sēnt lok 14

1ki ayikin māka, ē pitokawāt pēyak ē nikānēyitākosiyit parasiwa kita mowāt pakwēsikana ē ayamihēkisikāyik, ki nānākaciēwak. 2mātika māka ēkota ki ayāyiwa ē wāpamāt pēyak nāpēwa; ē nipiwāspinēyit. 3cisas māka ē naskwēwasimāt, ki kitotēw oyasowēwiyiniwa asici pārasiwa, ē itāt, itastēw ci kita iyinikaiwēhk ē ayamihēkisikāk? 4māka namawiya ki kitowak, ēkosi ki otinēw, mina ki iyinikahēw, ē ki pakitināt māka. 5#mātyo 12:11ēkosi ki itēw, awēna kiyawāw kā itasiyēk ayāwāt mistatimwa awēka iyāpēwa wātikānihk māka picipayiyit, nama ci sēmāk kita wayawipitēw ata ē ayamihēkisikāyik? 6ēkosi namawiya ki kaskitāwak mina kita naskwēwasimācik ohi kā itikocik.

7mina māka ki tasitamawēw āwēcikan anihi kā ki natomimiht, ē pisiskāpatahk tānisi kā isi kakēkinamiyit apiwina ē nikanēyitākwaniyiki; ē itat, 8#kakēhtāwēwina 25:6,7kispin awiyak wiyinikomiski kihci wikitowinihk, ēkāwiya nahapi ita ē nikānēyitākwahk apiwin: nāntaw isi nawac ē kistēyitākosit ayisiyiniw ispic kiya natomici, 9ēkosi ana kā ki natomikoyēk pē itiski, tawistaw awa nāpēw: ēkosi ki ka nēpēwisin kita ati otinaman anima māmawi nohtow ē itēyitākwahk apiwin. 10māka ispi natomikawiyani, natawi nahapi nohtaw ē itēyitākwahk apiwin; ēkosi māka ana kā ki natomisk ispi pē itohtēci, kita itisk, nitotēm, nawac nikān api; ēkosi māka ki ka ayān kistēyitākosiwin ē kanawāpamiskik aniki kā wicimicisomiskik. 11#mātyo 23:12; lok 18:14cikēmā kahkiyaw awiyak kā ispēyimisot, kita tapatināw; māka ana kā tapatēyimisot, kita ispēyitākoāw.

12ēkosi ki itēw mina anihi kā ki natomikot, ispi wikokēyani ē āpitakisikak ahpo ē otākosik, ēkāwiya kitotēmak natomik, ahpo kiciwāmak, ahpo ki wākomākanak, ahpo kā wēyotisicik ki witapimākanak; cikēmā nāntaw isi wistawāw ki ka natomikwak ēkosi ki ka tipahamākawin. 13māka wiyikokēyani, natomik kā kitimākisicik, kā māskisicik, kā māskipayicik, ēkā kā wāpicik: 14ēkosi ki ka miywāpamikowisin; cikēmā namawiya ayāwak kita ohci tipahamāskik: māka ki ka tipahamākawin āpisisikwāwi kā kwayaskwātisicik.

15ēkosi ispi pēyak anihi kā ki wicimicisomikot kā pētamiyit ohi itwēwina ki itik, miyoitakimikowisiw ana kē mowāt pakwēsikana ot otēnawiwiniyik kisēmanitowa. 16māka ki itēw, pēyak nāpēw ki kihci wikokēw; ēkosi mihcēt ē ki wikomāt; 17ē ki isitisawāt māka ot atoskēyākana ē otihcipayik tipiskinēkwēwin kita itayit kā wikomimiht, pē itohtēk; cikēmā kahkiyaw kēkway kwayātastēw. 18ēkosi kahkiyaw ki māmawēyitamwak ē wi kwitawiitwēcik. ana nistam ki itwēw, ni ki atāwān kistikān natawēyitākwan kita natawi wāpahtamān; ki pakosēyimitin kita pakitēyimikawiyān. 19kotak māka ki itwēw, ni ki atāwān niyānanwēwān iyāpēwak, ēkosi nit itohtān, kita natowi kotēyimakik: ki pakosēyimitin kita pakitēyimikawiyān. 20ēkosi kotak mina ki itwēw, ni ki kihci wikimāw iskwēw, ēwako ohci māka namawiya ni ka ki pē itohtān. 21ēkosi ana atoskēyākan ki pē wihtamawēw ot okimāma ohi kēkwaya, kā okimākatahk māka wāskāhikan ē kisiwasit ki itēw ot atoskēyākana, kakwēyāo itohtē mēskanāhk mina ita ē tatawāk otēnāhk, ēkosi pē pitokaik kā kitimākisicik kā māskipayicik kā maskisicik mina ēkā kā wāpicik. 22ēkosi atoskēyākan ki itwēw, kā tēpēyihcikēyan, ki itocikātēw anima kā ki isi sikikēmoyan, kēyāpic māka tawāw. 23ot okimāma māka ana atoskēyākan, ki itik, itohtē kihci mēskanāhk mina sisonē mēnikanihk, mina sikikēmo ayisāc kita pē pihtokēcik, kita sākaskinēk ni wāskāhikan. 24cikēmā ki wihtamātināwāw, nama wāwāc awiyak aniki kā ki wikomihcik, kita kocistamwak ni tipiskinēkwēwin.

25kihci mihcēt ayisiyiniwa māka ki wicēk: ē kwēskit māka, ki itēw. 26#mātyo 10:37kispin awiyak pē nāsici, ēkosi ēkā pakwatāci otāwiya, mina okāwiya, mina wiwa, mina ot awāsimisa, mina ociwāma, mina otawēmāwa, mina ahpo tipiyaw o pimātisiwin, namawiya ni ka ki okiskinohamawākanin. 27#mātyo 10:38; 16:24; mārk 8:34; lok 9:23awēna māka ēkā kē nayātahk tipiyaw o pimitāskwaikan, ēkosi pimitisaoci namawiya ni ka ki okiskinohamawākanin. 28cikēmā tānāna kiyawāw, wi ositāt asawāpiwikamik, ēkā pita kē nahapit kita akitahk iyikohk kē ispayiyik, māhti kispin ēyākwē iyikohk kita ohci kisitāt? 29cikēmā māskoc ispi mācitāci oyascikēwin, ēkosi ēkā kaskitāci kita kisitāt, kahkiyaw kēnawapiyit kita māci pāpiikot, ē itwēyit. 30awa nāpēw ki mācitāw wāskāhikan, ēkosi namawiya ki kaskitāw kita kisitāt. 31ahpo, tānāna kihci okimāw, wi natopayistawāci kotaka kihci okimāwa, ēkā nikān kē nahapit kita mamitonēyitahk, kispin kē kaskitākwē mitatatwāw kihci mitātahtomitanaw ē ayāwāt kita nakiskawāt anihi kā pē natopayistākot nisitanaw tahtwāw kihci mitātahtomitanaw ē ayāwāyit. 32ahpo, mēkwāc anihi kotaka kēyāpic āyaw ē ayāyit isitisahamaēw ē natawēyitamawāt kita witaskitocik. 33ēkosi māka piko awiyak kiyawāw ēkā kē pakitēyitamokwē kahkiyaw anima kā ayāt, namawiya ni ka ki okiskinohamawākanin.

34siwitākan miywāsin; māka kispin siwitākan wanitamakaki anima ē siwitākaniwahk, tānitē kē ki ohci siwitākanaikākēhk? 35namawiya nānitaw itāpatan askihk kita apacitahk ahpo mostoswāya ita kā isi wēpinikātēki: māka ayisiyiniwak wayawiwēpinamwak. ana kā otawakāt kita pēhtahk, kiyām kita pētam.

Currently Selected:

sēnt lok 14: KKMR

Highlight

Copy