Marcos 16

Tsa' cha' ch'ojyi Jesús

(Mt 28.1-10; Lc 24.1-12; Jn 20.1-10)

1Che' bʌ tsa' ñumi jiñi q'uiñ che' mi' c'ajob i yoj, María ch'oyol bʌ ti Magdala, yic'ot Salomé, yic'ot María i ña' Jacobo, tsi' mʌñʌyob xojocña bʌ ts'ac cha'añ mi' majlel i boñob i bʌc'tal Jesús.#16.1 Che' ti ic'ajel ti Sábado, jiñi x'ixicob (Mc 15.40) tsi' mʌñʌyob xojocña bʌ ts'ac cha'añ mi majlelob ya' ti mucoñibʌl che' ti wen sʌc'ajel che' ti yijc'ʌlal cha'añ mi' ts'ʌctesañob che' bajche' yom mi' mujquel xchʌmel (v. 2). 2Wen se'b to ti jiñi ñaxan bʌ q'uiñ ti semana#16.2 Ñaxan bʌ q'uiñ ti semana: Q'uele v. 9 (Jn 20.19; Hch 20.7). tsa' majliyob ti' yotlel ch'ujlelʌl che' pasemix q'uiñ. 3Tsi' pejcayob i bʌ:

—¿Majqui mi caj i selc'ubeñonla loq'uel xajlel am bʌ ti ti' i yotlel ch'ujlelʌl?

4Che' bʌ tsi' q'ueleyob i ti' mucoñibʌl tsi' tajayob selc'ubilix loq'uel jiñi xajlel, anquese wen colem. 5Che' bʌ tsa' ochiyob ti' yotlel ch'ujlelʌl, tsi' q'ueleyob ch'itoñ wiñic buchul ti' ñoj, lʌpʌl i cha'añ tam bʌ i pislel wen sʌsʌc bʌ. Tsa' bʌc'ñayob. 6Jiñi wiñic tsi' su'beyob:

—Mach la' cha'len bʌq'uen. Woli la' sajcan Jesús ch'oyol bʌ ti Nazaret jiñi tsa' bʌ ch'ijle ti cruz. Tsa'ix ch'ojyi. Mach wʌ'ix añ. Q'uelela i yajñib ba' tsi' ñolchocoyob. 7Cucula, su'benla xcʌnt'añob i cha'añ yic'ot Pedro, woli' majlel Jesús i pijtañetla ti Galilea. Ya'i mi caj la' q'uel che' bajche' tsi' su'beyetla,#Mt 26.32; Mc 14.28; Jn 21.1-22 che'en.

8Jiñi x'ixicob tsa' loq'uiyob majlel ti ajñel ba'añ i yotlel ch'ujlelʌl come tsiltsilñayob ti bʌq'uen. Ma'añic chuqui tsi' su'beyob yaño' bʌ come woliyob ti bʌq'uen.

Jesús tsa' tsictiyi ti wut María ch'oyol bʌ ti Magdala

(Jn 20.11-18)

9Che' bʌ tsa' ch'ojyi Jesús ti sʌc'ajel ti ñaxan bʌ q'uiñ ti semana,#Hch 1.1-11; 1 Cor 15.5-7; Mc 15.40; Lc 8.2 tsa' ñaxan tsictiyi ti' wut María ch'oyol bʌ ti Magdala. Jiñʌch tsa' bʌ chocbenti loq'uel wuctiquil xi'ba ti' pusic'al ti' p'ʌtʌlel Jesús. 10Jiñi María tsa' majli i su'ben jiñi xcʌnt'añob tsa' bʌ i cha'leyob xʌmbal yic'ot Jesús. Woliyob ti uq'uel, ch'ijiyemob i pusic'al. 11Che' bʌ tsi' yu'biyob cha' cuxulix Jesús yic'ot cha'añ jiñi x'ixic tsa'ix i q'uele, ma'añic tsi' ñopbeyob i t'añ.#Mt 28.17; Lc 24.11

Jesús tsa' tsictiyi ti wut cha'tiquil xcʌnt'añob

(Lc 24.13-35)

12Ti wi'il tsa' tsictiyi Jesús ti' wut cha'tiquil woli bʌ i cha'leñob xʌmbal majlel ti bij. Mach che'ic tsi' pʌsʌ i bʌ bajche' ti ñaxan. 13Jiñi cha'tiquil tsa' majli i su'beñob yaño' bʌ wiñicob, pero ma'añic tsi' ñopbeyob i t'añ ja'el.

Jesús tsi' su'beyob majlel ti subt'añ xcʌnt'añob

(Mt 28.16-20; Lc 24.36-49; Jn 20.19-23; Hch 1.6-8)

14Ti yujtibal tsa' tsictiyi Jesús ti' wut jiñi junlujuntiquil che' buchulob ti' t'ejl mesa. Jesús tsi' yʌ'leyob cha'añ i tsʌtslelob i pusic'al cha'añ ma'añic tsi' ñopoyob. Come ma'añic tsi' ñopbeyob i t'añ jiñi tsa' bʌ i q'ueleyob Jesús che' bʌ tejchemix ch'ojyel. 15Jesús tsi' su'beyob:

—Cucula ti pejtelel pañimil. Su'benla jiñi wen t'añ pejtelel wiñicob x'ixicob.#Mt 28.19; Hch 1.8 16Jiñi mu' bʌ i ñop mu' bʌ i ch'ʌm ja' mi caj i coltʌntel. Jiñi mach bʌ añic mi' ñop mi caj i yʌjq'uel ti tojmulil.#Jn 3.18; Hch 2.38; 16.31-33 17Mi' caj i tsictiyel ti' tojlel jiñi mu' bʌ i ñopob: Come tij c'aba' mi caj i chocob loq'uel xi'bajob, mi' cajelob ti tsiji' bʌ t'añ tac. #Hch 2.4; 10.46; 19.6; 1 Cor 12.10,28; 14.1-6 18Mi caj i chucob lucum, mi añ chuqui tac mi' japob am bʌ i venenojlel, ma'añic mi caj i yu'biñob wocol, mi caj i yʌc'ob i c'ʌb ti xc'am-ʌjelob, mi caj i lajmelob.#Lc 10.19; Hch 28.3-5; Mc 6.13; Hch 3.1-10; 5.12-16; 9.33-34; Stg 5.14-15

Jesús tsa' pʌjyi letsel ti panchan

(Lc 24.50-53; Hch 1.9-11)

19Lac Yum Jesús che' bʌ tsa' ujti i su'beñob jiñi t'añ, tsa' pʌjyi letsel ti panchan. Tsa' buchle ti' ñoj Dios.#Sal 110; Mt 22.44; 26.64; Hch 2.33-34; Ef 1.20; Heb 1.3; 10.12; 12.2 20Jiñi junlujuntiquil tsa' majliyob. Tsi' cha'leyob subt'añ ti pejtelel lum. Lac Yum tsi' tem cha'le e'tel yic'otob. Tsi' pʌsʌ i yejtal tac i p'ʌtʌlel ti' tojlelob che' bʌ tsi' cha'leyob subt'añ. [Amén].#16.20 Ti yan tac bʌ Biblia ma'añic mi lac taj ili t'añ: Amén.

Currently Selected:

Marcos 16: NTCH

Highlight

Copy