Апостолхэм ашӀэгъэ Ӏофхэр 25

ЯТӀОКӀЫРЭ ТФЫНЭРЭШЪХЬ

«Кайсарым сиӀоф хьыкум тырерэшӀыхь» – ыӀуи, Паул зэриӀуагъэр

1Ӏэшъхьэтет Фест зыцӀэр хэкум#25:1 хэку – Иудей хэкур ары. къэкӀуагъэу мэфищ зытешӀэм, Кесарие къалэм#25:1 Кесарие къалэр – еплъ 8:40. дэкӀи, Ерусалим кӀуагъэ. 2Джащыгъум дин пэщэшхохэмрэ джуртхэм ятхьэматэхэмрэ Паул едэонхэм пае, Фест дэжь къэкӀуагъэх. 3Ахэмэ яхьатыркӀэ Паул Ерусалим къаригъэщэнэу ыуж имыкӀхэу Фест елъэӀугъэх, сыда пӀомэ, Паул гъогум рыкӀозэ, шъэфэу аукӀын агу хэлъыгъ. 4Ау Фест ариӀуагъ:

– Паул Кесарие хьапсым чӀэс. Сэри бэ темышӀэу ащ сыкӀощт. 5А лӀым бзэджагъэ горэ ышӀагъэмэ, шъуитхьэматэхэм ащыщэу зы куп сигъусэу къэрэкӀуи, къерэдау.

6Фест мэфий е мэфипшӀ нахьыбэ ахэмэ адэжь щымыӀагъэу, КесариемкӀэ ехыгъ. ЯтӀонэрэ мафэм хьыкум ышӀынэу итӀысыпӀэ тетӀысхьи, дзэлӀхэм Паул къаригъэщагъ. 7Паул къызэлъагъом, Ерусалим къикӀыгъэ джуртхэм къауцухьи, бзэджэшӀэгъэшхо пчъагъэкӀэ агъэмысэу аублагъ, ау къаӀуагъэхэр къагъэшъыпкъэжьын алъэкӀыгъэп.

8– Джуртхэм я Тэурат хабзэкӀи, Тхьэм иунэшхокӀи, КайсарымкӀи мыхъо-мышӀэу зи сшӀагъэп, – къыӀуагъ Паул зиухыижьэу.

9Джуртхэм шӀугъэ горэ афишӀэнэу Фест фэягъэти, Паул риӀуагъ:

– Мы Ӏофым хьыкум тесшӀыхьаным пае, Ерусалим укӀонэу уфая?

10– ХьыкумэшӀэу Кайсарым ихьыкум сиӀоф тезышӀыхьан фаем ыпашъхьэ сит, – къыӀожьыгъ Паул. – О дэгъоу зэрэпшӀэу, джуртхэм зи мыхъун ясшӀагъэп. 11УкӀ зифэшъошэ мыхъун горэ сшӀагъэу силажьэмэ, укӀым зыщысыдзыенэу сыфаеп. Ау къызэрысэдаохэрэм шъыпкъагъэ ахэмылъмэ, зыми ахэмэ саӀэкӀигъэхьан ылъэкӀыщтэп. Кайсарым сиӀоф хьыкум тырерэшӀыхь! #25:11 Кайсарым сиӀоф хьыкум тырерэшӀыхь – Кайсарым рим цӀыфхэм яӀоф хьыкум тыришӀыхьаным пае, зыфагъэзэжьынэу фитыныгъэ яӀагъ. А лъэхъаным Неро кайсарыгъ. Ар Исус къызэхъу нэужым я 54-58 илъэсхэм къакӀоцӀ кайсарыгъ.

12Фест иӀэпыӀэгъухэм задэгущыӀэ ужым, къыӀуагъ:

– «Кайсарым сиӀоф хьыкум тырерэшӀыхь» къызэрэпӀуагъэм пае, Кайсарым дэжь укӀощт!

Паул икъэбар пачъыхьэ Агриппэ Фест зэрэриӀуагъэр

13Мэфэ заулэ зытешӀэ ужым, пачъыхьэ Агриппэрэ#25:13 пачъыхьэ Агриппэ – Ирод Агриппэ ЯтӀонэрэр Халхис хэгъэгоу Палестинэ хэгъэгум итемыр лъэныкъо итым ипачъыхьагъ. Ежьыррэ Вереникэрэ Ирод Агриппэ Апэрэм илъфыгъагъэх. Еплъ 12:1. ышыпхъу Вереникэрэ Фест шӀуфэс къырахынэу Кесарием къэкӀуагъэх. 14Ахэр мэфэ заулэрэ щыӀагъэхэу, Паул иӀоф пачъыхьэм ыпашъхьэ Фест рилъхьи, риӀуагъ:

– ЛӀы горэ хьапсым чӀэсэу Феликс къысфигъэнагъ. 15Сэ Ерусалим сызыщэӀэм, джуртхэм ядин пэщэшхохэмрэ джуртхэм янахьыжъхэмрэ садэжь къакӀохи, а лӀым едаохэу, згъэмысэнэу къысэлъэӀугъэх.

16– Ау сэ ахэмэ ясӀожьыгъ: «ЛӀы горэ къедаохэрэм апашъхьэ къихьэу, зэрагъэмысэрэм ипэгъокӀ аритэу, зиухыижьынэу фитыныгъэ рамытмэ, укӀ тыралъхьанэу рим хабзэмкӀэ хъущтэп». 17Ахэр садэжь къызэкӀохэм, Ӏофыр сымыгъэгужъоу ятӀонэрэ мафэм хьыкум тесшӀыхьанэу ситӀысыпӀэ сытетӀысхьи, а лӀыр дзэлӀхэм къязгъэщагъ. 18Къедаохэрэр къэтэджыгъэх. Ӏоф мыхъо-мышӀэкӀэ агъэмысэщт сшӀошӀыгъ, ау зэрагъэмысэн бзэджэшӀагъэхэу сызэрэгугъагъэхэм ащыщкӀэ агъэмысагъэп. 19Ежьхэр ядин ехьылӀагъэу Ӏоф заулэхэмкӀэ зэгурыӀощтыгъэхэп. Исус зыцӀэу лӀагъэу, ау Паул псаоу зыфиӀуагъэмкӀи зэгурыӀощтыгъэхэп. 20Мыщ фэдэ Ӏофхэм хьыкум зэратесшӀыхьащт шӀыкӀэр сшӀагъэпти, а лӀым сеупчӀыгъ: «Ерусалим укӀоу, ащ хьыкум къыщыптесшӀыхьанэу уфая?» 21Паул иӀоф Кайсарым хьыкум тырешӀыхьэфэ, хьапсым чӀагъэсынэу къызэлъаӀом, ар Кайсарым дэжь сэгъэкӀофэ, хьапсым чӀагъэсынэу унашъо сшӀыгъэ.

22– Сэ сшъхьэкӀэ а лӀым къыӀохэрэм сядэӀунэу сыфай, – къыриӀуагъ Агриппэ Фест.

– Неущ уезгъэдэӀун, – къыӀожьыгъ Фест.

23ЯтӀонэрэ мафэм цӀыфхэм лъытэныгъэшхо къафашӀызэ, Агриппэрэ Вереникэрэ цӀыфхэм хьыкум зыщатырашӀыхьэрэ унэшхом къычӀэхьагъэх. Ахэмэ ягъусагъэх дзэ пэщэшхохэри къалэм итхьэматэхэри. ЕтӀанэ Фест унашъо ышӀи, Паул къащагъ.

24– Ори, пачъыхьэ Агриппэ, шъори тигъусэхэу щыӀэ цӀыф пстэури, мы лӀым шъуеплъ! – къыӀуагъ Фест. – Джуртхэр зэкӀэ Ерусалими мыщи садэжь къакӀохи, агъэмысэзэ, «Мы лӀыр нахьыбэрэ псэу хъущтэп», – аӀозэ, зыфэкуощтыгъэхэр мыры. 25УкӀ зифэшъошэ бзэджагъэ зи ымышӀагъэу къэзгъотыгъ, ау ежь «Кайсарым сиӀоф хьыкум тырерэшӀыхь», – ыӀуи, лъэӀуагъэти, Кайсарым дэжь згъэкӀонэу тесыубытагъ. 26Ау гъэнэфэгъэ къэбар зи ащ ехьылӀагъэу Кайсарым фэстхынэу сиӀэп. Арыти, шъуапашъхьэ, зэкӀэми анахьэу оры, пачъыхьэ Агриппэ, къырязгъэщагъ, хьапсчӀэс Паул теупчӀызэ, иӀоф тызыхаплъэ ужым, стхыщтыр сшӀэным пае; 27сыда пӀомэ, зэрыдгъэмысэрэр ятымыгъашӀэу, хьапсчӀэс горэ афядгъэщэныр емыкӀоу сэлъытэ.

Currently Selected:

Апостолхэм ашӀэгъэ Ӏофхэр 25: AdgNT14

Highlight

Copy