Cäk 15

Män ë Nhialic ke Abram

1Ku ëtɛ̈ɛ̈n, Abram ë jam de Bɛ̈nydït bɛ̈n piŋ në nyuöthic ke lueel an, “Abram du riɔ̈c, yɛn ee köndu. Yïn bä gël në kërac, ku yïn bä cuööt apiɛth.”

2Go Abram puk nɔm an, “Ee këpiɛɛth cït ŋö bïn a cuööt Bɛ̈nydït Nhialic, ke ya cïn nɔm mïth? Ku Eliedher, raan de Damathko yen abï kakï lɔ̈ɔ̈k lak yetök.#15:2: Raandiën...Damathko; Ɣeberuu acïï ŋic. 3Yïn kën a gäm mïth, ee lïm tök në lïïmkï yiic yen abï kakï lɔ̈ɔ̈k lak.”

4Go Abram Bɛ̈nydït piŋ ke ŋoot ke jam ke yen, lueel an, “Eliedher lïmdu, acïï kaku bï lɔ̈ɔ̈k lak. Wën ë nɔmdu, yen abï kaku lɔ̈ɔ̈k lak.” 5#Rom 4:18; Ɣeb 11:12. Go Bɛ̈nydït lɛɛr biic, ku lëk en an, “Woi nhial, ku kuen kuɛl kedhie, na bä ke lëu ë kuɛ̈n. Luɔi bï mïthku juëc ka cït man ë kek.”

6 # Rom 4:3; Gal 3:6; Jak 2:23. Ago Abram gämdɛn gɛm en Bɛ̈nydït döt, go Bɛ̈nydït piɔ̈u miɛt kekë yen, në biäk de gämde, go tɔ ye piathëpiɔ̈u.

7Ago Bɛ̈nydït lɛ̈k Abram an, “Ee Yɛn aye Bɛ̈nydït ë jɔt yïn ë Ur, piny ë Babilon, bä yï bɛ̈n gäm ee pinyë bï ya këdu.”

8Go Abram lop an, “Ku bä ŋic adï, Bɛ̈nydït Nhialic, nɔn bï en aa këdï?”

9Go Bɛ̈nydït puk nɔm an, “Yiɛ̈në Yɛn dɔu, ku ŋuɛn bou, ku ŋuɛn amääl ke ke ye run diäk kedhie. Ku yiɛ̈nkï Yɛn guuk ku ajël ë guuk.” 10Go Abram dɔu yiɛ̈n Nhialic, ku yïn thök. Nɛ̈k ke ku pɛk keyiic, ku ee biäk tök tääu ë biäk däŋë kɔ̈u, ke ke kuɛɛr kɔ̈ɔ̈th. Ku akën guök pakiic. 11Cuɔɔr aaye rïïŋ nyuɔ̈c, go Abram ke aa tuur.

12 # Jop 4:13,14. Na wën, alɔ akɔ̈l piny, ke Abram ë ruɛ̈i nïïn. Ku bïï mɔ̈ɔ̈th dïït lɔcɔ̈t, go Abram riɔ̈ɔ̈c aläl. 13#Bɛ̈n 1:1-14; Luɔi 7:6. Go Bɛ̈nydït lɛ̈k Abram an, “Mïthku abïk rëër ke ke ye kamaan në piny lei. Ku abïk aa lïïm. Ku abï keek aa luööi arac në bot kaŋuan ë run. 14#Bɛ̈n 12:40,41; Luɔi 7:7. Ku jur bï ke lɔ lïïmë, abä luöi këtuc thok. Ku të le mïthku jäl në ee piny lɛɛnë, abïk jäl ke ke kueth arëët në kakɛn bïk jɔt. 15Ku yïn guöpdu, yïn bï thou ë läŋ ke runku ë ke rɔ̈ŋ. 16Ku abïk kenïïm dɔ̈k eenë, në rem ye rɛm ŋuan. Në luɔi cän kɔc ke Amor bï cuɔp wei, agut të bï kek awäny dïït rɔ̈ŋ ke këtuc thok kɔn looi.”

17Na wën, acï akɔ̈l lɔ piny, ku cï piny cuɔl, ke tööny tol, ku lɔ̈k ë many ë kuthyui ɣer ë pak ë ke go tïc ëthiäu, ku retkï rïŋiic. 18#Luɔi 7:5. Ago Bɛ̈nydït mät looi kekë Abram ee köölë, lueel ë Bɛ̈nydït an, “Pinyë acä gäm mïthku, gɔl në aken ë Rip agut cï wɛ̈ɛ̈r ë Yuparat. 19Piny de kɔc ke Ken, ku Kenidh, ku Kadmon, 20ku Ɣit, ku Peridh, ku Repayim, 21ku Amor, ku Kanaan, ku Girgac ku Jebuth.”

Currently Selected:

Cäk 15: dip-JPB

Highlight

Copy