cēnisis 25

1ēprēām māka ki otinēw kotaki iskwēwa kita wiwit, kētora māka ki isiyihkāsoyiwa. 2ēkosi ki nihtāwikitamāk, simrān, mina cāksān, mina mitān, mina mitiyan, mina ispak, mina soa. 3cāksān māka ki nihtāwikihēw sipa mina titān. ēkosi okosisa titan ēwakoni āsarim, mina lētasim, mina liyamim. 4ēkosi okosisa mitiyan ēwakoni ihpa mina ihpar, mina hēnāk, mina apaita, mina ēltāa. kahkiyaw ohi ot awāsimisa kētora.

5ēprēām māka ki miyēw āisaka kahkiyaw kēkway kā ayāt. 6māka wiya okosisiyiwa kanawiskwēwāni ēprēām kā ayāwāt, ēprēām ki miyēw mēkiwina; ēkosi ki sipwētisawēw kita nakatāyit āisaka okosisa mēkwāc kēyāpic ē pimātisit, wāpanotāhk, wāpanoaskihk isi. 7ēwakoni māka ohi kisikāwa tahto aski ēprēām kā isko pimātisit, mitāhtomitanaw tēpakohpomitanaw niyānan ayiwāk tahto pipon. 8ēkosi māka ēprēām ki pakitahcākwēw mina ki poni pimātisiw mamiywē ē kisēyātisit, ē kisēnāpēwit mina ē mihcētopiponwēt, ēkosi ē ki takotaiht wiciyiniwa. 9okosisa māka āisaka mina ismēil ki nainit anita mākpila wātihk, o kistikānihk ēpran okosisa sāhār ana hitait, ciki māmri kā ayāk; 10#cēnisis 23:3-16anima kistikān ēprēām kā ki atāmāt ot awāsimisiyiwa hēt; ēkota ēprēām ki naināw mina sērah wiwa. 11ki ayikin māka ispi kā poni pimātisit ēprēām, kisēmanito ki sawēyimimēw okosisiyiwa āisaka; āisak māka ki ot ihtāwiniw ciki anita piarlēhairāy.

12ēwakoni ohi ot āyāniskē nihtāwikihākana ismēil, ēprēām okosisa ana hēkār icipt iskwēw sērah ot atoskēyākaniskwēma kā ki nihtāwikitamawāt ēprēāma. 13ēwakoni māka o wiyowiniyiwa okosisa ismēil ē aisiyihkāsoyit, kā isi āyāniskē pimātisiyit; o nistamosāna ismēil, nipēyāht, mina kitar, mina ātpil, mina mipasām, 14mina misma mina toma, mina māsa, 15hētāt mina timār, cētar, nāhpis, mina kētima; 16ēwakoni ohi okosisa ismēil, mina ēwakoni ohi o wiyowiniwāwa, kā ki isi otēnawitācik, mina kā ki isi o kapēsiwinicik; mitātaht nisosāp okimāwak ē āyitaskānēsicik. 17ēwako māka oma tahto pipon kā pimātisit ismēil, mitāhtomitanaw nistomitanaw tēpakop ayiwāk tahto pipon; ki pakitacāhkwēw māka mina ki poni pimātisiw; ēkosi ē ki takotaiht wiciyiniwa. 18ki ot ihtāwiniwak māka hāpila ohci sar isko, tipiskoc icipt kā ayāk, ē ati itohtēyan asiriyaihk; ki kistapiw māka ē wāpamikot kahkiyaw ociwāma.

19ēwakoni māka ohi kā isi āniskē pimātisit āisak, ēprēām okosisa; ēprēām ki nihtāwikihēw āisaka; 20āisak māka nēmitanaw ki tahtopiponwēw ispi kā otināt ripēka otānisa pētyoil ana siriyān pātanērām ohci, otawēmāwa lēpān ana siriyan, kita wiwit. 21āisak māka ki kākisimototawēw kā tipēyihcikēyit wiwa ohci, cikēmā ēkā ē ayāwāyit awāsisa; kā tipēyihcikēt māka ki kitimākitawēw ēkosi ripēka wiwa ki ayāwēyiwa awāsisa. 22awāsisa māka ki waskawipayiayiwa ē kikiskawāt; ēkosi ki itwēw, kispin ēkosi ēkinokwē, tānēw oma kā isi ayāyān? ēkosi ki natawi kakwēcimēw kā tipēyihcikēyit. 23#romana 9:12kā tipēyihcikēyit māka ki itik, nisoskān ayisiyiniwak ki kikiskawāwak, mina niswayak ē isitwācik ayisiyiniwak kita ohci paskēwiitowak kiyawihk; aniki pēyakwayak māka ayisiyiniwak ayiwāk kita maskawisiwak iyikohk anihi kotaka; mina ostēsimāw kita atoskawēw osimimāwa.

24ispi māka o kisikāma tēpipayiyiki kita nihtāwikināwasot poti nisotēsisa ki ayāwēw. 25nistam māka ē nokosit ki mihkosiw, misiwē tāpiskoc miyawēwayān ē isinākosit; isā māka ki isiyihkātēwak. 26ēkwa māka ociwāma ki nokosiyiwa, ki micimakwanēnēw māka anihi isāwa; cēkap māka ki isiyihkātāw; āisak māka nikotwāsomitanaw ki tahtopiponwēw ispi kā nihtāwikihāyit. 27aniki māka nāpēsisak ki ati ohpikiwak; isā māka ki nihtāmāciw; pikwacayisiyiniw; cēkap māka wiya ki pēyatakisiw, mikiwāpihk ē ayayāt. 28āisak māka ki sākihēw isāwa cikēmā ki miciw ē isi maminaoyit; māka ripēka ki sākihēw cēkapa.

29cēkap māka ki pakātākoskēw, ēkosi isā pikwacāyihk ki pē ohtotēw, ē ayēskosit. 30ēkosi isā ki itēw cēkapa, asamin ki pakosēyimitin anima kā mihkāk ki pakātākoskēwin, cikēmā nit ayēskosin. ēwako māka ohci itam kā ki isiyihkātiht. 31cēkap māka ki itēw, miskotonamawin kostēsimāwiwin anohc kā kisikāk. 32isā māka ki itwēw, mātika, sasāy kēkāt ni nipin, tānisi māka kē itāpacihikoyān oma nostēsimāwiwin? 33#hiparowa 12:16cēkap māka ki itēw, kihciisin anohc kā kisikāk, ēkosi ki kihci itēw, ēkosi ki miskotonamawēw cēkapa ostēsimāwiwin. 34cēkap māka ki miyēw isāwa pahkwēsikana mina mihkomināpokān; ki miciso māka mina ki minihkwēw, ēkosi ki pasiko ē ki ati sipwētēt. ēkosi oma isā kā isi ātawēyitahk ostēsimāwiwin.

Currently Selected:

cēnisis 25: KKMR

Highlight

Copy