Luke 3
3
Zion, ndego ibøkha iz etoam ezoqam, ezoqa Mbumbukiam-qa Manqat ge꞉zømesimat
(Met 3:1-12; Mak 1:1-8; Zion 1:19-28)
1Ta viav-te ndøgo, Siza Taibilies viav 15 Lom kawa ezoqam kandambaqape gegoam, neka Pontius Pailøt, Zudia plovins-te, Lom gaman ezoqam vø̄goam, neka Elod Gelili plovins vømbō-kewagam, neka tege eveqase Filip, Itulia neka Tlakonitis manqei vømbō-kewagam, neka ndego Lisanias, Ebilin manqei vømbō-kewagam, 2neka Anas neka Kayafas Mbumbukiam-gi iziz ezoqa kandakanda vø̄goam, yaq Zion-te, ndego Zekalaya-ge yo, Mbumbukiam-qá manqat ndøfakhán. Ta khøuwa-te ndøgo, Zion leg-av manqei-té gegoám. 3#Kel 13:24Yaq ndego até gendego, Zoden kea avønin-te, manqei-manqei ate qægoam sège-okhoám, ezoqa vø̄e-zømesimam, av nqægo, “É-mozoqambúz, neka ibøkha iz vø̄-upøgim. Yaq Mbumbukiam zoqa manqa-zapazapa, ndø̀mbøe-navøém.”
4 #
Isa 40:3-5
Matev āv tønefakhán, av Mbumbukiam-ge manqa vevezam ezoqam Aezaya, mbuk-te ge꞉peawam. Ndego āv gene-peawám nqǽgo,
“Leg-av manqei-te ndøgo, ezoqam-qa manqa wag ndǿ-akhayam.
Āv qane-akhayám nqǽgo,
‘Evezøza-qa nakhoa é-mozoto-khakheinømém.
Nakhoa ndaføyamba-qape zombøé-viæém, ndego te꞉geav.
5Manqei tømbuvap ate ndægo, manqei nøme bètø-awáp,
neka manqei popotap ate ndægo, bèmøkuiáp.
Nakhoa ndøkhafigeapet, bèndaføyá, neka nakhoa ndø-asøtavet bēgevøem.
6Yaq ezoqa ewaqape, Mbumbukiam-qa khandi etoam matev ndǿqeivím.’ ”
7 #
Met 12:34; 23:33 Ezoqa kopoáv, ibøkha iz ndape-qa ginduzav, Zion-te. Geté ti-te ndigu, khokho sa ginduzav, ndego āv gezømbe-manqatám nqǽgo, “Zo waza soqøsoqa. Ge zô, ndozo-matavap? Zo é-ndozó-khokhoz, Mbumbukiam-qa qaqa tøfakhan?”
8 #
Zion 8:33, 39 Matev eqeieqei vø̀khæ-matønømém. Yaq mokho tøfakhan ndøgo, tǿ-unimanqatín ndǿgo, zo unimanqatin zoqambúz, Mbumbukiam-te. Neka zøkeza mokho-mba ndømanqàte᷄, av nqægo, ni Mbumbukiam gēngiænoāk, zapa ndø̄go, ni Eibleem-gī zī. No nqazǿ-manqate: Mbumbukiam kopømbaqapé, nginik nandi manqat mba zǿ-eín. Yaq segé-Eibleem-gí-zi-íz.
9 #
Met 7:19
Ila khakheinøváp. Tae ndǿbóu. Zapa-té qanømú-løvuvøemét. Gekha tāe ndøgo, nanga eqeieqei vi꞉mav ndøgo, gébouím, gøinam-te vǿnqagimēm.
10Yaq ezoqa ewaqape, manqat gimboyogem, āv gimbøe-bevøpém nqǽgo, “Av tægoat ndægo, yaq ni gekha nígonēm?”
11Yaq Zion gezø-qavøiu, “Gekha ezoqām ndego, ndabua menas tømbogoat, nøme tèabembo-etoám ndego, ndabua mbain ndego. Neka gekha ezoqām ndego, lou tømbogoat, yà bembo-etoám ndego, lou mbain ndego.”
12 #
Luk 7:29
Até teks moni upøgim ezoqám-a, ibøkha iz ndape-qa vøndōzav. Yaq Zion gimbo-bevøpem, “Nøméndim ezoqam. Gebâ ni? Gekhā nígonēm?”
13Yaq gezø-qavøiu, “Zo ezoqam-te, teks moni ndozo-upøgim, zo nøme khokho ndø-upø̀gi᷄m. Sà tø-upøgím ndigu, av gaman iziz ge꞉ve.”
14Até nakhag ezoqám-a, Zion gimbo-bevøpem, “Gebâ ni? Gekhā nígonēm?”
Yaq gezø-qavøiu, “Ezoqa moni etoam-qa yaq-te ndøtøpøtø̀za᷄t. Neka meakha manqat ndømanqàte᷄, ezoqam-qa yaq-te, ti-te moni upøgim nonqo. Ság, moni ndigu, gaman-te ndozo-upøgim.”
15Ezoqa ewaqape, khandi etoam ezoqam-qa mo꞉kewagám. Yaq ndigu Zion-qa matev giqeivim, gò꞉bevøpém, “Éisa. Ngenek Mesayá agegó, ndego ezoqam, Mbumbukiam tendo-khofotav, ni tekhandi꞉n.”
16 #
Kel 13:25
Geté Zion gèzø-ovøyám, gezø-ein, “No Mesayá mbá. No zo ibøkha iz, ibøkhá qazømbe-etoumít. Geté ndego, noqa zita-te ngegeav, ndego no ùnime꞉-løvumbám. No ezoqa khàpe nøte-khapelavøqase-én. Até nqanek sasai khapelavøqasé-a, no teqa tamak khofoe-te tæmbotøke, no kopømba mbaín. Ndego zo ibøkha iz, Nqova Mbomambaqapé neka gøina wageáp gezømbé-etoumát. 17Ndego andé wit nanga evem ezoqam me mé꞉geáv. Wit evem nonqo ndǿ-ndapaváv. Yaq wit nanga ndǿ-evém, neka louzi nonqo ndigu, lou nqeitam nonqo khoev-té genǿ-nqeisám. Geté tag ndøgo, gøinam-té genǿløvutám. Ta gøinam ndøgo, miavmiav ndøwageáp. Khouvøemáv.”
18Zion ezoqa guguna manqat vinivinimbá gezø-manqatam, kopoáv, neka Mbumbukiam-qa Manqat Mbomambaqape vø̄e-zømesimam.
19 #
Met 14:3-4; Mak 6:17-18 Elod-qa yaq-te, ndego kawa ezoqam, Zion āv gene-eín nqǽgo, “Ngenek manqa-zapa ndøgó, namba qawan-gu zas, Elodias, sa geviwam, vø̄-okɨ neka matev soqøsoqa nøme kopoav vø̄matanam.” 20Yaq vaev-te, Elod matev soqa nøme mba mo꞉matanám, ndøgo Zion ndimbula-te ge-utav.
Yesu ibøkha iz gendap
(Met 3:13-17; Mak 1:9-11)
21Zion ezoqa ewaqape ibøkha iz gezø-etoumat, yaq até Yesú-a, ibøkha iz vø̄ndap. Yaq Yesu ate av-té ge꞉guligulimat, yan tø̀ne-mboqoé. 22#Zion 1:32Yaq Nqova Mbomambaqape ndovís, te-te vō꞉qom. Bugug andé kuvøkuvuám. Yaq yan-te ndo꞉go, manqa wag ndofakhán. Āv qande-eín nqǽgo, “Qo nogé Yó. No poev kandambá qo-te. No nø̀taqambo-khafuát.”
Yesu-gi atanakha-zapazapa-za
(Met 1:1-17)
23 #
Luk 4:22; Zion 6:42 Yesu Mbumbukiam-qa sasai ge꞉ngaz, ndego viav ande āv 30́ ndægó. Ezoqa āv gini-matavupám nqǽgo: Ndego Zosef-gē yō.
Zosef, ndego Eli-gé yó.#3:23 Glik manqat-te, nqanek manqat uni bavokho-ín mbá, Eli-qa yaq-te. Zøtezat ezoqa nøme, āv gini-mataváp nqǽgo: Eli ndego, Meli-gé evé, ambá av nqǣgo, Zosef-gē evē.
24Eli, ndego Matat-gé yó.
Matat, ndego Livai-gé yo.
Livai, ndego Melki-gé yó.
Melki, ndego Zenai-gé yó.
Zenai, ndego Zosef-gé yó.
25Zosef, ndego Matataias-gé yó.
Matataias, ndego Amos-gé yó.
Amos, ndego Naum-gé yó.
Naum, ndego Esli-gé yó.
Esli, ndego Nagai-gé yó.
26Nagai, ndego Mat-gé yó.
Mat, ndego Matataias-gé yó.
Matataias, ndego Semein-gé yó.
Semein, ndego Zosek-gé yó.
Zosek, ndego Zoda-gé yó.
27Zoda, ndego Zoanan-gé yó.
Zoanan, ndego Lesa-gé yó.
Lesa, ndego Zelubabel-gé yó.
Zelubabel, ndego Sealtiel-gé yó.
Sealtiel, ndego Neli-gé yó.
28Neli, ndego Melki-gé yó.
Melki, ndego Adi-gé yó.
Adi, ndego Kosam-gé yó.
Kosam, ndego Elmadam-gé yó.
Elmadam, ndego E-gé yó.
29E, ndego Zosua-gé yó.
Zosua, ndego Elieza-gé yó.
Elieza, ndego Zolim-gé yó.
Zolim, ndego Matat-gé yó.
Matat, ndego Livai-gé yó.
30Livai, ndego Simeon-gé yó.
Simeon, ndego Zuda-gé yó.
Zuda, ndego Zosef-gé yó.
Zosef, ndego Zonam-gé yó.
Zonam, ndego Eliakim-gé yó.
31Eliakim, ndego Melea-gé yó.
Melea, ndego Mena-gé yó.
Mena, ndego Matata-gé yó.
Matata, ndego Neitan-gé yó.
Neitan, ndego Deivid-gé yó.
32 #
Rut 4:17-22
Deivid, ndego Zesi-gé yó.
Zesi, ndego Obed-gé yó.
Obed, ndego Boaz-gé yó.
Boaz, ndego Salmon-gé yó.
Salmon, ndego Nason-gé yó.
33Nason, ndego Aminadab-gé yó.
Aminadab, ndego Admin-gé yó.
Admin, ndego Ani-gé yó.
Ani, ndego Ezlon-gé yó.
Ezlon, ndego Pelez-gé yó.
Pelez, ndego Zuda-gé yó.
34Zuda, ndego Zekop-gé yó.
Zekop, ndego Aezek-gé yó.
Aezek, ndego Eibleem-gé yó.
Eibleem, ndego Tela-gé yó.
Tela, ndego Nao-gé yó.
35Nao, ndego Selug-gé yó.
Selug, ndego Leu-gé yó.
Leu, ndego Peleg-gé yó.
Peleg, ndego Eba-gé yó.
Eba, ndego Sela-gé yó.
36 #
Gen 11:10-26
Sela, ndego Kenan-gé yó.
Kenan, ndego Afaksad-gé yo.
Afaksad, ndego Sem-gé yó.
Sem, ndego Noa-gé yó.
Noa, ndego Lamek-gé yó.
37Lamek, ndego Metusela-gé yó.
Metusela, ndego Inok-gé yó.
Inok, ndego Zaled-gé yó.
Zaled, ndego Malalel-gé yó.
Malalel, ndego Kenan-gé yó.
38 #
Gen 4:25-26
Kenan, ndego Enos-gé yó.
Enos, ndego Set-gé yó.
Set, ndego Adam-gé yó.
Neka Adam, ndego Mbumbukiam ndøkhakheinøvém.
Currently Selected:
Luke 3: KVG
Highlight
Share
Copy
Want to have your highlights saved across all your devices? Sign up or sign in
©2018, Wycliffe Bible Translators, Inc. All rights reserved.
