Soisgeul Lucais 9
9
LAOIDH 39
Lùc. 9.18,19
1Cluinnibh sgeul ait; Tha Ìos' air teachd
ri 'n robh o shean ar dùil!
Lìonar gach cridh le gàirdeachas,
seinnear gu bràth a chliù.
2Tha 'n Spiorad dhòirteadh air gu pailt,
ri fhaicinn anns gach nì:
Tha gliocas, cumhachd, eud, is gràdh,
deàlrach na uile ghnìomh.
3Le theachd, làn shaorar bràighde truagh
bh' aig Sàtan fo chruaidh‑ghlais;
Oir sgaoilidh e gach cuibhreach theann,
is sgealbaidh dorsan prais.
4Le theachd, neul cionta thèid air chùl,
's thig fradharc iùil don dall;
Claisneachd don bhodhar, 's cainnt don bhalbh,
's don bhacach lùth nam ball.
5Le theachd, gheibh bochd is uireas'ach
làn dìol de shaidhbhreas gràis;
An cridhe briste ceanglar suas,
an t‑anam truagh bidh slàn.
6Thàinig latha‑saoraidh ait o 'r Dia,
's mathar ar fiacha dhuinn:
Oir choilean Dia a ghealladh mòr,
is bidh e 'n còmhnaidh leinn.
7Hosana ait do Rìgh na sith!
o seo a‑mach gu bràth;
Co‑fhreagradh nèamh, is muir, is tìr,
le co‑sheirm shìorraidh dha.
Currently Selected:
Soisgeul Lucais 9: LSN1987
Highlight
Share
Copy
Want to have your highlights saved across all your devices? Sign up or sign in
© Comann Bhìoball na h‑Alba 1987, 2017
© Scottish Bible Society 1987, 2017
