Апостол Якъубэ тхылъэу ытхыгъэр 5

ЯТФЭНЭРЭШЪХЬ

Шъо, байхэр, шъузфэсакъыжь

1Шъо, цӀыф байхэр, шъукъэдаӀу. Насыпынчъагъэу къышъулъыӀэсыщтым пае шъугъ ыкӀи шъупыхь. 2Шъуимылъку шъугъэ, хъунэхэми шъуищыгъынхэр ашхыгъ. 3Шъуидышъи шъуитыжьыни улъыигъэх. Ахэмэ яулъыигъэ шыхьатэу къышъупэуцущт, шъупкъыхэри ыгъэкӀодыщт, машӀом зэригъэкӀодырэм фэдэу. Мы дунаим иаужырэ мафэхэм мылъку шъуугъоигъэ. 4ӀофшӀакӀохэу шъуихьасэхэр зыхыжьыгъэхэу, лэжьапкӀэ зэшъумытхэу къэжъугъэнагъэхэр шъуагъэмысэзэ къэкуох. ХынакӀохэм якуо макъэ Зиусхьан Сэбаот#5:4 Сэбаот – лъэкӀышхор зэкӀэ ЗиӀэр ары. ытхьакӀумэхэм анэсыгъ. 5Мы дунаим ахъщабэ зытежъугъэкӀодэжьэу, зыжъугъэтхъэжьэу шъущыпсэугъ. ШӀуабзынэу агъэшхэгъэ былымым фэдэу#5:5 шӀуабзынэу агъэшхэгъэ былымым фэдэу – ащ фэдэу шъори псэкӀодшӀэнымкӀэ зызэрэжъугъэшхэкӀыгъэм пае, Тхьэм шъуигъэпщыныжьыщт., шъузышӀуабзыщт мафэм пае псэкӀодшӀэнымкӀэ зыжъугъэшхэкӀыгъ. 6Шъыпкъагъэ зиӀэ цӀыфыр жъугъэмыси, шъуукӀыгъэ. Ар шъо къышъупэуцужьыгъэп.

ЩэӀагъэ зибгъэӀэнымрэ тхьэлъэӀумрэ

7Арышъ, сшыхэр, Зиусхьаныр къэкӀожьыфэ, щэӀагъэ зижъугъаӀ. Мэкъу-мэщышӀэм чӀыгум хипхъэгъэ чылэпхъэ лъапӀэр къэкӀэу лэжьыгъэ охъуфэ, зэрэпаплъэрэм шъуеплъ. Ыпэрэ ощхыри ыужырэ ощхыри къещхыфэ, щэӀагъэ иӀэу пэплъэ. 8Джащ фэдэу шъори щэӀагъэри гупытэныгъэри зижъугъаӀ, сыда пӀомэ, Зиусхьаныр дунаим къызыкӀожьыщт мафэр къэблэгъагъ. 9Сшыхэр, шъузэфэмытхьаусых, Тхьэм шъуимыгъэмысэным пае. ЦӀыфхэм хьыкум АтезышӀыхьэрэр пчъэӀупэм Ӏут.

10Сшыхэр, Зиусхьаным ыцӀэкӀэ къэгущыӀэгъэ пегъымбархэм щысэ атешъух. Къин ащэч зэхъум, щэӀагъэ къызхагъэфагъ. 11Теубытагъэ зиӀэхэр гъогу мафэ теуцуагъэхэу тэӀо. Пегъымбар Аюбэ#5:11 Аюб – еплъ Аюбэ икъэбар зэрыт тхылъым (Иов) 2:10; 42:10. итеубытагъэ икъэбар зэхэшъухыгъэ. Аужьыпкъэм Зиусхьаным ащ шӀу къызэрэлъигъэӀэсыжьыгъэри шъошӀэ, сыда пӀомэ, Зиусхьаным гукӀэгъушхо иӀ, ыгу къытэгъу.

12Сшыхэр, зэкӀэми анахьэу, тхьарыӀо шъумышӀы. УашъомкӀи, чӀылъэмкӀи, сыд щыщкӀи тхьарыӀо шъумышӀы. «Ары» шъуӀуагъэмэ, жъугъэшъыпкъэжь, «хьау, арэп» шъуӀуагъэми, ари жъугъэшъыпкъэжь, Тхьэм шъуимыгъэмысэным пае.

13Шъуащыщэу зыгорэм къин ыщэчмэ, Тхьэм ерэлъэӀу. Зыгорэ гушӀомэ, тхьэщытхъу орэдхэр къерэӀу. 14Шъуащыщэу зыгорэ сымаджэмэ, чылыс зэӀукӀэм инахьыжъхэм#5:14 чылыс зэӀукӀэм инахьыжъхэр – чылыс зэӀукӀэм фэлажьэрэ тхьэматэхэр ары. къярэдж. Ахэмэ Зиусхьаным ыцӀэкӀэ дагъэ щарэфи, Тхьэм ферэлъэӀух, 15шӀошъхъуныгъи яӀэу Тхьэм елъэӀухэмэ, сымаджэр хъужьыщт. Зиусхьаным ар къыгъэтэджыжьыщт. ПсэкӀод ышӀагъэми, фэгъущт. 16Арышъ, Тхьэм шъуигъэхъужьыным пае, шъуипсэкӀодхэр зым адрэм ыпашъхьэ рерэлъхьэхи, Тхьэм шъузэфелъэӀужь. Шъыпкъагъэ зиӀэ цӀыфым итхьэлъэӀу лъэкӀ иӀ, бэ егъахъэ.

17Пегъымбар Иляс#5:17-18 пегъымбар Иляс – еплъ Пачъыхьэхэм якъэбархэр зэрыт апэрэ тхылъым (3-я Царств) 17:1; 18:42-45. тэщ фэдэ цӀыфыгъ. Ощх къемыщхыным пае, Тхьэм ишъыпкъэу елъэӀуи, илъэсищырэ мэзихырэ чӀыгум ощх къытещхагъэп. 18ЕтӀани Тхьэм елъэӀужьи, Тхьэм ощх къыригъэщхи, чӀыгум хэлъхэр къэкӀыжьынхэу ежьагъэх.

19Сшыхэр, шъуащыщэу зыгорэ шъыпкъагъэм игъогу текӀы хъумэ, ар гъогу занкӀэм тезгъэхьажьырэм мыр ерэшӀ: 20псэкӀодышӀэ цӀыфэу игъогу пхэндж тетыр хэтми гъогу занкӀэм тезгъэхьажьырэм адрэр лӀэныгъэм къыхищыжьынышъ, псэкӀодыбэхэри къыфэгъущтых.

Currently Selected:

Апостол Якъубэ тхылъэу ытхыгъэр 5: AdgNT14

Highlight

Copy