Math ANYOOTH
ANYOOTH
Wëlpiɛth ë gɛ̈ɛ̈r Mathayo ee jam nɔn ye Yecu, Kony de Wëi cï kɔn lueel, Raan ee yen cï gutguut de Nhialic, wään cï lɛ̈k kɔcke ë Biäk thɛɛr yic, tɔ ee yic. Yen ee wëlpiɛthkë acïkï ee kake Judai kapäc, kɔc wään bïï Yecu lui ë keyiic, ee këde piny nɔm ëbɛ̈n.
Mathayo acï ŋiëc guiir apiɛth. Ee rɔt gɔl në dhiënh de Yecu, ku lueel joolde, ku lɔ thëmde, ku jɔ bɛ jam në biäk de luɔidɛn ë wɛ̈ɛ̈t, ku wɛ̈ɛ̈r cï yen kɔc tɔ waar ë Galili. Ku në ee kakë cöl Wëlpiɛth acï jäl ë Yecu ë Galili lee Jeruthalem bɛ gɔ̈ɔ̈r, ku ka ë looi Yecu, ku jɔ aköölkɛn ciëën thöl thook në piëëtde ku jönërɔtde.
Yen ee Wëlpiɛthkë, ee Yecu nyuɔɔth kë ye Bɛ̈nydït ee wëët, raan de nɔm riɛl de wɛ̈ɛ̈r ye löŋ ë Nhialic waaric, ku ye raan ee wëët në biäk de ciɛɛŋ de Nhialic. Wëëtde ëbɛ̈n acï matic në kakɛn ë wëët kadhïc: (1) Wëët ë Kuur nɔm, ajam de biäk de rëër, ku luɔi, ku ka ye yök, ku të bïï kɔc ke ciɛɛŋ de paan nhial lɔ thïn (Cökdït 5–7), (2) Wëët wëët en kɔcpiööcë kathiëër ku rou në biäk ë luɔiden (Cöökdït 10), (3) Kɛ̈ŋ në Biäk de Ciɛɛŋ de Paannhial (Cöökdït 13), (4) Wɛ̈ɛ̈t në Biäk eeŋö yen ee kɔcpiööcë (Cöökdït 18), (5) Ku wëët në biäk de thök de piny ee nɔɔnë, ku bɛ̈n de Ciɛɛŋ de Paannhial (Cökdït 24-25).
Ka tɔ̈u Thïn
Kuën de dhiënh de Yecu Kërtho 1:1–2:23
Luɔi de Jɔn Baptith 3:1-12
Baptith ku thëm de Yecu 3:13–4:11
Gɔl ë Galili lee Jeruthalem 4:12–18:35
Kööl ciëën ë dhorou në Jeruthalemic ku yelɔ̈ɔ̈m 21:1–27:66
Jön ërɔt ku tuöl cï Bɛ̈nydït tuöl 28:1-20
Currently Selected:
Math ANYOOTH: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.