Lk THYËRØ
THYËRØ
Wöndøj ni kɑ ɑ́gwedii yi Luk, nyodh-ɑ Yëso kinni en ɑ bɑ Mesiy men-ɑ ɑ́kwøb cøn i óbï ceth ɑ́ Yïëni Isrɑil, o bɑ yïëni dhɑnhø bëne kì kömi piny. Luk ɑ́gwëëd kinni i Yëso ócwööl-ɑ yi Wëyi Wë, o muuje Wöndøj tyëng-ɑ ɑbuur (4.18) o Wöönɑni yije pɑ̈ng yi kwøbbi tegi per gïg-ɑ dwɑddi yi dhɑnhø bëne. Kwøbbi medi pyëw okømmø thyew kì yij wɑ̈nyi Luk, møgɑni ti-ɑ nënnø kì ri cɑ̈gi wɑ̈nyø, bun-ɑ kööbø kì ri bëëni Yëso, kɑ ge cigi gwedø kì ri thumi wɑ̈nyø kì keny-ɑ kööbø kì ri kedhi Yëso mɑl. Wɑ́ji ngënyi jøbɑng Mesiy kí tɑyi kwøbbi yïëyø, kì bɑng kedhi Yëso mɑl, bɑ ɑgwed yi jɑl-ɑ ɑ́gwed wɑ̈nyø men kì yij wɑ̈nyi Gwøøg Tyëngwöödø. Dɑ bud ɑ́ryew (Wïj 1-2 kí 9-19) mø yethi gen di kwøb mø ngenyø mɑ ɑ́gwed kì yij Wöndøj men kete, ni Wöri Wëywödd, kí jødyëg kɑ ɑ́këëmi gen kì ri øøri Yëso piny. Kí Yëso kì Kengø e bɑ nyelthinh, kí gɑ́ji jɑl Sɑmɑriyɑ̀ jɑldøj, kí gɑ́ji Wɑ̈n-ɑ ɑ́lɑ̈ɑ̈ny. Kwɑ̈jjø pere teg kì yij Wöndøj menɑni bëne, kí Wëykwërø, kí gwøøg tyëng-ɑ mɑ̈nn kì yij pwönyi Yëso, kí lɑ̈mpyëw Jwøk ki orøg.
Møg-ɑ Tyëmø
Thyërø 1.1-4
Øøri Jøn Jɑljwɑ̈g piny geki øøri Yëso piny kí kër-ɑ ɑ́pïïdh gen 1.5–2.52
Pwönyi Jøn Jɑljwɑ̈g 3.1-20
Jwɑ̈ngi Yëso geki Pɑ̈nye yi Cethɑn 3.21–4.13
Pwönyi Yëso kì Gɑlelì 4.14–9.50
Cɑg kì Gɑlelì gïti Yerusɑlem 9.51–19.27
Osboo men-ɑ cyɑ̈n kì Yerusɑlem geki myërr-ɑ bute 19.28–23.56
Dhwödhø, kí Cwöbø, kí Kedhi Wë mɑl 24.1-53
Currently Selected:
Lk THYËRØ: shkDCB
Highlight
Share
Copy
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.