Hageo 1
1
Wi'ix kyojëtyën ja tsajptëjk
1Ma ja Darío mëmäjtsk jëmëjt yajkutukyën, ma tyu'uk anyën ja mëtëtujk po'opë. Ojts yë Wintsën mëët yë Hageo käjpxynyajxpë tmëkäjpxy yë Judá yajkutujkpë, mëti'ipë xyëëwajtypyën Zorobabel, Salatiel yë myaank ets Josué mëti'ipë nyikopk'ajtypyën yë teetytyëjk, yë Josadac yë myaank. 2-3E jëtu'un ojts yë Wintsën y'ënä'äny, mëti'ipë maaytyääyëpën winë ets t'ënëmaay yë käjpxynyajxpë: tääpë ja'ayëty jëtu'un y'ëna'antë ko ka'ap tnapaatynyëm ja xëëw jëmëjt ets yaj'akojëty yë ntsajptëjkës. 4¿E miitsëty wi'ix m'ëna'antë, tëë jëtää tpaaty ja nyixëëw ma ja mjëën mtëjk oy xykyojëty ets jotkujk m'itëty oyës ja ntëjk taj xity yajpaatyë? 5Ëjts Wintsën, mëti'ipë maaytyääyëpën winë, jëtu'unës n'ëna'any: ko yajxon xymyëmay xymyëtajtëty wi'ix mmaytyën mtajtën. 6Miitsëty may mni'iptë ets wäänë mpëjktä'äky xyajpëtë'ëktë; mjakaaytyëp ets ka'ap mku'uxëtë; mjänëë'uktëp ets ka'ap mtëëtsë myontë; mjanämyu'uxëtëp ets je'eyëm mtëpooktë; mëti'ipë mëtuunpën ka'ap ja myëju'uny tyajnipety. 7Ëjts Wintsën, mëti'ipë maaytyääyëpën winë, jëtu'unës n'ëna'any ko yajxon xymyëmay xymyëtajtëty wi'ix mtuntën mkajpxtë. 8Nëjkx jam tunkëjxm kopkkëjxm yajtsoontë yë kepy etsës yë njëën ntëjk xykyojtëty. Ënätës jotkujk näjyawëtëty etsës yë nmëj'ajt n'oyajtën nyaj'ixëtëty. 9Miitsëty may winë xytsyoktë ets wäänë xypyaatë; mëti'ipë jap mtëkoty mjapëjkë'ktëpën, tu'kxejyës je'eyë nyajkëjxta'ay. ¿Wi'ix jëtää ko jyëtu'unëty? Jä'äkyëjxm koos yë njëën ntëjk axit ako'owë yajpaaty, e miitsëty yi'iyë mëmaay mëët'ajtëp wi'ix mjëën mtëjk xyaj'utstëtyën. Ëjts Wintsën, ëjts ënaanp. 10Paaty ka'ap yë nëë tuu y'ëkka'anë ma miitsëtyën ets ka'ap tii y'ëk'ijt y'ëkwintëëwnë ma tii xyjyaniyu'ujëtën. 11Ëjts të nyajminy yë anpë ma cam tu'ujën ets ma tun kopkën; ma tsajpmokën, tsatym kyamën, olivë kamën, ma pëjktä'äkyën, ma ja'ayëtyën ets ma nitëkokyë jëyujkën wi'ix kawi'ixëtypë ets ma tu'kë'ëyë tyuunk y'ëyo'onëtyën. 12Yë Zorobabel, yë Josué ets nitëkokyë ja'ayëty mëti'ipë ojts tmëtowtën wi'ix ja Wintsën y'ënä'änyën mëti'ipë ja Hageo käjpxynyajxpë nyimëtyäkpyën, ojts tsyë'ëkëtë. 13Ënät ja Hageo, yë Wintsën yë kyäjpxynyajxpë, ojts y'ënë'ëmxëtë mëët yë Tios xyëëwkyëjxm: Jëtu'un yë Wintsën y'ënä'äny: Ëjts Wintsën, jëtu'unës yam nnikäjpxy ko yajpatpës mëët miitsëty. 14-15Jëtu'un'äämpy ojts yë Wintsën tyajjotmëktä'äky yë Zorobabel jatëkok, mëti'ipë jam Judá yajkutujkpën, tääts ja Josué, mëti'ipë nyikopk'ajtypyën ja teetytyëjkëty ets nitëkokyë ja ja'ayëty; e ma y'i'px majktaxk anyën ja mëtëtujk po'opë ma mëmäjtsk jëmëjt yajkutukyën ja Darío, jää ojts tkojtso'onta'aktë ja Wintsën ja jyëën tyëjk, mëti'ipë Tios'ajtpën mëti'ipë maaytyääyëpën winë.
Currently Selected:
Hageo 1: QUETZMIXE
Highlight
Share
Copy
Want to have your highlights saved across all your devices? Sign up or sign in
Biblia en Mixe de Quetzaltepec, Oaxaca, México © Sociedad Bíblica de México, A.C., 2013. Active Translation in Process
