Marko 8
8
Itaŋiyo Yesu Aati Alif Aŋuan
(Mat 15:32-39)
1Hobeŋi nyia oŋitek arriai allaŋi, ette obo eluluŋ waati hama inyiak ittubanio diya. Buo ninyia abiaŋarak isi obo aŋiyo ette Yesu iloŋuna lejifak honyi, ette jiaran jihosi, 2“Omehino ataji hoŋ aati hulo, nyio, atuhi isi oŋitek hunihoi ikoŋ obeŋi anyai obo ariŋ. 3Elle etatturok ni isi ihaŋitek hosi hullo oniamai, ofuoi adi isi imohita ihiji ikoi, nyio, ofuonni omuk hulosi alamarai.”
4Buo lejifak honyi ette ifiyo inyi ojio, “Ŋai adi oremik inyurana obo aŋiyo jio ediofo ana itaŋiyere aati hulo 'daŋ?”
5Attati Yesu ifiyo isi ojio, “Owoni emunio baya jihatai?”
Itarraŋi isi jiojio, “Emunio hattarik.”
6Ania, ette Yesu ihum iramana eluluŋ waati hétetoŋohi ifau, ette iduhuna emunio huna hattarik, ette isio ahumo jio Hollum, ette ibibeny isi, ette isio jio lejifak honyi oŋida ihiharani jio eluluŋ waati, buo lejifak ette ihan ihuo nyia. 7Owoni nyia buo fe isi iko omuk aham kaiyo hullo odihara 'to. Ninyia isiarak Yesu ahumo tesi, ette inyi iramana lejifak honyi oŋida buo fe ihiharani aham hulia. 8Oŋiyei nyia isi 'daŋ many ifuaŋarik. Attati lejifak ihuhuronia ebenyiti ofitot itua afeehien hattarik 'daŋ lur lur. 9Arai nyia aati hia ihuo alif aŋuan (4,000). 10Attati Yesu itatturonia isi, buo teya teya ette idahina atogol inyi iko lejifak honyi, ette ifuatan ifau Dalmanuta.
Awahan Farisei obo Eduarit
(Mat 16:1-4)
11 #
Mat 12:38; Luk 11:16 Ofuonni nyia omuk Farisei jio Yesu, ette itarisa ikonyi. Awahi nyia isi ilohuna inyi. Ania, ifiyerek isi inyi oŋida ihan obo eduarit itahutaniere jio iruk Hollum inyi. 12#Mat 12:39; Luk 11:29Ati oyiri nyia Yesu hau, ette jiaran, “Nyio awahi aati hula ahana eduarit? Hode, eramak ni itai jio, obeŋi adi ihani jihosi obo eduarit.”
13Idiaharu nyia inyi isi, ette inyiak idahina itogol, ette illaŋara aŋati tafar tole.
Olobou Farisei iko ono Erode
(Mat 16:5-12)
14Oguoroi nyia lejifak Yesu eyaru emunio hunno oremehini, arari emune abotie ijiai ninyia owon 'to jihosi itua togol. 15#Luk 12:1Asar nyia Yesu isi jiojio, “Ihumata imijio olobou Farisei iko ono Erode.”
16Itterie nyia isi ikikiana isi hama jiojio, “Ikiana inyi ihuo nyia, nyio, ebeŋ duo eyaŋuno obo emune.”
17Ati omijak nyia Yesu erre hunne ikianai isi. Ania ette inyi ifiyo isi jiojio, “Nyio ikikianati itai ta abiaŋan obo emune jihatai? Hèbiaŋata itai igonyuna buo fe imijana? Hoddiŋi ossi hatai? 18#Mar 4:12Owoni oŋite jihatai…ibiaŋata itai imijiete? Owoni ayyaha…jihatai ibiaŋata itai itayiriete? Ibiaŋata itai igiluna, 19ninyia abenyiere ni emunio jio aati alif miyet (5,000)? Iddudduhuna nyia itai ofitot afeehien omukajia?”
Itarraŋi isi inyi jiojio, “'Tomon harrihai.”
20Buo Yesu ette inyiak ifiyo isi ojio, “Buo ninyia abenyiere ni emunio hunyia hattarik, hunyia etaŋiyere ni aati alif aŋuan (4,000), itilluronia nyia itai ofitot afeehien omukajia?”
Itarraŋi isi jiojio, “Hattarik.”
21Buo inyi ette jiaran jihosi, “Hèrasati fe itai 'daŋ itimo?”
Itaŋida Yesu Oloŋodo Ibore Gala Besseyida
22Ninyia afuonni isi Besseyida, iyaŋunie nyia omuk aati obo oloŋodo jio Yesu, ette ittana Yesu hotottiro inyi. 23Ania, ette Yesu ittoŋ aani atulo alia, ette irihoro inyi addi to tua miji. Ninyia amitak inyi amilak ihoŋite atulo alia, buo fe iyabak ahas honyi jihonyi, ette inyi ifiyo inyi ojio, “Igonyu iyye obo ariŋ?”
24Attati atulo lia ibonno ahide, ette jiaran, “Aafe, egonyu ni aati, ati arai isi ihuo ayyani hunne iddidahai.”
25Attati Yesu inyiak iyabana ahas honyi ihoŋite latulo alia. Ania ette atulo alia ihum mijio 'tok 'tok, ette oŋite honyi iŋidari, ette igonyuna erre 'daŋ onno oyyu. 26Attati Yesu ifahina latulo alia ihaŋ hosi buo ihum iramana inyi jiojio, “Hècaharu attua miji.”
Opulok Petro jio Ara Yesu Olonyimoto Hollum
(Mat 16:13-20; Luk 9:18-21)
27Attati Yesu leten iko lejifak honyi jio amisihi hutteger Cesaria Filipi. Ojio ihiji ikoi, ette inyi ifiyo lejifak honyi jiojio, “Ojiori aati ani ŋai?”
28 #
Mar 6:14-15; Luk 9:7-8 Itarraŋi isi inyi ojio, “Ojiori omuk iyye Yoane etifuotoni Batisimo, buo omuk ojiori Elija, buo fe omuk ojiori obo olo ekianak Hollum.”
29 #
Yoa 6:68-69
Attati inyi ifiyo isi ojio, “Buo jihatai, ijiatta itai ani ŋai?”
Itarraŋ Petro inyi ojio, “Iyye Olonyimoto.”
30Attati Yesu ihum iramana isi jio, “Hèramana obo atulo eram ania.”
Ikiana Yesu Eram ono Ettigemio iko ono Aye Honyi
(Mat 16:21-28; Luk 9:22-27)
31Itterio nyia Yesu ettiyenio lejifak honyi jiojio, “Obolo adi ettigemio jio Lonyi Tulo, ihari adi inyi lahou iko ehumak elettaha, buo fe ettiyanak ifahita. Ottohori adi inyi, ati ihalu oŋitek hunihoi ibuhu adi inyi toye.” 32Opulok nyia inyi erre hunia jihosi sar sar, ania, ette Petro iyaru inyi eger, ette iriŋ inyi. 33Ati oyito nyia Yesu, ette mijio jio lejifak honyi, ette iriŋ Petro, ette jiaran, “Sittan, ilo addi teger hoŋ! Nyio, obiaŋara egigilo Hollum ottonohoi ania, ati ono aati.”
34 #
Mat 10:38; Luk 14:27 Attati Yesu iloŋuna lejifak honyi iko eluluŋ waati jihonyi, ette jiaran jihosi, “Alla awak obo atulo ittuna te ehalu hoŋ, ijiara inyi oguoro ahuan honyi, hotolorok akruce honyi, hétejifunie nani. 35#Mat 10:39; Luk 17:33; Yoa 12:25Nyio, alla awak obo atulo italuahuna esu honyi, italitohi adi inyi. Ati atulo elle italitohi 'to esu honyi te eram hoŋ iko te eram asayyo ayijok, italuahu adi inyi. 36Anyio yiji 'tadi inyi, alla anyurak obo atulo erre 'daŋ hutta fau buo italitohi esu honyi? 37Anyio riŋ adi onno oremik inyi isio inyiahuniere esu honyi? 38Elle iloriri obo atulo toni iko te eram hoŋ ihosiere waati hula ahana, hullo otimoi 'to Hollum buo fe arai aheyyak, iloriri adi buo fe Lonyi Tulo tenyi alla attu inyi ta akuatan ono Monyonyi iko ono ajilohien hullo olibori 'to.”
Currently Selected:
Marko 8: EA2003
Highlight
Share
Copy
Want to have your highlights saved across all your devices? Sign up or sign in
© The Bible Society in South Sudan 2003
