Matayo Gima mako kwoŋ kitawo me
Gima mako kwoŋ kitawo me
Kitawo ma Wac Manyen Maber mapa Yesu Kristo paka Matayo ondiko luwo kwoŋ wac maber ma Yesu jaboth m'ocik, ŋata luwo kwoŋe Were oketho i kare cikirok m'otimo ri ji pere i Cikirok Macon. Wac Manyen Maber me k'obedo ri Joyuda kende, m'onywol Yesu i dier jo to bedo i dier jo, to ri piny gibe.
Kitawo pa Matayo ocan gi gwokirok swa. Go cako gi nywolirok pa Yesu, luwo kwoŋ batisimo kodi karatem pere, to luwo kwoŋ tito pere, fonji, kodi botho jomatwo i Galili. Rumacen ma gime kitawo me luwo kwoŋ woth pa Yesu wok i Galili tundo i Yerusalem gi gima mako kwoŋ sabiti macowe, m'okelo guro go kodi cerino pere.
Wac Manyen Maber me luwo kwoŋ Yesu paka jafonji madwoŋ, manitie gi dwoŋ ma tito Cik pa Were, aka ma fonjo kwoŋ ker pa Were. Fonji pere mathoth ocokere i wic wac abic: 1. Tito wi got ma luwo kwoŋ kite, tic, silwany kodi gike pa ji ma Ker ma polo (Siro 5—7); 2. Fonji ri jofonjirok apar g'ario ri or pajo (Siro 10); 3. Agecin kwoŋ Ker ma polo (Siro 13); 4. Fonji kwoŋ dwoŋ ma bedo jafonjirok (Siro 18); 5. Fonji kwoŋ gike ma luse me kodi bino ma Ker ma polo (Sirin 24—25).
Can ma gima nitie i kitawo me
Bol ma nywolirok pa Yesu gi nywolirok pere 1:1—2:23
Tic pa Yohana Jakibatisa 3:1-12
Batisimo gi karatem pa Yesu 3:13—4:11
Tic pa Yesu i dier ji i Galili 4:12—18:35
Wok i Galili tundo i Yerusalem 19:1—20:34
Sabiti macowe cegin kodi i Yerusalem 21:1—27:66
Cerino gi neno pa Rwoth 28:1-20
Currently Selected:
Matayo Gima mako kwoŋ kitawo me: DHOCDC
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.