nowa, wod pa Lamek, 37wod pa Methusela, wod pa Enoka, wod pa Yared, wod pa Mahalalel, wod pa Kayinan, 38wod pa Enos, wod pa Seth, wod pa Adam, wod Were.

Currently Selected:

Luka 3: DHOPE

Highlight

Copy