Math 5

Wëët ë Kuur Nɔm

(5:1–7:29)

1Na wën, acï kut ë kɔc tïŋ, ke lɔ nhial ë kuur dït nɔm, na wën acï nyuc piny, ke kɔckɛn ë piööcë ke ke bɔ̈ të nu yen thïn, 2go yethok tueer, wëët keek an:

Miɛtëpiɔ̈u Yic

(Luk 6:20-23)

3“Thieithieei ë kɔc kuanynyïïn në wëiken, ciɛɛŋ de paannhial ee këden.

4 # Yith 61:2. Thieithieei ë kɔc ë dhiau, abï ke luk piɔ̈ɔ̈th.

5 # Diɛt 37:11. Thieithieei ë kɔc ë röt tɔ kor, abïk piny lɔ̈ɔ̈k lak.

6 # Yith 55:1,2. Thieithieei ë kɔc ee cɔk nɔ̈k ku ye rou ke nɔ̈k në baŋ de piathëpiɔ̈u, abï ke tɔ kueth.

7Thieithieei ë kɔc ë piɔ̈ɔ̈th dap kok, abïk kokdepiɔ̈u yök.

8 # Diɛt 24:3,4. Thieithieei ë kɔc lɔ piɔ̈ɔ̈th wai, abïk Nhialic tïŋ.

9Thieithieei ë kɔc ë kɔc määt, abï ke tɔ ye wɛ̈ɛ̈t ke Nhialic.

10 # 1 Pet 3:14. Thieithieei ë kɔc ee yɔŋ në baŋ de piathëpiɔ̈u, ciɛɛŋ de paannhial ee këden.

11 # 1 Pet 4:14. Thieithieei ë week, të lɛ̈ɛ̈të kɔc week, ku të yɔŋë kɔc week, ku të ciëk kek wethook ë jam rac ëbɛ̈n, jam lueth, në baŋdï. 12#2 Lëk 36:16; Luɔi 7:52. Yak piɔ̈ɔ̈th miɛt abäk dɔl ë dɔl rac, ariöpdun adït paannhial, acïk tït aa yɔŋ yikya tït ɣɔn kɔn bɛ̈n ke we liu.

Amilɔ ku Ɣɛɛr

(Mak 9:50; Luk 14:34-35)

13 # Mak 9:50; Luk 14:34,35. Wek ee amilɔ de piny nɔm, ku të cï amilɔ guɔ liɛɛr ëthuaat, ke bï bɛ wac adï? Acïn piathdɛn be nu, ee kë ye cuat wei tei, ago dum ë kɔc cök.

14 # Jɔn 8:12; 9:5. Wek ee ɣɛɛrëpiny ë tiɔp nɔm. Pänydït cï yïk ë kuurdït nɔm acïï duëërë lëu në thiën. 15#Mak 4:21; Luk 8:16; 11:33. Ayï kɔc koth manyëalath, acïkï ë tuɛɛl ë aduŋdït thar, ayek tuɛɛl nhial ë këdäŋ nɔm, ago kɔc nu ɣööt aa riaau kedhie. 16#1 Pet 2:12. Yak ɣɛɛrdun tɔ riau aya ë kɔc nïïm, abïk luɔiduön piɛth aa tïŋ, agokï Wuöörduön nu paannhial aa lɛc nɔm.

Wëët në Biäk ë Löŋ

17“Duökï ë lueel ë wepiɔ̈ɔ̈th nɔn cän bɛ̈n bä löŋ bɛ̈n riɔ̈ɔ̈k ayï tït, acie luɔi bän keek bɛ̈n riɔ̈ɔ̈k, ee luɔi bän keek bɛ̈n tɔ ye yith en aa bä yɛn. 18#Luk 16:17. Wek yɔ̈ɔ̈k ë yic, Të ŋootë tënhial ayï piny ke ke kën guɔ nyai, ka cïn gut tök ku acïn të thiin cï ɣɔ̈ɔ̈t bï nyaai në löŋic, të ŋootë käŋ ke ke kënë thöl kedhie.#5:18: thök de käŋ kedhie; ku nɔn ee kööl bï wëëtde aa yic ëbɛ̈n. 19Yen ka, raan bï cöök tök dhɔ̈ŋic në cökkë yiic cök ke lööŋ, acakaa cöök thiinakäŋ tei, ku bï kɔc aa wɛ̈ɛ̈t ë yen, yen ëraanë yen abï aa raan koor arëët ë ciɛɛŋ de paannhialic, ku raan bï keek aa looi ku ye kɔc wɛ̈ɛ̈t ë ke, yen ëraanë yen abï tɔ dït ë ciɛɛŋ de paannhialic. 20Wek yɔ̈ɔ̈k an, “të kën wok kɔc wöör në piathëpiɔ̈u kɔc ë löŋ gɔ̈ɔ̈r kekë Parithai, ke we cïï bï lɔ ë ciɛɛŋ de paannhialic anandun.

Wëët në Biäk de Agɔ̈th

(Luk 12:57-59)

21 # Bɛ̈n 20:13; Nyöŋ 5:17. Wek jam piŋ jam cï lɛ̈k kɔc thɛɛr ɣɔn, an, Du raan däŋ näk abï thou, ku raan näk raan däŋ aduëër riɔ̈ɔ̈c në guiëër bï löŋde guiir. 22Ku wek yɔ̈ɔ̈k, an, “Raan ëbɛ̈n raan cï ɣɔ̈ric gɔ̈th#5:22: na cï gɔ̈th; aye këcïgɔ̈ɔ̈r däŋlueel an na göth ɣɔ̈ric. kekë mɛnhkënë, ka duëër riɔ̈ɔ̈c ë guiëër bï löŋde guiir, ku raan yöök mɛnhkënë, an, Yïn piɔl piɔ̈u, aduëër riɔ̈ɔ̈c ë jäny bï ë jɔ̈ɔ̈ny ë löŋ nɔm, ku raan lueel en, an, “Yïn ee dhɔ̈n, aduëër riɔ̈ɔ̈c ë giɛna de mac. 23Yen tëde ka, të bïï yïn kë bä gäm Nhialic në yïïŋ de läm nɔm, ago yïnɔm tak ëtɛ̈ɛ̈n, an, mɛnhkui adɛ wek jam, 24ke yï lɔ kë bä gäm Nhialic pɔ̈l ëtɛ̈ɛ̈n tëde yïïŋ de läm, ku jël kankï mät lueel wekë mɛnhkui, na ëlë, ke yï be bɛ̈n, ku gämë Nhialic këdu.

25“Dapkï mat wekë raan dɛ wek ater, të ŋuɔɔt wek ë we nu kueer ëtök, ke raan dɛ wek ater acïï yïn bï yiɛ̈n raan ee kɔc mac, ke yï cïï bï cuat aloocic. 26Yïn yɔ̈ɔ̈k ë yic an, yïn cïï bï bɛ̈n bei ëtɛ̈ɛ̈n anandu, të ŋoot yïn ë yï kën käŋ cool, acïn milim töŋ dɔ̈ŋ.

Wëët në Biäk de Köör ë Diäär

27 # Bɛ̈n 20:14; Nyöŋ 5:18. Acäk piŋ nɔn cï ë lɛ̈k kɔc thɛɛr ɣɔn, an, “Du lɔ wekë tiiŋ lei.” 28Ku wek yɔ̈ɔ̈k an, “Raan ëbɛ̈n raan lɔ tik woi, ago ye dɔ̈m ŋɔ̈ɔ̈ŋ, ka ye guɔ lɔ kekë yen ë yepiɔ̈u. 29#Math 18:9; Mak 9:47. Ku na nyin cuënydu, të tɔ yen yïn loi kërac, ke tukë bei, cuatë wei, apiɛth tëde yïn luɔi bï töŋ de ka ke yïnguöp riääk, ke guöpdu ëbɛ̈n ke cïï bï cuat ë giɛna yic. 30#Math 18:8; Mak 9:43. Ayï ciin cuënydu, të tɔ yen yïn loi kërac, ke tem, cuatë wei, apiɛth tëde yïn luɔi bï töŋ de ka ke yïnguöp riääk, ke guöpdu ëbɛ̈n ke cïï bï cuat ë giɛna yic.

Wëët në Biäk de Päl ë Diäär

31 # Nyöŋ 24:1-4; Math 19:7; Mak 10:4. Acï lueel ɣɔn aya an, “Raan pɔ̈k kekë tiiŋde, ke gɛm awerek de pɔ̈k”. 32#Math 19:9; Mak 10:11,12; Luk 16:18; 1 Kor 7:10,11. Ku wek yɔ̈ɔ̈k an, “Raan pɔ̈k kekë tiiŋde, ke tik kën röör kɔ̈ɔ̈r, ka cï tiiŋde tɔ lɔ kekë mony lei, ku raan bï tiiŋë bɛ thiaak, tiiŋ cïï monyde pɔ̈l, ka cï lɔ kekë tiiŋ lei.

Wëët ë Biäk de Gutguut

33 # Leb 19:12; Kuɛ̈n 30:2; Nyöŋ 23:21. Cöök däŋ, acäk piŋ nɔn cï ë lɛ̈k kɔc thɛɛr ɣɔn an, “Du ye kuëëŋ ë lueth, ye Bɛ̈nydït luöi kë cï yïn kɔn kuëëŋ ë yen.” 34#Jak 5:12; Yith 66:1; Math 23:22. Ku yɛn alɛ̈k week an, “Du ee kuëëŋ ee dap looi anandu, du ye kuëëŋ në paannhial, në baŋ yen thööny de Nhialic, 35#Yith 66:1; Diɛt 48:2. Ku du ë lueel ë piny aya, ee kë ye Nhialic ecök dhɔ̈ɔ̈r, ayï Jeruthalem, du ë lueel, ee pänydïït ë Melik dït. 36Ayï yïnɔm, du ee kuëëŋ ë yen, yïn cïï nhiëm tök duëër tɔ ɣer, ku cïï duëër tɔ col ayadäŋ. 37Yak jamdun tɔ ye “ɣɛɛ, ɣɛɛ, tei”, ku, “Ei, Ei,” jam wär ee jamë ee kërac yen ë bïï en.

Wëët në Biäk de Guur

38 # Bɛ̈n 21:24; Leb 24:20; Nyöŋ 19:21. Acäk piŋ nɔn cï e lueel an, ‘Nyin ee nɔm nyin, ku lëc ee nɔm lëc.’ 39Ku wek yɔ̈ɔ̈k an, ‘Duökï kërac ë ŋëny raan biäk gëm cuënydu, ke wɛ̈lë gëm däŋ aya.’ 40Ku na de raan de piɔ̈u luɔi gɛɛny en yïn ë löŋic, le lupɔduön thiinë nööm, ke jɔ yiɛ̈n alulutdu aya. 41Ku raan ë yïn dhiɛl tɔ lɔ ë kaam cït meel tök, ke yï lɔ wekë yen ë meel kaarou. 42Miɔc raan lip yïn, ku raan de piɔ̈u dhɛ̈n tëde yïn, ke yï du yïnɔm wel wei ë yen.

Nhiëër de Kɔc ke Ater

43“Acäk piŋ nɔn cï e lueel an, ‘Nhiaar raan rɛ̈ɛ̈r ke yïn, ku man raan dɛ wek ater.’ 44Ku yɛn alɛ̈k week an, “Yak kɔc dɛ wek ater nhiaar, yak lɔ̈ŋ në biäk de kɔc ë week yɔŋ, 45Yen abä wek aa wɛ̈ɛ̈t ke wuöörduön nu paannhial, yen aye akölde tɔ bɔ̈ bei ë kɔc nïïm kɔc rac ayï kɔc piɛth, ku ye deŋde tɔ tueny të nu kɔc piɛthpiɔ̈ɔ̈th ayï kɔc racpiɔ̈ɔ̈th. 46Ku të ya wek kɔc nhiaar kapäc kɔc nhiaar week, bï we riöp ŋö? Acakaa kɔc ë athölbö tɔ kut, cïkï ë looi cït man ee kënë aya? 47Ku të ya wek mïthëkɔckun thiëëc kapäc, de luɔi gök yak looi pei? Acakaa Juöör cïkï ë looi cït man ee kënë aya? 48#Leb 19:2; Nyöŋ 18:13. Yak aa kɔc cï piɔ̈ɔ̈th dikëdik, acït man ë wuöörduön nu paannhial, cï piɔ̈u dikëdik.

Currently Selected:

Math 5: dip-JPB

Highlight

Copy