Math 4

Thëm de Yecu

(Mak 1:12-13; Luk 4:1-13)

1 # Ɣeb 2:18; 4:15. Na wën, ke Yecu thel Wëidït leerë jɔ̈ɔ̈ric, le them ë jɔŋdït rac. 2Na wën, acï cäm rɛɛc ë cool yiic kathiërŋuan ku wɛ̈ɛ̈r yiic kathiërŋuan, ke jɔ cɔk nɔ̈k. 3Go jɔŋ ee kɔc them bɛ̈n, bï ku yöök, an, “Të ee yïn wën ë Nhialic, ke yï yöök kurkë bïk röt tɔ ye kuïïn cï pam.

4 # Nyöŋ 8:3. Go bɛ̈ɛ̈r an, “Acï gɔ̈ɔ̈r an, “Raan acïï bï pïïr në kuïn etök, abï pïïr në jam ëbɛ̈n jam bɔ̈ bei a Nhialic thok.”

5Na wën, ke leerë jɔŋdït rac pänydït ɣeric, ku tɛ̈ɛ̈u nhial ë Luaŋdït nɔm, 6#Diɛt 91:11,12. go yɔ̈ɔ̈k an, “Të ee yïn wën ë Nhialic, ke yï cuat rɔt piny, acï gɔ̈ɔ̈r an,

“Abï tuuckɛnnhial gam thön në këdu,

Agokï yï mɔ̈k nhial ë kecin,

Ke yï cïï yïcök bï yuöp ë kuur kɔ̈u.”

7 # Nyöŋ 6:16. Go Yecu yɔ̈ɔ̈k an, “Acï bɛ gɔ̈ɔ̈r an, ‘Du Bɛ̈nydït Nhialicdu them.”’

8Go jɔŋdït rac lɛɛr ë kuurdït nɔm, kuurdïït cï nɔm ɣet ya, ku nyuth ciɛɛŋ ke piny nɔm ëbɛ̈n kekë dhuëëŋden, 9go yɔ̈ɔ̈k an, “Kake kedhie abä ke gam yïn, të cï yïn rɔ cuat piny ku lam ɛn.”

10 # Nyöŋ 6:13. Go Yecu yɔ̈ɔ̈k an, “Nyai, Catan, acï gɔ̈ɔ̈r an, ‘Ye Bɛ̈nydït Nhialicdu lam, ku yen ee luööi etök.”’

11Go jɔŋdït rac pɔ̈l, ku jɔ tuucnhial bɛ̈n bïk bɛ̈n kony.

Yecu Agɔl luɔide në Galili

(Mak 1:14-15; Luk 4:14-15)

12 # Math 14:3; Mak 6:17; Luk 3:19,20. Na wën, aacï Yecu e piŋ nɔn cï Jɔn mac, ke jël le Galili, 13#Jɔn 2:12.go Nadhareth pɔ̈l, bï ku rëër ë Kapernaum, paan nu ë Baar ë Galili yɔu, anu aken ë Dhebulun kekë Naptali, 14Luɔi bï jam aa yic jam ɣɔn lueel tiët Yithaya an:

15 # Yith 9:1,2. “Pinyë Dhebulun kekë piny ë Naptali,

Të lɔ wɛ̈ɛ̈r de Jordan nɔm lɔŋtui,

Galili de Juöör,

Kɔc wään ë rëër tëcol

Acïk ɣɛɛr dïït ë piny tïŋ!

16Ku kɔc wään ë rëër paan ë thuɔɔu ku yek rëër ë atiëp de thuɔɔuwic,

ɣɛɛrëpiny acï tuöl tëde keek.”

17 # Math 3:2. Kek ë aköölkë kek aa ciɛkë Yecu guiëër ë wël, aaye lueel an, “Pɔ̈kkï wepiɔ̈ɔ̈th, ciɛɛŋ de paannhial ë guɔ thiɔ̈k.”

Yecu Acɔl Kɔc ee Rec Deep Kaŋuan

(Mak 1:16-20; Luk 5:1-11)

18Na wën, të ciɛthë Yecu ë Baar ë Galili yɔu, ke tïŋ kɔc kaarou, raan kekë mänhë, Thimon raan cɔl Petero kekë Andereya mänhë, ke ke deeny bɔi dït wïïr, luɔi ee kek kɔc ee dep. 19Go keek yɔ̈ɔ̈k an, “Bäkï ë yacök, ku we bä tɔ ye kɔc ë kɔc deep.” 20Gokï bɔɔiken pɔ̈l ënɔɔnthiinë, ku kuanykï cök,

21Na wën, acï jäl ëtɛ̈ɛ̈n le tueŋ, ke tïŋ kɔc kɔ̈k kaarou, raan kekë mänhë, Jakop wën ë Dhebedayo, arukkï bɔɔiken, go keek cɔɔl, 22gokï abël dap pɔ̈l ënɔnthiinë.

Yecu Aguiir Wëlpiɛth ku Awɛ̈ɛ̈t ku Atɔ kɔc Dem

(Luk 6:17-19)

23 # Math 9:35; Mak 1:39. Go Yecu piny ë Galili caath ëbɛ̈n, aye kɔc wɛ̈ɛ̈t ë ɣöötkɛn ë Nhialic yiic, ke ye ke guiëër wëlpiɛth ke ciɛɛŋ, ku tɔ juäi waar ë kɔc gup juäi ëbɛ̈n, ayï tëtök ëbɛ̈n tëtök nu ë kɔc gup. 24Ago rinke ɣet piny ë Thiriya ëbɛ̈n, gokï kɔc tök bɛ̈ɛ̈i të nu yen kedhie, kɔc cïï juäi dɔm, juäi kithic, ayï kɔc cï cuil gup në kë cath ke keek, ayï kɔc cïï jɔɔk rac dɔm, ayï kɔc cïï nok dɔm, ayï kɔc cï duany, go ke tɔ waar. 25Go kuany cök ë kut dïït ë kɔc bɔ̈ Galili, ku Dekapoli, ku Jeruthalem, ku Juda, ku Jordan nɔm lɔŋtui.

Currently Selected:

Math 4: dip-JPB

Highlight

Copy