sēnt lok 22

1 # ēksatas 12:1-27 ēkwa māka anima wihkohtowin ēkā kā piswēkasot pakwēsikan kisiwāk ki ayāw, anima mayāskotāto wihkohtowin kā isiyihkātēk. 2ēkosi kihci ayamihēwiyiniwak mina masinahikēwiyiniwak ki nanatonamwak tānisi kē isi nipahācik; wiya ē ki kostācik ayisiyiniwa.

3ēkosi sētan ki piciyawēskawēw cotasa, iskāriat kā ki isi aspiyikāsot, kā asitakimiht anihi mitātaht nisosāp. 4ki sipwētēw māka mina ki wici isihcikēmēw kihci ayamihēwiyiniwa asici simākanisiwikimāwa, tānisi kē ki isi pakitinamawāt. 5ēkosi ki miwēyitamiyiwa, ē ki asotamākot māka kita miyikot soniyāwa. 6ki naskomo māka, mina ē ki natonahk ita kita naipayiyik kita pakitinamawāt mēkwāc ita ēkā ē ayāyit ayisiyiniwa.

7ēkosi anima kisikāw ēkā kā piswēkasot pakwēsikan kā āpacihiht ki otihcipayiw, ita mayāskotāto wihkohtowin kā itastēk kita nipatāhk. 8ki isitēsawēw māka pitar asici cān, ē itwēt, natawi kwayācitāk mayāskotāto wihkohtowin, kita miciyahk. 9ki itēwak māka, tānitē ētēyitaman kita kwayacitāyāhk? 10ēkosi ki itēw, cist, ispi ki pihtokēyēko otēnāhk, ki ka nakiskawāwāw nāpēw ē pimiwitat nipiy asiwacikanihk; pimitisaohk, mina pihtokēwicēwihk wāskāhikanihk ita anima kē isi pihtokēt. 11ki ka itāwāw māka kā tipēyitahk wāskāhikan, okiskinohamākēw kitik, tānita ēyāk, okiokēwikamik, ita kē wici micisomakik ni kiskinohamawākanak mayāskotāto wihkohtowin? 12ki ka wāpahtahikowāw māka ē piskici kipahikātēyik ispimihk, ē mahki tawāyik ē kwayataniyik; ēkota kwayacitāk. 13ki itohtēwak māka, mina ē ki isi miskahkik anima kā ki itikocik: ēkota māka ē ki kwayācitācik mayāskotāto wihkohtowin.

14ēkosi ispi tipaikan wēticipayik, ki nahapiw asici o kiskinohamawākana. 15ēkosi ki itēw, mostawēyitamowinihk ki ki nohtē wici micisomitināwāw oma mayāskotāto wihkohtowin ē mwayē kakwatakitāyān; 16cikēmā kit itināwāw, namawiya ni ka micin, pātimā ki tipipayiki ot otēnawiwinihk kisēmanito. 17ki otinam māka minikwākan, mina ē ki nanāskomot, ki itwēw, otinamok oma, mina matinamātok; 18cikēmā kit itināwāw, namawiya ni ka minikwān anohc ohci ē ēsi minisiwit sominatik, pātimā otihcipayiki ototēnawiwin kisēmanito.

19ēkosi ki otinēw pakwēsikana, ispi māka kā nanāskomot, ki pakwēnēw, ēkosi ē ki miyāt, ē itwēt, ēwakoma niyaw kā mēkinaniwahk kiyawāw ohci: totamok oma ē kiskisitotawiyēk. 20#cērimāya 31:31-34mina ēkosi mwēhci minikwākan, kā tipiskinēkwēcik, ē itwēt, oma minikwākan ēwako oski isitwawin ni mikohk, anima kā sikinikatēk kiyawāw ohci.

21 # nikamona 41:9 māka mātika, ocihci ana kā wayēsipakitinit ota kiki ayāyiw micisowinātikohk. 22tāpwē ani iyiniwikosisān ispayi mwēhci anima kā ki itakimikowisit: māka kakwātakisiw ana ayisiyiniw kā wayēsipakitināt! 23ēkosi ki maci kakwēcitowak, tānāna wiyawāw ohci oma kē totahk.

24 # mātyo 18:1; mārk 9:34; lok 9:46 ēkwa mina ki māci kakikitowak, tānāna wiyawāw ohci kē māwaci kistakimiht. 25ēkosi ki itēw, o kihci okimāmiwāwa cēntailak tipēyimikwak; ēkosi anihi kā tipēyimikocik omiyototēstamakēwak isiyihkātāwak. 26#mātyo 23:11; mārk 9:35#mātyo 20:25-27; mārk 10:42-44māka kiyawāw namawiya ēkosi ki ka isi ayānāwāw; māka ana nawac ē nikānēyitākosit kiyawāw, kiyām tāpisko osimimāw kita itēyitākosiw; mina ana kā nikānēyitākosit tāpisko ana kā pamistākēt. 27#cān 13:12-15cikēmā awēna nawac awasimē ētēyitākosit, kā micisot, awēkā ana kā pamistakēt? nama ci ana kā apit ē micisot? niya māka ki wicēwitināwāw tāpiskoc ana kā pamistākwēt. 28kiyawāw māka kā ki pē wici ayāmiyēk ni kotēyimikowinihk; 29ēkosi māka koyakitamātināwāw otēnawiwin. tāpiskoc notāwi kā isi oyakitamawit, 30#mātyo 19:28kita micisoyēk mina kita minikwēyēk ni micisowinātikohk nit otēnawiwinihk; mina māka kita apiyēk kihci okimāwapiwinihk ē oyasowātāyēkok mitātat nisosāp kā itatotēwisit isrēil.

31saiman, saiman, mātika, sētan ki natawēyitam kita ayāwikoyēk, tāpiskoc pakwēsikanikan kita isi pawastimikoyēk: 32māka ki ki ayamihēstamātin, ki tāpwēyēyitamowin ēkā kita notēpayik: ispi māka kwēskinikowisiyani, maskawisihik kiciwāmak. 33ki itik māka, kā tipēyihcikēyan, ni tēpēyimon kita wicēwitān kipahotowinihk isi mina nipowinihk. 34ēkosi ki itwēw, ki wihtamātin pitar, pakaākwān anohc kē kisikāk namawiya kita pēhtākosiw, pātos iyikohk nistwāw ki ānwētamani ē kiskēyimiyan.

35 # mātyo 10:9,10; mārk 6:8,9; lok 9:3; 10:4 mina māka ki itēw, ispi kā sipwētisahotakok ēkā ē ayāyēk soniyāwiwatis ahpo maskimot, ahpo maskisina, kēkway ci ki ki kwitamānāwāw? ēkosi ki itwēwak, nama kēkway. 36ēkosi ki itēw, māka ēkwa ana kā ayāt soniyāwiwatis, kiyām kita otinam, ēkosi mina maskimot; ana māka ēkā kā ayāt isawēsk, kiyām kita atawakēw oskotakay, ēkosi kita atāwēw. 37#aysāya 53:12cikēmā kit itināwāw, oma kā masinaikātēk piko kita tipipayitamākawiyān, ki asitakimāw o maciitiska: cikēmā anihi niya kā tasimikoyān kita tipipayiwa. 38ēkosi ki itwēwak, kā tipēyihcikēyan, cist, ohi, niso isawēska. ki itēw māka, ēkoyikohk.

39ki pē wayawiw māka, mina ki itohtēw, kā nēkāmi itotahk, ālips wacihk; ēkosi o kiskinohamawākana mina ki pimitisahok. 40ispi māka tēkosihk ēkota, ki itēw, ayamiak ēkā kita itotēyēk kotēyimikowinihk. 41ki nakatēw māka, nānitow iyikohk kita ki pimosinēhk; ēkosi ki ocicikwanapiw ē ayamiat, 42ē itwēt, nota, kispin ētēyitamowanē, ikatēnamawin oma minikwācikan: māka namawiya niya ē itēyitamān, māka kiya, kita wi tocikātēw. 43ki nokoototāk māka okisikowa kihci kisikohk ohci, ē sitoskākot. 44ēkosi naspic ē kakwatakēyimot, awasimē ki ākamēyimo ē ayamihāt: piyis ot apwēsiwin ki isi ayayiw tāpiskoc ē maki papakikawanayik mihko askihk. 45ispi māka kā pasikot o mawimoscikēwinihk ohci, ki pē natēw o kiskinohamawākana, ki miskawēw māka ē nipāyit kisinatēyitamowin ohci, 46ēkosi ki itēw, tānēki kā nipāyēk? waniskāk mina ayamihāk, ēkā kita ayāyēk kotēyimikowinihk.

47mēkwāc māka ē pikiskwēt, cist, mihcēt ayisiyiniwa, asici ana cotas kā isiyihkātit, ēwako pēyak aniki mitātat nisosāp, ē nikanotawāt; ēkosi kisiwak ē ki ati natat cisasa ē wi ocēmāt. 48māka cisas ki itēw, cotas, ki wayēsipakitināw ci iyiniwikosisān ē ocēmat? 49ispi māka anihi kā wicēkot, wiyāpahtamiyit tānisi ē wi ispayiyik, ki itwēwak, kā tipēyihcikēyan, ni ka pakamaikānān ci ēkwa isawēsk ohci?

50ēkosi pēyak wiyawāw ohci ki pakamawēw ot atoskēyākaniyiwa kihci ayamihēwiyiniwa, mina ē ki kiskiwēpaamwāt otawakāyiw kihci niskihk itēkē. 51māka cisas ē naskwēwasitwāk ki itwēw, ēkoyikohk kiyām, ēkosi ki tākinamwēw otawakayiw, ēkosi ē ki iyinikawāt. 52cisas māka ki itēw kihci ayamihēwiyiniwa, mina simākanisiwikimāwa kihci ayamihēwikamikohk ohci asici kā nikānēyitākosiyit kā pē nātikot, ki pē itohtānāwān, ci, tāpiskoc okimotisk ē mawinēskawāyēk, isawēska mina mistiko pakamākana ē pē takonamēk? 53#lok 19:47; 21:37mēkwāc tahto kisikāw ē wicēwitakok kihci ayamihēwikamikohk, namawiya ki ki sowiniskēstawināwāw: māka ēwakoma kiyawāw ki tipaikaniwāw, mina ē isi maskawisimakahk wanitipiskāw.

54ēkwa māka ki otitinik, ē ki itotahikot māwaci kihci ayamihēwiyiniwa wikiyihk. pitar māka wāyaw ki ohci pimitisaikēw. 55ispi māka kā kotawēcik tāwayihk wāskāhikanihk, mina kā māmawi nahapicik, pitar mēkwā ayihk wista ki nahapiw. 56pēyak māka oskinikiskwēwa ki wāpamik, mēkwā ciki iskotēhk ē apit, soki māka ē kanawapamikot, ki itwēyiwa, awa nāpēw wista ki wicēwēw. 57ki ānwētam māka, ē itwēt, iskwēw, namawiya ni kiskēyimāw. 58ēkosi nākēs mina kotaka ki wapamik, ē ki itwēyit, kista pēyak o wicēwākaniwāwa. māka pitar ki itwēw, nāpēw, namayēw niya pēyak. 59ēkosi nantaw pēyak tipaikan kā ispayik, kotaka ki itwēyiwa, ē kēcinaoyit, tāpwē awa nāpēw wista ki wicēwēw; cikēmā kāliliwiyiniwiw. 60māka pitar ki itwēw, nāpēw, namawiya ni kiskēyitēn anima kā itwēyan. sēmāk māka, mēkwāc ē pikiskwēt, pākaākwān ki pēhtākosiw. 61ēkosi kā tipēyihcikēt ki kwēskiw, ē ki kanawāpamāt pitara, pitar māka ki kiskisopayiw ot itwēwiniyiw kā tipēyihcikēyit, kā ki itikot, mwayēs pēhtākosit pākaākwān anohc kē kisikāk nistwāw ki ka ānwētēn ē kiskēyimiyan. 62ēkosi māka ki wayawiw, mistahi ē ki wawīsakatwēmot.

63aniki nāpēwak māka kā miciminācik cisasa, ki mētawākatēwak mina ki papakamawēwak. 64ispi māka kā akoyāpapitācik, ki pasikwēwēwak ē ki kakwēcimācik māka, ē itwēcik, kiskiwēhikē: awēna kā pakamahosk: 65mina mihcēt kotaka kēkwaya ki ayitēwak, ē papiwimācik.

66mayaw māka ē kisikāyik, kā nikānēyitākosicik ayisiyiniwak māmawi asici kihci ayamihēwiyiniwak mina masinahikēwiyiniwak ki māwaciitowak; ē ki itohtaācik māka ita ē isi mamawapicik ē itwēcik, 67kispin kiya Christ, wihtamawinān, māka ki itēw, kispin āta wihtamatakok, namawiya ki ka tāpwētēnāwāw. 68ēkosi kispin nista kakwēcimitakwāwi, namawiya ki ka naskwēwasimināwā. 69māka pātimā iyiniwikosisān kita apiw ita ē isi okiciniskiwahk o maskawisiwin kisēmanito. 70ēkosi kahkiyaw ki itwēwak, kiyā ci māka kisēmanito okosisa? ki itēw māka, kit itwānāwāw niya ēwako. 71ēkwa ki itwēwak, kēkway awasimē nētawēyitamahk ācimowin? cikēmā kiyānaw kēhciwāk ki ki pētawānaw tipiyaw otonihk ohci.

Currently Selected:

sēnt lok 22: KKMR

Highlight

Copy