Апостолхэм ашӀэгъэ Ӏофхэр 6

ЯХЭНЭРЭШЪХЬ

Апостолхэм ежьхэм адэӀэпыӀэнхэу нэбгырибл зэрагъэнэфагъэр

1А мафэхэм ИсускӀэ шӀошъхъуныгъэ зиӀэхэр нахьыбэ хъухэ зэхъум, алыджыбзэкӀэ гущыӀэрэ джуртхэм#6:1 алыджыбзэкӀэ гущыӀэрэ джуртхэр – Палестинэ хэгъэгум нэмыкӀ хэгъэгу горэм щыщхэу грекыбзэкӀэ гущыӀэщтыгъэх. джуртыбзэкӀэ гущыӀэрэ джуртхэм#6:1 джуртыбзэкӀэ гущыӀэрэ джуртхэр – Палестинэм щыщ джуртых. афэтхьаусыхэхэу аӀуагъ:

– Мафэ къэс шхын зыжъугощыкӀэ, тэ тишъузабэхэр пхъэтэпэмыхь шъошӀых.

2Джащыгъум, апостол пшӀыкӀутӀур зэкӀэ ИсускӀэ шӀошъхъуныгъэ зиӀэ цӀыфхэм къяджэхи, къаӀуагъ:

– Шхын дгощыным пае, Тхьэм игущыӀэхэм цӀыфхэр ятымыгъэдэӀунхэр тэрэзэп. 3Ащ пае, тшыхэр, цӀыф пстэуми лъытэныгъэ зыфыряӀэу, Тхьэм ы Псэ ЛъапӀэ инэу зыгу илъхэу, акъылышӀу зиӀэ нэбгырибл шъуащыщэу къыхэшъух. Мы Ӏофыр ахэмэ апшъэ итлъхьан. 4Тэри Тхьэм телъэӀуни, Тхьэм игущыӀэхэр цӀыфмэ ядгъэӀунхэми тыпылъ зэпытыщт.

5ЗэкӀэ зэӀукӀэгъэ цӀыфхэм мы гущыӀэхэр агу рихьыгъэх. Аущтэу Стефанэу шӀошъхъуныгъэмрэ Тхьэм ы Псэ ЛъапӀэрэ инэу зыгу илъ лӀыр къыхахыгъ. Ащ нэмыкӀэу Филипп, Прохор, Никан, Тимон, Пармен, Николасэу Антиохие къалэм щыщэу джурт хъугъэр къахахыгъэх. 6Ахэр апостолхэм апашъхьэ рагъэуцуагъэх. Апостолхэр Тхьэм елъэӀугъэх, аӀэхэри ахэмэ ашъхьэхэм атыралъхьагъэх#6:6 аӀэхэр ахэмэ ашъхьэхэм атыралъхьагъэх – аущтэу зыфашӀагъэр а Ӏофыр а лӀыхэм апшъэ ралъхьанышъ, ахэмэ а Ӏофыр агъэцэкӀэным пае, Тхьэм ынэшӀу къащифэнри ары..

7Аущтэу Тхьэм игущыӀэхэм а лъэныкъом инэу зыщаубгъущтыгъ. ИсускӀэ шӀошъхъуныгъэ зиӀэхэм япчъагъэ Ерусалим бэу щыхэхъуагъ. Дин пащэхэм ащыщ купышхоми шӀошъхъуныгъэ иӀэ хъугъэ.

Стефан зэраубытыгъэр

8Стефан Тхьэм ынэшӀу инэу къызщифагъэу, лъэкӀышхо зиӀэ лӀыгъ. Ащ Ӏофышхо гъэшӀэгъонхэр ышӀэщтыгъ, нэшэнэ гъэшӀэгъонхэри цӀыфмэ апашъхьэ къыщигъэлъагъощтыгъ. 9Шъхьафитыныгъэ зиӀэ хъугъэхэу#6:9 шъхьафитыныгъэ зиӀэ хъугъэхэр – джурт пщылӀхэу, шъхьафитыныгъэ зыгъотыжьыгъэхэр ары. зыфаӀорэ лӀыхэм ясинэгогу щыщхэм (ахэр Кириние къалэм, Александрие къалэм, Киликие хэкум, Асие хэкум щыщыгъэх) Стефан енэкъокъухэу аублагъ. 10Ау Стефан иакъылышӀуагъэ паий, игущыӀэхэр Тхьэм ы Псэ ЛъапӀэ къызэрэригъэӀуагъэхэм паий пэуцужьынхэ алъэкӀыщтыгъэп.

11Джащыгъум ахэмэ цӀыф заулэмэ моущтэу арагъэӀуагъ:

– Мы лӀыр пегъымбар Мусэмрэ Тхьэмрэ яхъонэу зэхэтхыгъ.

12Аущтэу заӀом, цӀыфхэри, нахьыжъхэри, Тэурат егъэджэкӀо пащэхэри зэкӀагъэплъыхьагъэх. Ахэми Стефан аубыти, Тхьэмэтэ Хэсэшхом ыпашъхьэ ращагъ. 13Шыхьат нэпцӀхэри къащагъэх. А шыхьатхэм мырэущтэу аӀуагъ:

– Мы лӀыр мы чӀыпӀэ лъапӀэмрэ Тэурат хабзэмрэ яхъон зэпыт. 14Сыда пӀомэ, Назарет щыщ Исус мы чӀыпӀэр зэхикъутэщт ыкӀи пегъымбар Мусэ къытфигъэнэгъэ хабзэхэри зэблихъущтых, мы лӀым джахэр къыӀоу зэхэтхыгъ. 15Тхьэмэтэ Хэсэшхом хэт пстэури Стефан езэрэгъэплъыгъ. Ащ ынапэ мэлэӀич напэм фэдэу къащыхъугъ.

Currently Selected:

Апостолхэм ашӀэгъэ Ӏофхэр 6: AdgNT14

Highlight

Copy