Luɔi 1

1 # Luk 1:1-4. Yɛn ë jam wään gɔ̈ɔ̈r, Yïn Theopilo, jam de ka cï Yecu gɔl ë luɔi ku wëët, käŋ kedhie, 2aɣet kööl cï e jat nhial, të cï en tuuc cï lɔc kɔn yiɛ̈n thön në Wëidït ɣer: 3ɣɔn cï en käŋ thöl ë guöm, ke jɔ rɔt nyuöth keek ke pïïr. Në kajuëc bïk ŋic ëgɔk, aaye tuöl tëde keek ë nïn kathiërŋuan, ku jɔ ya cool ë luel jam ë ka ke ciɛɛŋ de Nhialic. 4#Luk 24:49. Na wën, aa cïk guëër,#1:4: na wën aa cïk guëër; nɔn ee të wën rëër en ke keek, nɔn ee tën wën ciëm en ke keek. ke ke yöök an, “Duökï jël ë Jeruthalem, tiɛtkï kë cïï wäär lueel an, bï gäm week, kë cäk piŋ tëde yɛn. 5#Math 3:11; Mak 1:8; Luk 3:16; Jɔn 1:33. Jɔn ee kɔc baptith ë pïïu në yic, ku week, we bï baptith ë Wëidït ɣer acïn nin juëc bï lɛɛr.”

Yecu Aleerë Nhial

6Na wën, aa cïk guëër, ke thiëckï an, “Bɛ̈nydït, bä Ciɛɛŋ bɛ pɔ̈k nɔm Yithriɛl ënɔɔnë?”

7Go keek yɔ̈ɔ̈k an, “Ŋïny bä wek akööl ŋic ayï run, akööl ku run cïï Nhialic tääu ë yecin etök, acie këdun. 8#Math 28:19; Mak 16:15; Luk 24:47,48. Ku we bï riɛl yök, të cï Wëidït ɣer bɛ̈n ë wegup, ku we bï aa cäätɔɔkï ë Jeruthalem, ku Juda ëbɛ̈n, ku Thamaria, ku aɣet të guutë piny thar.” 9#Mak 16:19; Luk 24:50,51. Na wën, aacï kakë lueel, ke jɔtë nhial ke woikï, go luät thiaan ë kenyïïn.

10Ku të ŋoot kek ë ke nɛɛk kenïïm nhial të wën jël en, gokï kɔc kaarou tïŋ akɛ̈ɛ̈ckï ë kelɔ̈m ke ke ceŋ lupɔɔ ɣer, 11ku luelkï ayadäŋ, an, “Wek röör ke Galili, eeŋö kääc wek ke we woi nhial? Yen Yecuyë, raan wën jɔtë nhial ë weyiic, abï enɔm bɛ dhuny acït nɔn cä wek e tïŋ alɔ paannhial.”

Raan lɔ ë Nyin de Judath yic

12Na wën, ke ke dhuny kenïïm Jeruthalem në kuur nɔm kuur cɔl Olip, kuur thiääk ke Jeruthalem, ee cäth de kööl ë Thabath tei. 13#Math 10:2-4; Mak 3:16-19; Luk 6:14-16. Na wën, aa cïk bɛ̈n ɣöt, ke ke lɔ ɣön nu nhial, ɣön rëërë Petero thïn, ku Jɔn, ku Jakop, ku Andereya, ku Pilip, ku Thoma, ku Bartholomayo, ku Mathayo, ku Jakop wën ë Alapayo, ku Thimon Dhelote, ku Judath wën ë Jakop. 14Kɔckë kedhie ayek cool ë lɔ̈ŋ ku pɛlkï në piɔ̈n tök, ke ke cïï bäp, në diäär ëtök, ayï Meri man Yecu, ku mïthëkɔcken ë Yecu.

15Ë aköölkë ke Petero jɔt rɔt ë kɔc yiic cil kɔcpiööcë (kuën ë rinken kedhie acït bɔt tök ku thiërrou), 16ku jɔ lueel an, “Wek mïthëkɔckuɔ, këcïgɔ̈ɔ̈r acï dhil aa yic, kë cïï Wëidït ɣer luel ë Debid thok ɣɔn thɛɛr në këde Judath, raan ë wat kɔc wään dɔm Yecu. 17Ku acï rɔt tɔ kuen ke wook ëtök, ku acï biäkde yök ë luɔiyë yic.”

18 # Math 27:3-8. (Ku raanë ë dom ɣɔɔc në ariöp de kërɛɛcde, na wën, ke wiëëk, go yäc rɛɛt ë ciɛɛlic, abï cïïn wët bei kedhie. 19Go kënë ŋic ë kɔc rɛ̈ɛ̈r ë Jeruthalem kedhie, en a cɔlë domë Akeldama në thoŋden, yen aye “Dom de Riɛm.”)

20 # Diɛt 69:25; Diɛt 109:8. “Luɔi cï e gɔ̈ɔ̈r në awerek de Diɛtic an,

‘Tɔ paande e jɔ̈ɔ̈ric,

Ku du tɔ de raan bï ɣap thïn.’

Ku an,

‘Luɔidɛn e yen kɔc tiit tɔ nööm raan däŋ.’

21-22 # Math 3:16; Mak 1:9; Luk 3:21; Mak 16:19; Luk 24:51. Ku ënɔɔnë, në röörkë yiic röör ë cool ë mät ë wook ë caŋɣɔn ciɛthë Bɛ̈nydït Yecu ë woyiic, ee cool ë bɛ̈n ku lek biic, gɔl ë baptinh#1:21-22: Jɔn aa piööc në baptith; nɔn cï Jɔn en baptith. ë Jɔn ɣet ë kööl manë guöp, kööl cï e jat nhial ë woyiic, në röörkë yiic abï raan tök dhil aa cäätɔ kekë wook ëtök në jön cï en rɔt jɔt.”

23Agokï kɔc kaarou tääu ë kɔc nïïm, Jothep cɔl Barthaba, ku ye cɔɔl Juthutho aya, ku Mathiath. 24Agokï lɔ̈ŋ an, “Yïn Bɛ̈nydït, yïn ŋic piɔ̈n ë kɔc kedhie, nyuöthë wook raan cï lɔc ë kɔckë kaarou yiic, 25raan bï biäk de luɔiyë lɔ̈ɔ̈k nööm, ku bï aa tuc ë nyin ë Judathic, raan cï bɛ̈n bei në wäc cï en käŋ wööc, ago lɔ tëde guöp.” 26Na wën, ke ke deeny gɛk në këden kaarou, go gɛk lööny ë Mathiath nɔm, ago mɛt ë tuuc yiic tuuc kathiëër ku tök.

Currently Selected:

Luɔi 1: dip-JPB

Highlight

Copy