sēkarāya 14
14
1mātika, o kisikām kā tipēyihcikēt pāpayiyiw, ispi ki maniwatātikowin kē mātinamātohk mēkwāc ita kā ayāyan. 2cikēmā ni ka māwasakonāwak kahkiyaw ē nanātokoskānēsicik ayisiyiniwak cērosalamihk kita notinahkik; ēkosi otēnaw kita otinikātēw, mina wāskāhikana kita mosaskonikātēwa, mina iskwēwak kita kotakiāwak; mina āpitaw otēnaw kita sipwētaāwak awakātikowinihk, ēkosi ē iskonihcik ayisiyiniwak namawiya kita mēhciāwak ēkota otēnāhk ohci. 3ēkwa kā tipēyihcikēt kē pimi sipwētēt, mina kita notinēw anihi nanātokoskān ayisiyiniwa, tāpiskoc ē notinikēt ē notinitowikisikāk.
4ēkosi kita nipawiw ēwakwānima kisikāki ālips wacihk, tipiskoc cērosalamihk kā ayāk wāpanotāhk itēhkē. ēkosi ālips waci kita tāskipayiw tāwāyihk wāpanotāhk isi mina nēkāpēanotāhk isi, kita mistahi wāyatināw māka; āpitaw māka anima waci kiwētinotāhk kita ispayiw, ēkosi āpitaw sāwanotāhk isi. 5ēkosi ki ka ati itāmonāwāw ē wāyatināki ni wacima; cikēmā ē wāyatināki anihi waciya ēsil isko kita ayāwa; ēhē, ki ka tapasināwāw, tāpiskoc kā ki isi tapasitāyēk mēkwāc kā ayāt asāya cota kihci okimāw; ēkosi kā tipēyihcikēt ni kisēmanitom kita pē itohtēw, mina kahkiyaw kā kanātisicik ē pē wicēskik. 6kita ayikin māka ēwakwānima kisikāki, namawiya kita pakaski wāsēyāw mina namawiya kita wanitipiskāw; 7māka kita pēyakwan kisikāw kā kiskēyitahk kā tipēyihcikēt; namawiya kisikāw mina namawiya tipiskāw; māka kita ayikin ati otākosiki kita wāsēyāw. 8#isikiēl 47:1; cān 7:38; kiskēyihtākohkēwin 22:1kita ihkin māka ēwakwānima kisikāki, pimātisiwini nipiya kita wayawiciwanwa cērosalamihk ohci; āpitaw kita ispayiwa kiwētinotāhk kihcikamihk isi, mina āpitaw nēkāpēanotāhk kihcikamihk isi; ē nipihk mina ē pipohk kita isi ayāw.
9ēko kā tipēyihcikēt kita kihci okimākatam misiwē aski; ēwakwānima kisikāki kita pēyako kā tipēyihcikēt mina kita pēyakwaniyiw o wiyowin. 10misiwē aski kita maskotēwan, kipa ohci riman isko sāwanotāhk cērosalamihk; ēkosi kita ohpinikātēw mina kita ayāw ot ihtāwinihk, pēnciman o kihciiskwātēmihk ohci piyis ita nistam kihciiskwātēm kā ayāk, isko kēyāhk kihciiskwātēm, mina anima hēnanēl ot asawapiwikamikohk ohci isko kihci okimāw o somināpowi mākoikana. 11#kiskēyihtākohkēwin 22:3ayisiyiniwak māka ēkota kita ayāwak, mina namawiya nāspici nisiwanātisiwin kita ihtakwan; māka cērosalam kita apiscikātēw ēkā ē astāsipakahk.
12ēwakwēyiw māka oma āyimāspinēwin kā tipēyihcikēt kē ohci nisiwanācihāt kahkiyaw nānatohk ayisiyiniwa kā ki notinamiyit cērosalam; o wiyāsiwāw kita mēhcipayiyiw ē mēkwā nipawicik, mina oskisikowāwa kita nisiwanātaniyia o wihpikanakāpiwiniwāhk, mina kita mēstatatiniyiw otēyaniwāw otoniwāhk. 13kita ayikin māka ēwakwānima kisikāki, mistahi wawānēyitamowin kita miyikwak kā tipēyihcikēyit; ēkosi kita wayotitinamātowak ocihciwāwa, mina kita wawēpiniskētotātowak. 14cota mina kita notinikēw cērosalamihk; ēkosi o wēyotisiwiniwāw kahkiyaw nanātokoskān ayisiyiniwak wāsakām kita māwasakonikātēw ēkota, osāwisoniyāw, mina wāpiskisoniyāw, mina kikiskācikan misakamik. 15ēkosi mina kē isi ayāyik o kotakitāwin mistatim, mina sosowimistatim, mina piskwāwikan, mina sosowastim, mina kahkiyaw pisiskiwak kē ayācik ēkota kapēsiwinihk, tāpiskoc oma kotakitāwin.
16 #
lipitikas 23:39-43
kita ayispayiw māka, kahkiyaw awiyak kē iskoiht kahkiyaw aniki nanātokoskān ayisiyiniwak kā ki mawinēskakik cērosalam, kita itohtēwak tahto aski kita ayamihāwi atoskawācik kihci okimāwa, kā tipēyihcikēt misiwē siyokātisit, mina kita tipitotakik anima wihkohtowin kā mohci mānokēhk. 17kita ayispayiw māka awiyak kahkiyaw kā tahtotēwisicik askihk ēkā itohtēci cērosalamihk kita ayamihāwi atoskawācik kihci okimāwa, kā tipēyihcikēt misiwē siyokātisit, ēwakonik namawiya kita kimiwanisiwak. 18ēkosi kispin ē piskitotēwisit icipt ēkā itohtēci, mina ēkā takosiki, ēwakonik mina namawiya kita ayāwak; kita ayāwak āyimāspinēwin, anima kā tipēyihcikēt kē ispayitowāt anihi nanātokoskān ayisiyiniwa ēkā kē itohtēyit kita tipitotamiyit anima wihkohtowin kā mohcimānokēhk. 19ēkosi oma kē isi kakēskimoiht icipt, mina kē isi kakēskimoihcik kahkiyaw nanātokoskān ayisiyiniwak ēkā kē itohtēcik kita tipitotakik wihkohtowin kā mohcimānokēhk.
20ēwakwānima kisikāki kita ihtakwaniyiw o sēwēoyākiniwāhk mistatimwak, kanātan kā tipēyihcikēt kita ayāt; ēkosi askikwak kā tipēyihcikēt o wāskāhikanihk kita isi ayāwak tāpiskoc anihi posiskiyākana ohtiskaw pakitināsowināpiskohk. 21ēhē, kahkiyaw askihk cērosalamihk mina cotaihk kita kanācitamawāw kā tipēyihcikēt misiwē siyokātisit; ēkosi kahkiyaw aniki kā pakitināsocik kita pē natawi otinēwak ēwakoni, mina kita pakātākokēwak ēkota: ēwakwānima māka kisikāki namawiya mina kita ihtāw kēnanait o wāskāhikanihk kā tipēyihcikēt misiwē siyokātisit.
Currently Selected:
sēkarāya 14: KKMR
Highlight
Share
Copy
Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.
