Matteyo 12
12
Eram Ono Sabatto
(Mar 2:23-28; Luk 6:1-5)
1Ojio ihalu kai, ababalaru nyia Yesu totto tua matta to oloŋ Sabatto.#12:1 Sabatto : inyi neyom ono aati Yudei, oloŋ ono nayiri ihuo Dominika. Oniamai nyia ejifak honyi, attati isi igiluna omuk ossi himma ette iriaja. 2Ninyia igonyuni Farisei eram ania, ette isi jiaran jio Yesu, “Imijie, ihanie lejifak hoi ariŋ enne itihotie efahita hohoi ihaniere to noloŋ Sabatto!”
3Itarraŋ nyia Yesu isi ojio, “Hèbiaŋata itai ihenuna erre hunyia ihan Dafide iko aati honyi, ninyia aniamai isi? 4Ojiŋak nyia inyi ihaji Hollum, ette inyi iko aati honyi iŋiyo emunio hunyia isiori jio Hollum. Itihotie nyia efahita isi iŋiyere emunio hua arari fe ehumak hama oŋiyei isi. 5Kuyya hèbiaŋata buo fe itai ihenuna to tua ifahita huno Mose jio, itafayacie ehumak efahita to oloŋ Sabatto, te egiama hosi itua Haji emojit enne ittokon, ati, obeŋi isi owoni iko epali. 6Eramak ni itai jio, owon obo ariŋ anna agalik Aaji emojit enne ittokon. 7#Mat 9:13Imijana duo itai awoyo hiram ono ekiana onno ojio 'to, ‘Awak ni amehino, obiaŋara aciaŋi ehumita,’ ibiaŋata duo itai iŋotonia epali jio hullo obeŋi 'to ipali. 8Nyio, ara Lonyi Tulo Lamonye olo Sabatto.”
Atulo Ollo Oye Hani
(Mar 3:1-6; Luk 6:6-11)
9Olo nyia Yesu teya, ette ijiŋana jio obo aaji emojit, 10ninyia awanari obo atulo ollo oye hani. Owoni nyia omuk aati diya hunyia awahi 'to itisiahina inyi. Ania, ette isi ifiyo inyi jiojio, “Aŋatani soho efahita hohoi itaŋidariere to oloŋ Sabatto?”
11 #
Luk 14:5
Attati inyi itarraŋ isi jio, “Ŋai tehiji hatai ollo obeŋ adi ipihu aker honyi to tua iwure to oloŋ Sabatto, alla akuahino aker honyi diya? 12Oyyu atulo agalik aker! Tania, aŋatani efahita hohoi iluahiere atulo to oloŋ Sabatto.” 13Attati inyi jiaran jio latulo lia, “Itabisak aani hoi.”
Ette inyi itabisana, buo aani honyi ette inyiak ŋidari ihuo ebotie hani. 14Attati Farisei ifuatan teya, ette iwwahuna ekoi ittohori Yesu.
Egiamani ollo Onyimu Hollum
15Ninyia itayiru Yesu ewwahuna hosi ittohori inyi, ette inyi leten addi teya, buo eluluŋ waati enne ittok ette ijifaru inyi. Buo inyi ette itaŋida aŋuak hosi 'daŋ, 16ette ihum iramana isi hèlaha isi itisarrahini eram honyi jio aati hullomuk. 17Ihan nyia inyi ihuo nyia oŋida itasiruni ekiana Hollum ninyia ikianari inyi te etuk Isaya Ekianani Honyi jio:
18“Imijata egiamani hoŋ olo alla anyimu ni,
inyi alia ollo obuor ataji hoŋ.
Inyi buo fe alia alla amuno ni bebe.
Esiarak adi ni Oloholio hoŋ jihonyi
buo inyi adi ette iramana jio aati hutta fau 'daŋ,
aleten hoŋ iŋocio eram onno obis.
19Obeŋ adi inyi ilorisa kuyya ohosohita,
Obeŋ adi tulo itayiru inyi iwuwoŋita ilofirihi.
20Obeŋ adi inyi isohu osiholoti onno oboina 'to,
kuyya itaduny allomo enne iliaha 'to adunyari.
Odulo adi inyi many iyaŋuniere inyi
aŋocio hiram onno obis 'to jio aati.
21Buo aati 'daŋ ette adi iyihina ta afure honyi.”
Yesu iko Belsebul
(Mar 3:20-30; Luk 11:14-23)
22Attati omuk aati iyaŋuno jihonyi obo oloŋodo elle ittallik ikiana nyio, owon nyia aminiaŋati jihonyi. Buo Yesu ette itaŋida atulo lia many oremik inyi inyiak ikiana buo fe omijio. 23Illillihai nyia eluluŋi waati 'daŋ ette ifiyo jiojio, “Lonyi Dafide 'tadi olo?”
24 #
Mat 9:34; 10:25 Ninyia itaniŋuni Farisei ekiana ania, ette isi jiaran, “Ifuhatio inyi aminiaŋa hunia ta aduaran Belsebul hobu miniaŋa.”
25Ati omijak nyia Yesu egigilita hosi, ette inyi jiaran jihosi jio, “Elle ibubuanya obo afau eluluŋi eluluŋi hunno orriomonie isi hama, otturo adi inyi. Elle ibubuanya buo fe obo abore gala kuyya obo ahaŋ eluluŋi eluluŋi hunna aŋalafai, otturo adi inyi. 26Alla aŋalafarai eluluŋi hutto lobie Sittan isi hama itahutak inyi jio ibubuanya olobie ania. Tania, otturo adi inyi kuak. 27Elle efuhatio ni aminiaŋa ta aduaran Belsebul, buo lejifak hatai ifuhatie isi ta aduaran ŋai? Tania, arai adi lejifak hatai ahaŋotok hiram hatai. 28Ati, elle efuhatio ni aminiaŋa ta aluahio ono Oloholio Hollum, itahutak ania jio alum Olobie Hollum ihiji hatai.
29“Ittallik obo atulo ijiŋara ihaŋ olottir ihorori asaŋ honyi, arari fe elle ifit inyi olottir alia do, ŋa ti inyi oremik ibialaru asaŋ honyi.
30 #
Mar 9:40
“Atulo ollo obeŋ 'to ara aholoŋ, oliwari inyi ani luŋa; buo lia, ollo obeŋ 'to oluak ani isuduhaniere, ikukurio inyi luŋa. 31Tania, eramak ni itai jio, oremehini adi ihohina eyyata waati 'daŋ iko etarrohojita hosi afure Hollum, ati ittallihi adi ihohina eyyata lia elle ittarrohojio 'to afure Loholio Olibo. 32#Luk 12:10Lia, elle ittarrohojio 'to afure Lonyi Tulo oremehini adi ihohina eyyata honyi. Ati lia, elle ittarrohojio 'to afure Loholio Olibo ittallihi adi ihohina eyyata honyi ihuania…ara duadi bu moi.
Ayyani iko Eŋijiti Honyi
(Luk 6:43-45)
33 #
Mat 7:20; Luk 6:44 “Oŋijak ayyani onno oyyu 'to eŋijiti hunno oyiji, buo ayyani onno orroho 'to oŋijak eŋijiti hunno orrohoji 'to. Nyio, oheruni aati ayyani te eŋijiti honyi. 34#Mat 3:7; 23:33; 15:18; Luk 3:7; 6:45Itai amunuok hulo! Aŋai iremehina itai ikiana erre hunno oyiji 'to buo itai isata arrohojak? Nyio, ikiana etuk erre hunne ifuti 'to itua taji. 35Iyaŋuno oloyijio erre ayijok to hirre ayijok hunno owoni 'to jihonyi; buo olorroho iyaŋuno arrohojak to hirre arrohojak hunno owoni 'to jihonyi.
36“Eramak ni itai jio, Iholoŋ ono Aŋocio Hiram, ofuoi adi aati 'daŋ ababo iramuna awoyo hirre huno ekenita 'daŋ hunyia ikianai isi asai asai. 37Nyio, ekenita hunne ikianati itai isi adi hunno oŋotonierek jihatai epali kuyya abiaŋan ipali.”
Awahan Waati Eduarit
(Mar 8:11-12; Luk 11:29-32)
38 #
Mat 16:1; Mar 8:11; Luk 11:16 Attati omuk ettiyanak ifahita iko Farisei jiaran jio Yesu, “Hettiyanani, ewak hohoi igonyuna iyye ihanio obo eduarit.”
39 #
Mat 16:4; Mar 8:12 Ati itarraŋ inyi isi ojio, “Orrohoji aati hula ahana buo fe otimoi Hollum. Nyio, awahi isi itahutani isi obo eduarit. Ati obeŋi adi itahutani jihosi obo arari fe etamijani ono Yona ekianani Hollum. 40#Yoa 1:17Nyio, ihuo ninyia otuhori Yona oŋitek iko aruejin hunihoi to tua hami enne ittok, otuk adi buo fe Lonyi Tulo oŋitek iko aruejin hunihoi to tua fau. 41#Yoa 3:5Odiotoi adi aati Ninife Iholoŋ ono Aŋocio Hiram, ette itisiahina itai. Nyio, ihari nyia isi eyyata hosi ninyia itayiruni isi ettittoyo ono Yona. Eramak ni itai, owon obo ariŋ dini anna agalik Yona! 42Odioto adi noobu ono Seba Iholoŋ ono Aŋocio Hiram, ette itisiahina aati hula ahana. Nyio, ottu nyia inyi ta fau honyi anna alama 'to itayiruniere olofioro huno Solomon Hobu. Eramak ni itai owon obo ariŋ dini anna agalik Solomon!
Acohuno ono Aminiaŋati
(Luk 11:24-26)
43“Alla ajiŋu aminiaŋati jio obo atulo, ilor inyi ta amaji onno oyoho 'to, ittifiari amaji eyirit, ati obeŋ inyi onyurak obo. 44Attati inyi jiaran, ‘Acaharu adi ni ihaji hoŋ noduo ediehuno ni.’ Ninyia acohuno inyi, onyurak nyia inyi aaji honyi oyur, alibo, buo fe ilaman. 45Attati inyi leten, ette iloŋuno omuk aminiaŋa hattarik hunno orrohoji 'to agalihini inyi, ette isi ijiŋana, ette imanya diya. Ania, ninyia atuho 'daŋ, orroho nyia jio latulo alia agalik ninyia tetteri. Ara adi buo fe inyi ihuo nyia jio aati arrohojak hula ahana.”
Honye iko Illarak Yesu
(Mar 3:31-35; Luk 8:19-21)
46Ninyia hèkiana Yesu jio aati hia, afanyi nyia bo honyonyi iko illarak honyi, ette iwotia illet. Awahi nyia isi ikiana jihonyi. [ 47Ania, ette obo atulo tehiji waati iramana inyi jio, “Imijie, honyohoi onno owotia illet iko illarak hoi. Awahi isi ikiana jihoi.”]#12:47 Obeŋ ekori (47) jio omuk egierita.
48Itarraŋ nyia Yesu jio, “Ŋai iyaŋ? Haŋai illarak hoŋ?” 49Attati inyi ihut ajio lejifak honyi, ette jiaran, “Imijiete, iyaŋ ana iko illarak hoŋ! 50Lia, elle ihanio 'to erre hunna awak Monyoŋ ettedou, inyi ara illaŋ iko haniyoŋ buo iyaŋ.”
Currently Selected:
Matteyo 12: EA2003
Highlight
Share
Copy
Want to have your highlights saved across all your devices? Sign up or sign in
© The Bible Society in South Sudan 2003
