isihcikēwiniwāwa 7
7
1māwaci kihci ayamihēwiyini māka ki itwēw, ēkosi ci ohi tāpwē? 2#cēnisis 12:1ki itēw māka,
niciwāmitik mina otāwimātik, natotamok, kisēmanito kā kistēyitākosit, ki nokohisostawēw kotāwinawa ēprēām, mēkwāc mēsopotēmiyaihk ē ayāt, mwayēs hērānihk ot itāwinit, 3ēkosi ki itik, nakata kit aski, mina nakasik ki wākomākanak, ēkosi pē itohtē askihk anima kē wāpahtahitān. 4#cēnisis 11:31; cēnisis 12:4ēkwa tāpwē ki nakatam kāltiyan aski, mina ki ot itāwiniw hērānihk: ēkota māka ohci, ispi otāwiya ē poni pimātisiyit, kisēmanitowa ki ātotaik ota oma askihk, ita anohc kā ot itāwiniyēk: 5#cēnisis 12:7; 13:15; 15:18; 17:8māka namawiya ki miyik ēkota kita tipiyawēwisit, nama, namawāc ahpo ēspicisitēt kita takoskātahk: māka ki asotamāk kita miyikot kita tipiyawēwisit, mina ot awāsimisa āniskāc, ēkā cēskwa ē ot awāsimisit.
6 #
cēnisis 15:13,14 kisēmanitowa māka omisi ki itik, ot awāsimisa kita itasi ayāyit pitos askihk, ēkota māka kita awakāticik, mina kita māyitotācik, nēomitanaw tahto aski. 7#ēksatas 3:12anihi māka ayisiyiniwa kē awakātikocik ni ka oyasowātāwak, ki itwēw kisēmanito: mwēstas iyikohk māka kita pē sipwētēwak, ēkosi ota ni ka atoskākwak. 8#cēnisis 17:10-14; cēnisis 21:2-4; cēnisis 25:26; cēnisis 29:31—35:18ēkosi ki miyēw anima kiskinawāci asotamākēwin sarkamsaisiwiwi: ēkosi ēprēām ki nihtāwikihēw āisaka, mina ki sarkamsaisiwiēw ē ayinānēokisikāyik; mina āisak ki nihtāwikihēw cēkapa, mina cēkap ki nihtāwikihēw anihi mitātat nisosāp otāwimāwa. 9#cēnisis 37:11; cēnisis 37:28; cēnisis 39:2,21otāwimāwak māka, ē otēyimācik cosipa ki atāwākātēwak icipt askihk: māka kisēmanitowa ki wicēwik, 10#cēnisis 41:39-41mina ki paspihik kahkiyaw ot ayimisiwinihk, ki miyik mina miywēyimikowin mina iyinisiwin ē isi wāpamikot pērāwa icipt kihci okimāwa; ēkosi māka ki tipēyitamoik icipt aski mina misiwē wikiyiw. 11#cēnisis 42:1,2ēkwa māka ki otihcipayiw notēkatēwin misiwē icipt mina kēnan, mina mistahi kotakitāwin: kotāwinawak māka namawiya ki miskamwak miciwin. 12māka ispi cēkap piyēhtahk pakwēsikanikāna ē itāyit iciptihk, ki isitisawēw kotāwinawa nistam. 13#cēnisis 45:1; cēnisis 45:16kitwām māka ē itohtēyit cosip ki kiskēyitākoisostaēw ociwāma; ēkosi cosip itē wēhcit ki kiskēyitamoāw pēro. 14#cēnisis 45:9,10,17,18; cēnisis 46:27ēkwa māka cosip ki isitisahowēw, mina ki natomēw cēkapa otāwiya, asici kahkiyaw o wākomākana, tēpakohpomitanaw niyānan ayiwāk ahcāhkwak. 15#cēnisis 46:1-7; cēnisis 49:33cēkap māka ki itohtēw iciptihk; ēkosi ki poni pimātisiw, wiya, mina kotāwinawak; 16#cēnisis 23:3-16; 33:19; 50:7-13; cāsyoa 24:32ki itotaāwak māka anita sikēmihk, ēkosi ki pimisimāwak nahinitowikamikohk ēprēām kā ki atāmāt wāpiski soniyāwāpiskwa ē tipaamawāt okosisiyiwa hēmāra sikēmihk. 17#ēksatas 1:7,8māka iyikohk asotamākēwin kisiwāk ē ayāk, kisēmanito kā ki miyāt ēprēāma, ayisiyiniwak ki opikiwak mina ki yakiitowak iciptihk, 18piyis kotak kihci okimāw ki tipēyitam iciptihk ēkā ē kiskēyimāt cosipa. 19#ēksatas 1:10,11; ēksatas 1:22ēwako ki kakayēyisiwitotawēw ki wākomākaninawa, mina ki māyitotawēw kotāwinawa, kita wēpināyit ot apistawāsisimiyiwa ēkā kita pimātisiyit.
20 #
ēksatas 2:2
ēkospi māka mosis kā ki nokosit, ēkosi mistahi ki katawāsisiw; mina ki kanawēyimāw nisto pisim otāwiya o wāskāhikaniyihk: 21#ēksatas 2:3-10ispi māka ē wayawiwēpiniht, pēro otānisa ki otinik, ēkosi ki kanawēyimik wiya kita okosisit. 22mosis māka ki kiskinohamawāw kahkiyaw ot iyinisiwiniyiw icipsiyana; mina ki sokāyawisiw ot itwēwinihk mina ot isihcikēwinihk. 23#ēksatas 2:11-15māka ispi ēti pēswāpahtahk nēmitanaw kita itatopiponwēt ki isi miskwēyitam otēihk kita kiokawāt ociwāma isrēil ot awāsimisa. 24ē wāpamāt māka pēyak naspāc ē itotāmiht, ki nātamawēw, ki āpēēw anihi kā kitimaimiht, ē pakamawāt anihi icipsiyana: 25cikēmā kita nisitohtamwak ētokē ki itēyimēw ociwāma anima wiya ocihcihk kita ohci paspiikoyit kisēmanitowa; māka namawiya ki nisitohtamiyiwa. 26ēkosi mina wiyāpaniyik ki nokohisostawēw ē māsiitoyit, wi kipiciēw māka, ē itwēt, okimātik, kociwāmitonāwāw oma; tānēki kā māyitotātoyēk? 27māka ana kā māyitotawāt wiciayisiyiniwa ohpimē ki isi kwakonik, ē itwēyit. awēna kā itayisk kita tipēyimiyāhk mina kita oyasowāsiyāhk? 28ki wi nipain ci, kā ki isi nipaat ana icipsiyan otākosihk? 29#ēksatas 18:3,4ēkwa mosis ki tapasiw oma ē itwēwiht, mina ki itasi ayāw mitiyan askihk, ēkota māka ki nisiyiwa okosisa. 30#ēksatas 3:1-10ispi māka nēomitanaw aski ē tipipayik, okisikowa ki nokohisostāk ē pakwātaskiwahk saina waci, mēkwā ē kwākotēk piskokopāw. 31ispi māka mosis wiyāpahtahk, ki māmaskātam ē kanawāpahtahk: ēkosi kisiwāk ē itohtēt kita kanawāpahtahk ki otihtik ot itwēwin kā tipēyihcikēyit, 32niya o kisēmanitomiwāwa kotāwiyak, o kisēmanitoma ēprēam, mina aisak, mina cēkap. mosis māka ki nanamipayiw, ēkosi namawiya ki itāpiw. 33ēkosi māka kā tipēyihcikēyit omisi ki itit, kētaskisinē: cikēmā ita anima kā nipawiyan kanātan aski. 34mitoni ni ki wāpahtamwān o kotakitāwiniwāw nit iyinimak iciptihk kā ayācik, mina ni ki pētamwān o mātowiniwāw, ēkosi ni pē itohtān kita paspiakik: hāw māka, ki ka isitisahotin iciptihk. 35#ēksatas 2:14ohi mosisa kā ki ātawēyimācik, ē itwēcik, awēna kā ki itaisk kita tipēyimiyāhk mina kita oyasowāsiyāhk? ēwakwani kisēmanito ki isitisawēw kita napo tipēyimiwēyit mina paspiiwēyit kiki ocihciyiw okisikowa kā ki nokohisostākot piskokopāhk. 36#ēksatas 7:3; ēksatas 14:21; nampars 14:33awa nāpēw ki sipwētaēw, ē ki mamātāwi isihcikēt mina wāpahtahiwēt iciptihk, mina mikwākamiwi winipēkohk, mina pikwataskamikāhk nēomitanaw tahto aski.
37 #
tiyotaranami 18:15,18 ēwako ana mosis, kā ki itāt isrēil ot awāsimisa, okiskiwēhikēwa kisēmanito ki ka pasikonamākowāw kiciwāmiwāwak ohci, tāpiskoc niya. 38#ēksatas 19:1—20:17; tiyotaranami 5:1-33ēwako awa kā ki ayāt ayamihāwi māwaciitowinihk pikwataskihk ē wicēwāt okisikowa kā ki kitotikot sāina wacihk, mina kotāwinawa: kā ki otinahk pimātisiwi kakēskimiwēwina kita miyikoyahk: 39ēwakwani kotāwinawak ēkā kā ki wi nanaitawācik, māka kā ki asēnamāsocik, ēkosi ē ki kiwēcik otēiwāhk, iciptihk, 40#ēksatas 32:1ē itācik ērana, ositamawinān manitowak kita nikānotākoyakok: wiya awa mosis, iciptihk kā ki pē ohci sipwētaikoyahk, namawiya ni kiskēyitēnān tānitē ēyākwē. 41#ēksatas 32:2-6ki osiēwak māka mostososisa ēkospi ē kakisikāk, mina ki pētāwak ē macostēamawācik anihi manitokāna, mina ki mamahtākoikwak anima kā ki atoskātahkik ocihciwāwa ohci. 42#ēmās 5:25-27māka kisēmanito ki kwēskiw, ēkosi ki pakitinēw kita atoskawāyit kā osāmēyatoyit kisikohk; kā itasinahikātēk o masinahikaniwāhk okiskiwēhikēwak,
ki ki pakitinamawināwāw ci ē nipaihcik pisiskiwak mina macostēamākēwina nēomitanaw tahto aski pikwataskihk, ā kiyawā o wāskāhikanihk isrēil?
43māka ki ki otinamwānāwā o mikiwāp mālāk, mina ot ahcahkoma ana manito ripān, osihcikanak kā ki osiāyēkok kita kākisimototawāyēkok: ēkosi ki ka sipwētaitināwā awasitē pāpilanihk.
44 #
ēksatas 25:9,40 kotāwinawak ki ayāwak anima ācimowini mikiāp pikwataskihk, tāpiskoc kā ki itakitahk kā ki wihtamawāt mosisa, kita isitāt ē isinākwaniyik anima kā ki wāpahtahk. 45#cāsyoa 3:14-17ēwakwēyiw mina kotāwinawak, ē tāpiskamākēcik, ki pitokatāwak ē wicēwācik cāsyoa ispi ē pē ayācik ot itāwiniyihk nanātokoskān, kisēmanito kā ki wayawi tisināt o nikānimiyihk kotāwinawa, piyis ē o kisikāmit tēpit; 46#2 sāmyoil 7:1-16; 1 akinē ācimowina 17:1-14kā ki miskamwāt o miyo kitāpakēwiniyiw kisēmanitowa, ēkosi kā ki kakwēcikēmot kita ki miskamwāt ita kita wikiyit o kisēmanitoma cēkap. 47#1 kihci okimāwak 6:1-38; 2 akinē ācimowina 3:1-17māka sāloman ki wāskaikanikawēw.
48māka ēyiwēhk māmawēyas kā kicāyiwit namawiya wikiw wāskāhikanihk micihciya ē ki ohci osicikātēk; kā itwēt okiskiwēhikēw,
49 #
aysāya 66:1,2 kihci kisik ēwako ni kihci apiwin, mina aski notaspisitēsimonin: tāni towi wāskāhikan kē ositamawiyēk? itwēw kā tipēyihcikēt: ahpo tānanima ita ē aywēpiyān?
50nāma ci niya ni cihciya kā ki ohci ositāyān kahkiyaw ohi?
51 #
aysāya 63:10
kiyawāw kā sitawikwayawēyēk mina ēkā kā sarkansaisiwiyēk ki tēhiwāhk mina kihtawakāwāhk, kākikē ki nakāskawāwāw kā kanātisit ahcāhk: kā ki itotahkik kotāwiwāwak ēkosi kistawāw. 52tānānii okiskiwēhikēwa kotāwiwāwak ēkā kā kotakiācik? ēkosi ki nipaēwak anihi kā ki wāpahtahiwēyit niyāk kita takosiniyit okwayaskitātisiwa; ana kiyawāw ēkwa kā ki wayēsipakitināyēk mina kā ki nipahāyēk; 53kiyawāw kā ki miyikawiyēk oyasowēwin ē ki isi oyakitakik okisikowak, ēkā māka ē kanawēyitamēk.
54ispi māka ohi piyēhtahkik ki wisakaokwak otēiwāhk, ki kakiciskāpitēstawēwak māka. 55wiya māka, ē moskinēt kā kanātisiyit ahcāhkwa, ispimihk sohki ki itāpiw, ēkosi ki wāpahtam kisēmanitowā o kistēyitākosiwiniyiw, mina cisasa ē nipawiyit o kihciniskiyihk kisēmanitowa, ki itwēw māka, 56cist, ni wāpahtēn kihci kisik ē yotēnikātēk, mina iyiniwikosisān ē nipawit kisēmanitowa o kihciniskiyihk. 57māka ki mistahi tēpwēwak, mina ē ki kipitawakēnisocik ēkosi ē ki māmawi moskistawācik; 58ki wayawiwēpinēwak māka otēnāhk ohci, ēkosi ē ki pimwāpiskaācik: aniki māka otācimowak ki astāwak oskotākāwāwa ositiyihk oskinikiwa sāl ē isiyihkāsoyit. 59ki pimwāpiskaēwak māka istipina, ē mawimostawāyit kā tipēyihcikēyit, ē itwēyit, tēpēyihcikēyan cisas, otin nit ahcāhk. 60ki ocihcikwanapiw māka, mina ki isi mawimoscikēw ē kisiwēt, tēpēyihcikēyan, ēkāwiya oma maciitiwin okitamawik. ispi māka oma kā itwēt, ki kawikwasiw.
Currently Selected:
isihcikēwiniwāwa 7: KKMR
Highlight
Share
Copy

Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.