cēnisis 15

1kā ponipayiki māka ohi ot itwēwin kā tipēyihcikēt ki otihtik ēprām isinamowinihk, omisi ē itikot, ēkāwiya sēkisi ēprām, niya ki papaahkwān, mina ki kihci tipahamākowin. 2ēprām māka ki itwēw, kēkway kē miyiyan wiya ēkā ē ot awāsimisiyān mina kā kanawēyitahk niki ēwako awa ēliēsar tamāskas kā ohcit? 3ēprām mina itwēw, mātika, niya namawiya koh miyin kita ot awāsimisiyān ēkosi, cist, awiyak nikihk ē nihtāwikit nit āniskēskamāk. 4ēkosi poti ot itwēwiniyiw kā tipēyihcikēyit ki otihtik omisi ē itikot, namawiya awa nāpēw ki ka āniskēskamāk; māka ana kiyawihk kē ohcit ki ka āniskēskamāk. 5#romana 4:18; hiparowa 11:12ki pē wayawitahēw māka omisi ē ki itāt, kisikohk ēkwa itāpi, wiyik māka acahkosak, kispin kē kaskitāwanē kita akimacik; omisi māka ki itēw, ēkosi kē itēyaticik kit awāsimisak. 6#romana 4:3; kalēsiyana 3:6; cēmis 2:23ki tāpwētawēw māka kā tipēyihcikēyit, ēkosi māka kwayaskitātisiwin ki itakitamāk. 7omisi māka itik, niya kā tipēyihcikēt kā ki pē ohtotaisk anita ar kāltināhk, kita miyitān oma aski kita tipēyihtaman. 8ki itwēw māka, kā tipēyihcikēyan kisēmanito tānitē kē ohci kiskēyitamān kita tipēyihtamān? 9omisi māka ki itik, otin niya ohci nosē mostos ē nisto piponwēt, mina nosē wāpatihk ē nisto piponwēt, mina yāpēmāyatihk ē nisto piponwēt, mina omimiw mina omimisis. 10ki otinēw māka kahkiyaw ohi, mina ē ki tātāskiswāt mina ē ki āyāsitēsimāt; māka wiya piyēsisa namawiya ki tāskiswēw. 11ispi māka piyēsisak pēyētwēocik wiyāsihk ēprām ki osawēw.

12 # cop 4:13,14 ispi māka kā ati pahkisimok, posākwāmiwin ki pakamiskāk ēprām mina ē kakwāiyakēyitākwahk kaskitipiskāw ki pakamiskāk. 13#ēksatas 1:1-14; isihcikēwiniwāwa 7:6omisi māka ki itik ēprām, kēhcināo kit awāsimisak kita mānitēwicik askihk ēkā ē tipiyawēwisicik, mina kita atoskawācik ēkota kā ot askiyit, ēkosi māka kita kotakihikwak nēwāw mitāhtomitanaw tahto piponwa. 14#ēksatas 12:40,41; isihcikēwiniwāwa 7:7mina māka ayisiyiniwa kē atoskawācik ni ka oyasowātimāwa ēkwa māka kē pē wayawicik mistahi kēkway ē kikiwisicik. 15ki ka nātāwak māka kiya kotāwipanak pēyataki ayāwinihk; ki ka nahinikawin mamiywē ē kisēyiniwiyan. 16māka ispi nēwāw ati āniskē pimātisitwāwē mina ota kita pē itohtēwak; cikēmā o macāyiwiniwāw āmaraitak namēskwa sākaskinēw. 17ki ihkin māka ispi kā pahkisimok, mina sāsāy ē wanitipiskāk, poti, ē samatāpatēk mina ē kwākotēk wāstēnamākan ē pimipayik tastawic tāskisāwācikana. 18#isihcikēwiniwāwa 7:5ēkospi māka ē kisikāk kā tipēyihcikēt ki wicihisicikēmēw ēprāma omisi ē itāt, kit awāsimisak ni miyāwak oma aski, icipt sipihk ohci kihci sipihk isko, yoparētis sipi. 19anihi kēnēita, mina kinisaita, mina kātmanaita, 20mina hitaita, mina pērisaita, mina ripēim, 21mina āmaraita, mina kēnanaita, mina karkasaita, mina cēpyosaita.

Currently Selected:

cēnisis 15: KKMR

Highlight

Copy