sēnt lok 19

1cisas māka ki pihtokēw mina ē ki pimi sāposkahk cēriko. 2mātika māka, ki ayāw ēkota nāpēw sakias; ē isiyihkāsot, ē nikanakimiht anihi paplikana, mina ē wēyotisit. 3ēkosi ki kakwē wāpamēw cisasa awēnānihi; māka namawiya ki kaskitaw ē sitiskātowit ayis ki tapacikāpawiw. 4ki nikanipataw māka, ēkosi ē ki kicakosipatāt sikamor mistikohk kita wāpamāt, wiya ēkota kita ati pimohtēyit. 5ispi māka cisas piyētakosihk ēkota, ki tastasāpiw, ē ki wāpamāt māka, ēkosi ki itēw, sākias, kiyipa, pē nitakosi, cikēmā anohc kā kisikāk ni ka kapēsin kikihk. 6ki kiyipi nitakosiw māka, mina miyawātamowinihk ē ki pitokaāt. 7ispi māka wiyāpahtakik, kahkiyaw ki nayētāwēyitamwak, ē itwēcik, pitokawēw kita kapēsitotawāt ayisiyiniwa ē macātisiyit. 8sākias māka ki nipawiw, ē ki itāt kā tipēyihcikēyit, cist, tēpēyihcikēyan, āpitaw ni tipiyawēwisiwina ni miyāwak okitimākisak; kispin māka ni nayētāwi tipahikēāw awiyak ayisiyiniw, nēwāw awasimē kawi ni miyāw. 9ēkosi cisas ki itēw, anohc kā kisikāk pimācihiwēwin pē takosinomakan ota wāskāhikanihk, cikēmā wista ē okosisimikot ēprēama. 10#mātyo 18:11cikēmā iyiniwikosisān ki pē itohtēw kita nanātonawāt mina kita pimāciwāt anihi kā wanihoyit.

11mēkwāc māka ē pēhtahkik ohi ki ati tako wihtamawēw awēcikan, cikēmā kisiwak ē ati ayāt cērosalamihk, mina cikēmā ē ki itēyitahkik ot otēnawiwiniyiw kisēmanitowa sēmāk kita nokwaniyik. 12ēwako ohci ki itēw, pēyak okimāw wāyaw askihk ki itohtēw, kita otinamāsot kihci okimāwiwin, ēkosi mina kita pē kiwēt. 13ki natomēw māka ot atoskēyākana mitātat ē ihtasiyit, ē pakitinamawāt mitātat kihci soniyāwa, ēkosi ē ki itāt, atāwākēk iyikohk kita takosiniyān. 14māka ot ayisiyinima ki pakwātik, ēkosi ē ki isitisahamawacik, ē itācik, namawiya ni natawēyimānān awa nāpēw kita tipēyimikoyāhk. 15ki otihcipayiw māka, ispi kā pē kiwēt, ē ki otinahk kihci okimāwiwin, ki itasowēw ohi atoskēyākana kā ki miyat soniyāwa kita natomimit, kita kiskēyitahk tāniyikohk kā kaskitāyit ot atāwēwiniwāw ohci. 16ēkosi anihi nistam ki pē nātik, ē itwēyit, tēpēyihcikēyan, ki kihci soniyām mitātat kihci soniyāwa awasimē ki pikoēw. 17ēkosi ki itēw, ki ki miyo totēn, kiya miyo atoskēyākan: cikēmā naspic apisis ē itēyitakwahk ki ki ayākwāmisikatēn, tipēyita mitātat otēnawa. 18ēkosi ana askoc ki pē itohtēw, ē itwēt, tēpēyihcikēyan, ki kihci soniyām, niyanan kihci soniyāwa ki pikoēw. 19ki itēw māka anihi mina, tipēyita kista niyānan otēnawa. 20kotak māka ki pē itohtēw, ē itwēt, tēpēyihcikēyan, cist, awa ita ki kihci soniyām, kā ki kanawēyimak wāpiskēkinohk ē ki wēwēkinak; 21ayis ki ki kostitin cikēmā ē āyimisiyan; ki mosakinēn anima ēkā ē ki pakitinaman, mina ki māwacitān anima ēkā kā ki kistikātaman. 22ki itēw māka, kēhciwāk kitonihk ohci ki ka oyasowātitin, kiya maci atoskēyākan, ki ki kiskēyitēn ē āyimisiyān, ē mosakinamān anima ēkā kā ki pakitinamān, mina ē māwacitāyān anima ēkā kā ki kistikātamān; 23tānēki māka ēkā kā ki pakitinat ni soniyām soniyāwikamikohk, ēkosi ispi ē takosiniyān ni ka ki natawēyimāw asici anima iyikohk ēsi pikocikēt? 24ki itēw māka anihi ēkota kā nipawiyit, otinimihk anihi kihci soniyāwa, ēkosi miyihk ana mitātat kihci soniyāwa kā ayāwāt. 25ēkosi māka ki itik, tēpēyihcikēyan, mitātaht kihci soniyāwa ayāwēw. 26#mātyo 13:12; mārk 4:25; lok 8:18kit itināwāw, kahkiyaw awiyak kā ayāt kita miyāw; māka ana ēkā kā ayāt, kita maskamāw ahpo anima kā ayāt. 27#mātyo 25:14-30māka wiya oki ni notinākanak, ēkā kā ki natawēyitahkik kita tipēyimakik, ota pēsikok, mina nipaikok ē kanawāpamakik.

28ispi māka oma kā isi pikiskwēt, ki nikanotēw, cērosalamihk ē ati itohtēt. 29ki ayikin māka, ciki ē ati otitahk pēhtpēci mina pētani, anita wacihk alips kā isiyihkātēk, ki sipwētisawēw niso o kiskinohamawākana, 30ē itāt, itohtēk kistapiwinihk tipiskoc kā ayāk; ēkota ispi ati pihtokēyēko ki ka miskawāwāw mistatimosis ē sakapisot, ēkā wikac cēskwa nāpēw ē ohci tētapit: apikonihk, ēkosi pēsihk. 31kispin māka awiyak kakwēcimikoyēko, tānēki kā āpikonāyēk? omisi ki ka itawāw, kā tipēyihcikēt natawēyimēw. 32aniki māka kā ki isitisahohcik ki sipwētēwak, ēkosi ē ki miskahkik mwēhci anima kā ki isi wihtamākocik. 33mēkwāc māka ē āpikonācik mistatimosisa, tēpēyimāyit ki itikwak, tānēki wēci apikonāyēk mistatimosis? 34ki itēwak māka, kā tipēyihcikēt, natawēyimēw. 35ēkosi ki pē itohtatamawēwak cisasa: ki aspi wēpinamwak māka oskotākāwāwa, mina ē ki tētapiācik cisasa: 36ē ati itohtēyit māka, ki taswēkastāwak oskotākāwāwa mēskanāhk. 37ispi māka ēkwa ciki ē ati ayāyit, anita ē nitaciwēyāk alips waci, kahkiyaw ē osāmēyaticik kiskinohamawākanak ē mamahtākosicik ki māci mamicimēwak kisēmanitowa ē kisiwēcik kahkiyaw anihi kihci atoskēwina ohci kā ki wāpahtahkik; 38#nikamona 118:26ē itwēcik, kita miyokiswātaw kihci okimāw kā pē itohtēt o wiyowiniyihk kā tipēyihcikēyit; pēyatakēyimowin kihci kisikohk, mina mamahtākosiwin māmawēyas ispimihk. 39ēkosi ātiht pārasiwa mēkwa ayisiyinināhk ohci ki itik, okiskinohamākēw, kitahamawik ki kiskinohamawākanak. 40ē naskwēwasimāt māka ki itēw, ki wihtamātināwāw, kispin oki kipitowēcik, asiniyak o ka pēhtākositāwāw.

41ēkosi ispi ciki ē pē ayāt, ki wāpahtam otēnaw, ē ki ocikāwāpit māka, ē itwēt, 42kispin ki kiskēyitamowanē anohc kā kisikāk, kiya oti, anihi pēyatakēyimowinihk ē isi atoskēmakaki? māka ēkwa kācikatēwa kiskisikohk ohci. 43cikēmā anihi kisikāwa ki ka otihtikon, ispi kā pakwātiskik kē wāskā mēnikēkatāskik, mina kē wāskāskāskik, kita kipotēwēskāskik, misiwē itē ohci, 44ēkosi ki ka niciwēpinikwak askihk isi; kit awāsimisa mina picāyihk: namawiya māka pēyak asiniya ki ka nakatamākwak kita tētāpiskisiniyit kotaka; cikēmā ēkā ē kiskēyitaman ita anima ē pē natawāpēnākawiyan.

45ēkosi ki pihtokēw kihci ayamihēwikamikohk, ē ki māci wayawiwēpināt anihi kā atātoyit, 46#aysāya 56:7; cērimāya 7:11ē itāt, itasinahikātēw, ni wāskāhikan māka, kita ayamihēwi wāskāhikaniwan: ēkosi kimotiskak kita o waticik ki ki isitānāwāw.

47 # lok 21:37 tahto kisikāw māka ki kiskinohamākēw kihci ayamihēwikamikohk. kihci ayamihēwiyiniwak māka asici masinahikēwiyiniwak mina kā nikānēyitākosicik ayisiyiniwak ki kakwē nisiwināciēwak: 48namawiya māka ki miskamwak anima kē itotahkik; cikēmā kahkiyaw ayisiyiniwa ki akamēyimoyiwa, ē wi natotākot.

Currently Selected:

sēnt lok 19: KKMR

Highlight

Copy