sēnt cān 21

1mwēstas iyikohk māka ohi cisas mina ki nokohisostawēw o kiskinohamawākana tāipiriyās sākahikanihk; ēkosi māka oma kā ki isi nokohisostawāt. 2ki māmawi ayāwak sāiman pitar, mina tāmas titimas kā isiyihkāsot, mina nātāniyal kēna kālalihk kā ohcit, mina okosisa sēpiti, mina niso kotaka o kiskinohamawākana. 3#lok 5:5sāiman pitar itēw, ni wi natawi nocikinosēwān. itēwak, niyanān mina ki ka wicēwitinān. ki sipwētēwak, ki posiwak māka osihk; ēwako māka ē tipiskāk nama kēkway ki otawāyiwa. 4māka ispi ēti wāpaniyik, cisas ki nipawiw cikipēk: māka kiskinohamawākanak namawiya ki kiskēyimēwak ēwakwanii cisasa. 5cisas māka itēw, awāsisitik, kit ayānāwā ci kita miciyēk? ki naskwēwasimēwak, namawiya. 6#lok 5:6ēkosi ki itēw, pakastawēohk ayapi kihciniskihk itēkē osihk, ēkosi ki kā miskawāwāwak. ki pakastawēwēwak māka, ēkwa māka namawiya ki ocipitēwat ē isi mihcētiyit kinosēwa. 7ana kiskinohamawākan māka cisas kā sākihāt itēw pitara, ēwakwana kā tipiyicikēt. ēkosi sāiman pitar ispi piyēhtahk ēwakwanii kā tipēyihcikēyit, ki pakwatēhototam oskotākay (cikēmā ki mosēskatēw), ē ki pakastawēkwāskotit māka sākahikanihk. 8kotakak māka kiskinohamawākanak ki pē nātakāmēamwak osihk (cikēmā namawiya tāwic ayāwak, nāntaw niyānanomitanaw tahtonisk), ē otāpēcik ayapiya kiki kinosēwa. 9ispi māka kā kapācik, wāpahtamwak iskotēw kaskaskasēkāna ohci, mina kinosēwa ēkota ē apiyit, asici pakwēsikana. 10cisas itēw, pēsikok ātiht kinosēwak anohc kā ki otināyēkok. 11sāiman pitar māka ki itohtēw, mina ki nātakāsipitēw ayapiya, ē moskinēyit kihci kinosēwa, mitātahtomitanaw niyānanomitanaw mina nisto ayiwāk: ēkosi ē āta isi mihcēticik, namawiya pikopayiw ayapi. 12cisas itēw, pē natawi kēkisēpā micisok. namawāc māka awiyak kiskinohamawākanak ki kakwēcimēwak, awēna kiya? ē kiskēyitahkik ēwakwani kā tipēyihcikēyit. 13cisas pē itohtēw, mina otinēw pakwēsikana, mina miyēw, ēkosi kēyāpic kinosēwa. 14ēwako oma nistwāw cisas ē ki nokohisostawāt kiskinohamawākana, ē ki waniskāt nipowinihk ohci.

15ispi māka kā kēkisēpa micisocik, cisas itēw sāiman pitara, sāiman, okosisa cān ki sākihin ci awasimē iyikohk oki? itēw, ēhē tēpēyihcikēyan; ki kiskēyitēn ē sākihitān. ēkosi ki itēw, asamik ni māyatihkosisimak. 16itēw mina ēkwa niswāw, sāiman, okosisa cān, ki sākihin ci? ēkosi itēw, ēhē, tēpēyihcikēyan; ki kiskēyitēn ē sākihitān. ēkwa itēw, kanawēyimik ni māyatihkomak. 17itēw mina ēkwa nistwāw, sāiman okosisa cān, ki sākihin ci? pitar mistahi mositāw cikēmā nistwāw ēkwa ē itikot ki sākihin ci? ēkosi ki itēw, tēpēyihcikēyan, ki kiskēyitēn kahkiyaw kēkway; ki kiskēyitēn ē sākihitān. cisas itēw, asamik ni māyitikomak. 18tāpwē, tāpwē, kit itin, mēkwāc ē oskinikiyan, ki ki pakwatēhoson, mina ki ki itohtān piko itē ē itēyitaman: māka ispi kisēyiniwiyani, ki ka sowiniskēyin, kotak māka ki ka pakwatēhok, mina ki ka itotaik itē ēkā ē wi itotēyan. 19oma māka ki itwēw, ē kiskinawācimāt kēko nipowin kē isi kistēyitākohāt kisēmanitowa. ispi māka oma kā itwēt, itēw, pimitisahon.

20 # cān 13:25 pitar māka, ē kwēskikāpawit, wāpamēw anihi kiskinohamawākana cisas kā sākihāt ē pē pimitisaikēyit; ana mina kā ki āsosimot wāskikaniyihk ē tipiskinēkwēcik, mina kā ki itwēt, tēpēyihcikēyan, awēna kā wayēsipakitinisk? 21pitar māka ē wāpamāt itēw cisasa, tēpēyihcikēyan, kēkway māka awa nāpēw kē itotahk. 22cisas itēw, kispin itēyitamān kita pēhot iyikohk kita takosinān, kēkway kiya ēkota kēnawāpamikoyan? pē pimitisahon kiya. 23oma itwēwin māka ki papamipayiw mēkwāc oki kociwāmitocik, ana kiskinohamawākan ēkā kita nipit: māka cisas namawiya ohci itēw, ēkā kita nipiyit; māka, kispin itēyitamān kita pēhot iyikohk kita takosinān, kēkway kiya ēkota kēnawāpamikoyan?

24ēwako awa kiskinohamawākan kā ātotahk ohi, mina kā ki masinahahk ohi: ēkosi ki kiskēyitēnānaw ot ācimowin ē tāpwēmākaniyik.

25ayāwa māka mihcēt kotaka cisas kā ki totahk, ēwakwani kispin kahkiyaw masinaikātēki ahpo ētokē namawāc askihk kita tēpastiwā masinahikana kita masinaikātēki.

Currently Selected:

sēnt cān 21: KKMR

Highlight

Copy