ᓭᐣᐟ ᓬᐅᐠ 22

1 # ᐁᐠᓴᑕᐢ 12:1-27 ᐁᑲᐧ ᒫᑲ ᐊᓂᒪ ᐃᐧᐦᑯᐦᑐᐃᐧᐣ ᐁᑳ ᑳ ᐱᓭᐧᑲᓱᐟ ᐸᑫᐧᓯᑲᐣ ᑭᓯᐋᐧᐠ ᑭ ᐊᔮᐤ, ᐊᓂᒪ ᒪᔮᐢᑯᑖᑐ ᐃᐧᐦᑯᐦᑐᐃᐧᐣ ᑳ ᐃᓯᔨᐦᑳᑌᐠ. 2ᐁᑯᓯ ᑭᐦᒋ ᐊᔭᒥᐦᐁᐃᐧᔨᓂᐊᐧᐠ ᒥᓇ ᒪᓯᓇᐦᐃᑫᐃᐧᔨᓂᐊᐧᐠ ᑭ ᓇᓇᑐᓇᒪᐧᐠ ᑖᓂᓯ ᑫ ᐃᓯ ᓂᐸᐦᐋᒋᐠ; ᐃᐧᔭ ᐁ ᑭ ᑯᐢᑖᒋᐠ ᐊᔨᓯᔨᓂᐊᐧ.

3ᐁᑯᓯ ᓭᑕᐣ ᑭ ᐱᒋᔭᐁᐧᐢᑲᐁᐧᐤ ᒍᑕᓴ, ᐃᐢᑳᕒᐃᐊᐟ ᑳ ᑭ ᐃᓯ ᐊᐢᐱᔨᑳᓱᐟ, ᑳ ᐊᓯᑕᑭᒥᐦᐟ ᐊᓂᐦᐃ ᒥᑖᑕᐦᐟ ᓂᓱᓵᑊ. 4ᑭ ᓯᐯᐧᑌᐤ ᒫᑲ ᒥᓇ ᑭ ᐃᐧᒋ ᐃᓯᐦᒋᑫᒣᐤ ᑭᐦᒋ ᐊᔭᒥᐦᐁᐃᐧᔨᓂᐊᐧ ᐊᓯᒋ ᓯᒫᑲᓂᓯᐃᐧᑭᒫᐊᐧ, ᑖᓂᓯ ᑫ ᑭ ᐃᓯ ᐸᑭᑎᓇᒪᐋᐧᐟ. 5ᐁᑯᓯ ᑭ ᒥᐁᐧᔨᑕᒥᔨᐊᐧ, ᐁ ᑭ ᐊᓱᑕᒫᑯᐟ ᒫᑲ ᑭᑕ ᒥᔨᑯᐟ ᓱᓂᔮᐊᐧ. 6ᑭ ᓇᐢᑯᒧ ᒫᑲ, ᒥᓇ ᐁ ᑭ ᓇᑐᓇᕽ ᐃᑕ ᑭᑕ ᓇᐃᐸᔨᔨᐠ ᑭᑕ ᐸᑭᑎᓇᒪᐋᐧᐟ ᒣᑳᐧᐨ ᐃᑕ ᐁᑳ ᐁ ᐊᔮᔨᐟ ᐊᔨᓯᔨᓂᐊᐧ.

7ᐁᑯᓯ ᐊᓂᒪ ᑭᓯᑳᐤ ᐁᑳ ᑳ ᐱᓭᐧᑲᓱᐟ ᐸᑫᐧᓯᑲᐣ ᑳ ᐋᐸᒋᐦᐃᐦᐟ ᑭ ᐅᑎᐦᒋᐸᔨᐤ, ᐃᑕ ᒪᔮᐢᑯᑖᑐ ᐃᐧᐦᑯᐦᑐᐃᐧᐣ ᑳ ᐃᑕᐢᑌᐠ ᑭᑕ ᓂᐸᑖᕽ. 8ᑭ ᐃᓯᑌᓴᐁᐧᐤ ᒫᑲ ᐱᑕᕒ ᐊᓯᒋ ᒑᐣ, ᐁ ᐃᑌᐧᐟ, ᓇᑕᐃᐧ ᑲᐧᔮᒋᑖᐠ ᒪᔮᐢᑯᑖᑐ ᐃᐧᐦᑯᐦᑐᐃᐧᐣ, ᑭᑕ ᒥᒋᔭᕽ. 9ᑭ ᐃᑌᐊᐧᐠ ᒫᑲ, ᑖᓂᑌ ᐁᑌᔨᑕᒪᐣ ᑭᑕ ᑲᐧᔭᒋᑖᔮᕽ? 10ᐁᑯᓯ ᑭ ᐃᑌᐤ, ᒋᐢᐟ, ᐃᐢᐱ ᑭ ᐱᐦᑐᑫᔦᑯ ᐅᑌᓈᕽ, ᑭ ᑲ ᓇᑭᐢᑲᐋᐧᐋᐧᐤ ᓈᐯᐤ ᐁ ᐱᒥᐃᐧᑕᐟ ᓂᐱᐩ ᐊᓯᐊᐧᒋᑲᓂᕽ; ᐱᒥᑎᓴᐅᕽ, ᒥᓇ ᐱᐦᑐᑫᐃᐧᒉᐃᐧᕽ ᐋᐧᐢᑳᐦᐃᑲᓂᕽ ᐃᑕ ᐊᓂᒪ ᑫ ᐃᓯ ᐱᐦᑐᑫᐟ. 11ᑭ ᑲ ᐃᑖᐋᐧᐤ ᒫᑲ ᑳ ᑎᐯᔨᑕᕽ ᐋᐧᐢᑳᐦᐃᑲᐣ, ᐅᑭᐢᑭᓄᐦᐊᒫᑫᐤ ᑭᑎᐠ, ᑖᓂᑕ ᐁᔮᐠ, ᐅᑭᐅᑫᐃᐧᑲᒥᐠ, ᐃᑕ ᑫ ᐃᐧᒋ ᒥᒋᓱᒪᑭᐠ ᓂ ᑭᐢᑭᓄᐦᐊᒪᐋᐧᑲᓇᐠ ᒪᔮᐢᑯᑖᑐ ᐃᐧᐦᑯᐦᑐᐃᐧᐣ? 12ᑭ ᑲ ᐋᐧᐸᐦᑕᐦᐃᑯᐋᐧᐤ ᒫᑲ ᐁ ᐱᐢᑭᒋ ᑭᐸᐦᐃᑳᑌᔨᐠ ᐃᐢᐱᒥᕽ, ᐁ ᒪᐦᑭ ᑕᐋᐧᔨᐠ ᐁ ᑲᐧᔭᑕᓂᔨᐠ; ᐁᑯᑕ ᑲᐧᔭᒋᑖᐠ. 13ᑭ ᐃᑐᐦᑌᐊᐧᐠ ᒫᑲ, ᒥᓇ ᐁ ᑭ ᐃᓯ ᒥᐢᑲᐦᑭᐠ ᐊᓂᒪ ᑳ ᑭ ᐃᑎᑯᒋᐠ: ᐁᑯᑕ ᒫᑲ ᐁ ᑭ ᑲᐧᔮᒋᑖᒋᐠ ᒪᔮᐢᑯᑖᑐ ᐃᐧᐦᑯᐦᑐᐃᐧᐣ.

14ᐁᑯᓯ ᐃᐢᐱ ᑎᐸᐃᑲᐣ ᐁᐧᑎᒋᐸᔨᐠ, ᑭ ᓇᐦᐊᐱᐤ ᐊᓯᒋ ᐅ ᑭᐢᑭᓄᐦᐊᒪᐋᐧᑲᓇ. 15ᐁᑯᓯ ᑭ ᐃᑌᐤ, ᒧᐢᑕᐁᐧᔨᑕᒧᐃᐧᓂᕽ ᑭ ᑭ ᓄᐦᑌ ᐃᐧᒋ ᒥᒋᓱᒥᑎᓈᐋᐧᐤ ᐅᒪ ᒪᔮᐢᑯᑖᑐ ᐃᐧᐦᑯᐦᑐᐃᐧᐣ ᐁ ᒪᐧᔦ ᑲᑲᐧᑕᑭᑖᔮᐣ; 16ᒋᑫᒫ ᑭᐟ ᐃᑎᓈᐋᐧᐤ, ᓇᒪᐃᐧᔭ ᓂ ᑲ ᒥᒋᐣ, ᐹᑎᒫ ᑭ ᑎᐱᐸᔨᑭ ᐅᐟ ᐅᑌᓇᐃᐧᐃᐧᓂᕽ ᑭᓭᒪᓂᑐ. 17ᑭ ᐅᑎᓇᒼ ᒫᑲ ᒥᓂᑳᐧᑲᐣ, ᒥᓇ ᐁ ᑭ ᓇᓈᐢᑯᒧᐟ, ᑭ ᐃᑌᐧᐤ, ᐅᑎᓇᒧᐠ ᐅᒪ, ᒥᓇ ᒪᑎᓇᒫᑐᐠ; 18ᒋᑫᒫ ᑭᐟ ᐃᑎᓈᐋᐧᐤ, ᓇᒪᐃᐧᔭ ᓂ ᑲ ᒥᓂᑳᐧᐣ ᐊᓄᐦᐨ ᐅᐦᒋ ᐁ ᐁᓯ ᒥᓂᓯᐃᐧᐟ ᓱᒥᓇᑎᐠ, ᐹᑎᒫ ᐅᑎᐦᒋᐸᔨᑭ ᐅᑐᑌᓇᐃᐧᐃᐧᐣ ᑭᓭᒪᓂᑐ.

19ᐁᑯᓯ ᑭ ᐅᑎᓀᐤ ᐸᑫᐧᓯᑲᓇ, ᐃᐢᐱ ᒫᑲ ᑳ ᓇᓈᐢᑯᒧᐟ, ᑭ ᐸᑫᐧᓀᐤ, ᐁᑯᓯ ᐁ ᑭ ᒥᔮᐟ, ᐁ ᐃᑌᐧᐟ, ᐁᐊᐧᑯᒪ ᓂᔭᐤ ᑳ ᒣᑭᓇᓂᐊᐧᕽ ᑭᔭᐋᐧᐤ ᐅᐦᒋ: ᑐᑕᒧᐠ ᐅᒪ ᐁ ᑭᐢᑭᓯᑐᑕᐃᐧᔦᐠ. 20#ᒉᕒᐃᒫᔭ 31:31-34ᒥᓇ ᐁᑯᓯ ᒣᐧᐦᒋ ᒥᓂᑳᐧᑲᐣ, ᑳ ᑎᐱᐢᑭᓀᑫᐧᒋᐠ, ᐁ ᐃᑌᐧᐟ, ᐅᒪ ᒥᓂᑳᐧᑲᐣ ᐁᐊᐧᑯ ᐅᐢᑭ ᐃᓯᑕᐧᐃᐧᐣ ᓂ ᒥᑯᕽ, ᐊᓂᒪ ᑳ ᓯᑭᓂᑲᑌᐠ ᑭᔭᐋᐧᐤ ᐅᐦᒋ.

21 # ᓂᑲᒧᓇ 41:9 ᒫᑲ ᒫᑎᑲ, ᐅᒋᐦᒋ ᐊᓇ ᑳ ᐊᐧᔦᓯᐸᑭᑎᓂᐟ ᐅᑕ ᑭᑭ ᐊᔮᔨᐤ ᒥᒋᓱᐃᐧᓈᑎᑯᕽ. 22ᑖᐯᐧ ᐊᓂ ᐃᔨᓂᐃᐧᑯᓯᓵᐣ ᐃᐢᐸᔨ ᒣᐧᐦᒋ ᐊᓂᒪ ᑳ ᑭ ᐃᑕᑭᒥᑯᐃᐧᓯᐟ: ᒫᑲ ᑲᑳᐧᑕᑭᓯᐤ ᐊᓇ ᐊᔨᓯᔨᓂᐤ ᑳ ᐊᐧᔦᓯᐸᑭᑎᓈᐟ! 23ᐁᑯᓯ ᑭ ᒪᒋ ᑲᑫᐧᒋᑐᐊᐧᐠ, ᑖᓈᓇ ᐃᐧᔭᐋᐧᐤ ᐅᐦᒋ ᐅᒪ ᑫ ᑐᑕᕽ.

24 # ᒫᐟᔪ 18:1; ᒫᕒᐠ 9:34; ᓬᐅᐠ 9:46 ᐁᑲᐧ ᒥᓇ ᑭ ᒫᒋ ᑲᑭᑭᑐᐊᐧᐠ, ᑖᓈᓇ ᐃᐧᔭᐋᐧᐤ ᐅᐦᒋ ᑫ ᒫᐊᐧᒋ ᑭᐢᑕᑭᒥᐦᐟ. 25ᐁᑯᓯ ᑭ ᐃᑌᐤ, ᐅ ᑭᐦᒋ ᐅᑭᒫᒥᐋᐧᐊᐧ ᒉᐣᑕᐃᓬᐊᐠ ᑎᐯᔨᒥᑲᐧᐠ; ᐁᑯᓯ ᐊᓂᐦᐃ ᑳ ᑎᐯᔨᒥᑯᒋᐠ ᐅᒥᔪᑐᑌᐢᑕᒪᑫᐊᐧᐠ ᐃᓯᔨᐦᑳᑖᐊᐧᐠ. 26#ᒫᐟᔪ 23:11; ᒫᕒᐠ 9:35#ᒫᐟᔪ 20:25-27; ᒫᕒᐠ 10:42-44ᒫᑲ ᑭᔭᐋᐧᐤ ᓇᒪᐃᐧᔭ ᐁᑯᓯ ᑭ ᑲ ᐃᓯ ᐊᔮᓈᐋᐧᐤ; ᒫᑲ ᐊᓇ ᓇᐊᐧᐨ ᐁ ᓂᑳᓀᔨᑖᑯᓯᐟ ᑭᔭᐋᐧᐤ, ᑭᔮᒼ ᑖᐱᐢᑯ ᐅᓯᒥᒫᐤ ᑭᑕ ᐃᑌᔨᑖᑯᓯᐤ; ᒥᓇ ᐊᓇ ᑳ ᓂᑳᓀᔨᑖᑯᓯᐟ ᑖᐱᐢᑯ ᐊᓇ ᑳ ᐸᒥᐢᑖᑫᐟ. 27#ᒑᐣ 13:12-15ᒋᑫᒫ ᐊᐁᐧᓇ ᓇᐊᐧᐨ ᐊᐊᐧᓯᒣ ᐁᑌᔨᑖᑯᓯᐟ, ᑳ ᒥᒋᓱᐟ, ᐊᐁᐧᑳ ᐊᓇ ᑳ ᐸᒥᐢᑕᑫᐟ? ᓇᒪ ᒋ ᐊᓇ ᑳ ᐊᐱᐟ ᐁ ᒥᒋᓱᐟ? ᓂᔭ ᒫᑲ ᑭ ᐃᐧᒉᐃᐧᑎᓈᐋᐧᐤ ᑖᐱᐢᑯᐨ ᐊᓇ ᑳ ᐸᒥᐢᑖᑫᐧᐟ. 28ᑭᔭᐋᐧᐤ ᒫᑲ ᑳ ᑭ ᐯ ᐃᐧᒋ ᐊᔮᒥᔦᐠ ᓂ ᑯᑌᔨᒥᑯᐃᐧᓂᕽ; 29ᐁᑯᓯ ᒫᑲ ᑯᔭᑭᑕᒫᑎᓈᐋᐧᐤ ᐅᑌᓇᐃᐧᐃᐧᐣ. ᑖᐱᐢᑯᐨ ᓄᑖᐃᐧ ᑳ ᐃᓯ ᐅᔭᑭᑕᒪᐃᐧᐟ, 30#ᒫᐟᔪ 19:28ᑭᑕ ᒥᒋᓱᔦᐠ ᒥᓇ ᑭᑕ ᒥᓂᑫᐧᔦᐠ ᓂ ᒥᒋᓱᐃᐧᓈᑎᑯᕽ ᓂᐟ ᐅᑌᓇᐃᐧᐃᐧᓂᕽ; ᒥᓇ ᒫᑲ ᑭᑕ ᐊᐱᔦᐠ ᑭᐦᒋ ᐅᑭᒫᐊᐧᐱᐃᐧᓂᕽ ᐁ ᐅᔭᓱᐋᐧᑖᔦᑯᐠ ᒥᑖᑕᐟ ᓂᓱᓵᑊ ᑳ ᐃᑕᑐᑌᐃᐧᓯᐟ ᐃᐢᕒᐁᐃᓬ.

31ᓴᐃᒪᐣ, ᓴᐃᒪᐣ, ᒫᑎᑲ, ᓭᑕᐣ ᑭ ᓇᑕᐁᐧᔨᑕᒼ ᑭᑕ ᐊᔮᐃᐧᑯᔦᐠ, ᑖᐱᐢᑯᐨ ᐸᑫᐧᓯᑲᓂᑲᐣ ᑭᑕ ᐃᓯ ᐸᐊᐧᐢᑎᒥᑯᔦᐠ: 32ᒫᑲ ᑭ ᑭ ᐊᔭᒥᐦᐁᐢᑕᒫᑎᐣ, ᑭ ᑖᐯᐧᔦᔨᑕᒧᐃᐧᐣ ᐁᑳ ᑭᑕ ᓄᑌᐸᔨᐠ: ᐃᐢᐱ ᒫᑲ ᑫᐧᐢᑭᓂᑯᐃᐧᓯᔭᓂ, ᒪᐢᑲᐃᐧᓯᐦᐃᐠ ᑭᒋᐋᐧᒪᐠ. 33ᑭ ᐃᑎᐠ ᒫᑲ, ᑳ ᑎᐯᔨᐦᒋᑫᔭᐣ, ᓂ ᑌᐯᔨᒧᐣ ᑭᑕ ᐃᐧᒉᐃᐧᑖᐣ ᑭᐸᐦᐅᑐᐃᐧᓂᕽ ᐃᓯ ᒥᓇ ᓂᐳᐃᐧᓂᕽ. 34ᐁᑯᓯ ᑭ ᐃᑌᐧᐤ, ᑭ ᐃᐧᐦᑕᒫᑎᐣ ᐱᑕᕒ, ᐸᑲᐋᑳᐧᐣ ᐊᓄᐦᐨ ᑫ ᑭᓯᑳᐠ ᓇᒪᐃᐧᔭ ᑭᑕ ᐯᐦᑖᑯᓯᐤ, ᐹᑐᐢ ᐃᔨᑯᕽ ᓂᐢᑖᐧᐤ ᑭ ᐋᓀᐧᑕᒪᓂ ᐁ ᑭᐢᑫᔨᒥᔭᐣ.

35 # ᒫᐟᔪ 10:9,10; ᒫᕒᐠ 6:8,9; ᓬᐅᐠ 9:3; 10:4 ᒥᓇ ᒫᑲ ᑭ ᐃᑌᐤ, ᐃᐢᐱ ᑳ ᓯᐯᐧᑎᓴᐦᐅᑕᑯᐠ ᐁᑳ ᐁ ᐊᔮᔦᐠ ᓱᓂᔮᐃᐧᐊᐧᑎᐢ ᐊᐦᐳ ᒪᐢᑭᒧᐟ, ᐊᐦᐳ ᒪᐢᑭᓯᓇ, ᑫᑲᐧᐩ ᒋ ᑭ ᑭ ᑭᐧᑕᒫᓈᐋᐧᐤ? ᐁᑯᓯ ᑭ ᐃᑌᐧᐊᐧᐠ, ᓇᒪ ᑫᑲᐧᐩ. 36ᐁᑯᓯ ᑭ ᐃᑌᐤ, ᒫᑲ ᐁᑲᐧ ᐊᓇ ᑳ ᐊᔮᐟ ᓱᓂᔮᐃᐧᐊᐧᑎᐢ, ᑭᔮᒼ ᑭᑕ ᐅᑎᓇᒼ, ᐁᑯᓯ ᒥᓇ ᒪᐢᑭᒧᐟ; ᐊᓇ ᒫᑲ ᐁᑳ ᑳ ᐊᔮᐟ ᐃᓴᐁᐧᐢᐠ, ᑭᔮᒼ ᑭᑕ ᐊᑕᐊᐧᑫᐤ ᐅᐢᑯᑕᑲᐩ, ᐁᑯᓯ ᑭᑕ ᐊᑖᐁᐧᐤ. 37#ᐊᐩᓵᔭ 53:12ᒋᑫᒫ ᑭᐟ ᐃᑎᓈᐋᐧᐤ, ᐅᒪ ᑳ ᒪᓯᓇᐃᑳᑌᐠ ᐱᑯ ᑭᑕ ᑎᐱᐸᔨᑕᒫᑲᐃᐧᔮᐣ, ᑭ ᐊᓯᑕᑭᒫᐤ ᐅ ᒪᒋᐃᑎᐢᑲ: ᒋᑫᒫ ᐊᓂᐦᐃ ᓂᔭ ᑳ ᑕᓯᒥᑯᔮᐣ ᑭᑕ ᑎᐱᐸᔨᐊᐧ. 38ᐁᑯᓯ ᑭ ᐃᑌᐧᐊᐧᐠ, ᑳ ᑎᐯᔨᐦᒋᑫᔭᐣ, ᒋᐢᐟ, ᐅᐦᐃ, ᓂᓱ ᐃᓴᐁᐧᐢᑲ. ᑭ ᐃᑌᐤ ᒫᑲ, ᐁᑯᔨᑯᕽ.

39ᑭ ᐯ ᐊᐧᔭᐃᐧᐤ ᒫᑲ, ᒥᓇ ᑭ ᐃᑐᐦᑌᐤ, ᑳ ᓀᑳᒥ ᐃᑐᑕᕽ, ᐋᓬᐃᑊᐢ ᐊᐧᒋᕽ; ᐁᑯᓯ ᐅ ᑭᐢᑭᓄᐦᐊᒪᐋᐧᑲᓇ ᒥᓇ ᑭ ᐱᒥᑎᓴᐦᐅᐠ. 40ᐃᐢᐱ ᒫᑲ ᑌᑯᓯᕽ ᐁᑯᑕ, ᑭ ᐃᑌᐤ, ᐊᔭᒥᐊᐠ ᐁᑳ ᑭᑕ ᐃᑐᑌᔦᐠ ᑯᑌᔨᒥᑯᐃᐧᓂᕽ. 41ᑭ ᓇᑲᑌᐤ ᒫᑲ, ᓈᓂᑐᐤ ᐃᔨᑯᕽ ᑭᑕ ᑭ ᐱᒧᓯᓀᕽ; ᐁᑯᓯ ᑭ ᐅᒋᒋᑲᐧᓇᐱᐤ ᐁ ᐊᔭᒥᐊᐟ, 42ᐁ ᐃᑌᐧᐟ, ᓄᑕ, ᑭᐢᐱᐣ ᐁᑌᔨᑕᒧᐊᐧᓀ, ᐃᑲᑌᓇᒪᐃᐧᐣ ᐅᒪ ᒥᓂᑳᐧᒋᑲᐣ: ᒫᑲ ᓇᒪᐃᐧᔭ ᓂᔭ ᐁ ᐃᑌᔨᑕᒫᐣ, ᒫᑲ ᑭᔭ, ᑭᑕ ᐃᐧ ᑐᒋᑳᑌᐤ. 43ᑭ ᓄᑯᐅᑐᑖᐠ ᒫᑲ ᐅᑭᓯᑯᐊᐧ ᑭᐦᒋ ᑭᓯᑯᕽ ᐅᐦᒋ, ᐁ ᓯᑐᐢᑳᑯᐟ. 44ᐁᑯᓯ ᓇᐢᐱᐨ ᐁ ᑲᑲᐧᑕᑫᔨᒧᐟ, ᐊᐊᐧᓯᒣ ᑭ ᐋᑲᒣᔨᒧ ᐁ ᐊᔭᒥᐦᐋᐟ: ᐱᔨᐢ ᐅᐟ ᐊᐯᐧᓯᐃᐧᐣ ᑭ ᐃᓯ ᐊᔭᔨᐤ ᑖᐱᐢᑯᐨ ᐁ ᒪᑭ ᐸᐸᑭᑲᐊᐧᓇᔨᐠ ᒥᐦᑯ ᐊᐢᑭᕽ. 45ᐃᐢᐱ ᒫᑲ ᑳ ᐸᓯᑯᐟ ᐅ ᒪᐃᐧᒧᐢᒋᑫᐃᐧᓂᕽ ᐅᐦᒋ, ᑭ ᐯ ᓇᑌᐤ ᐅ ᑭᐢᑭᓄᐦᐊᒪᐋᐧᑲᓇ, ᑭ ᒥᐢᑲᐁᐧᐤ ᒫᑲ ᐁ ᓂᐹᔨᐟ ᑭᓯᓇᑌᔨᑕᒧᐃᐧᐣ ᐅᐦᒋ, 46ᐁᑯᓯ ᑭ ᐃᑌᐤ, ᑖᓀᑭ ᑳ ᓂᐹᔦᐠ? ᐊᐧᓂᐢᑳᐠ ᒥᓇ ᐊᔭᒥᐦᐋᐠ, ᐁᑳ ᑭᑕ ᐊᔮᔦᐠ ᑯᑌᔨᒥᑯᐃᐧᓂᕽ.

47ᒣᑳᐧᐨ ᒫᑲ ᐁ ᐱᑭᐢᑫᐧᐟ, ᒋᐢᐟ, ᒥᐦᒉᐟ ᐊᔨᓯᔨᓂᐊᐧ, ᐊᓯᒋ ᐊᓇ ᒍᑕᐢ ᑳ ᐃᓯᔨᐦᑳᑎᐟ, ᐁᐊᐧᑯ ᐯᔭᐠ ᐊᓂᑭ ᒥᑖᑕᐟ ᓂᓱᓵᑊ, ᐁ ᓂᑲᓄᑕᐋᐧᐟ; ᐁᑯᓯ ᑭᓯᐊᐧᐠ ᐁ ᑭ ᐊᑎ ᓇᑕᐟ ᒋᓴᓴ ᐁ ᐃᐧ ᐅᒉᒫᐟ. 48ᒫᑲ ᒋᓴᐢ ᑭ ᐃᑌᐤ, ᒍᑕᐢ, ᑭ ᐊᐧᔦᓯᐸᑭᑎᓈᐤ ᒋ ᐃᔨᓂᐃᐧᑯᓯᓵᐣ ᐁ ᐅᒉᒪᐟ? 49ᐃᐢᐱ ᒫᑲ ᐊᓂᐦᐃ ᑳ ᐃᐧᒉᑯᐟ, ᐃᐧᔮᐸᐦᑕᒥᔨᐟ ᑖᓂᓯ ᐁ ᐃᐧ ᐃᐢᐸᔨᔨᐠ, ᑭ ᐃᑌᐧᐊᐧᐠ, ᑳ ᑎᐯᔨᐦᒋᑫᔭᐣ, ᓂ ᑲ ᐸᑲᒪᐃᑳᓈᐣ ᒋ ᐁᑲᐧ ᐃᓴᐁᐧᐢᐠ ᐅᐦᒋ?

50ᐁᑯᓯ ᐯᔭᐠ ᐃᐧᔭᐋᐧᐤ ᐅᐦᒋ ᑭ ᐸᑲᒪᐁᐧᐤ ᐅᐟ ᐊᑐᐢᑫᔮᑲᓂᔨᐊᐧ ᑭᐦᒋ ᐊᔭᒥᐦᐁᐃᐧᔨᓂᐊᐧ, ᒥᓇ ᐁ ᑭ ᑭᐢᑭᐁᐧᐸᐊᒫᐧᐟ ᐅᑕᐊᐧᑳᔨᐤ ᑭᐦᒋ ᓂᐢᑭᕽ ᐃᑌᑫ. 51ᒫᑲ ᒋᓴᐢ ᐁ ᓇᐢᑫᐧᐊᐧᓯᑖᐧᐠ ᑭ ᐃᑌᐧᐤ, ᐁᑯᔨᑯᕽ ᑭᔮᒼ, ᐁᑯᓯ ᑭ ᑖᑭᓇᒣᐧᐤ ᐅᑕᐊᐧᑲᔨᐤ, ᐁᑯᓯ ᐁ ᑭ ᐃᔨᓂᑲᐋᐧᐟ. 52ᒋᓴᐢ ᒫᑲ ᑭ ᐃᑌᐤ ᑭᐦᒋ ᐊᔭᒥᐦᐁᐃᐧᔨᓂᐊᐧ, ᒥᓇ ᓯᒫᑲᓂᓯᐃᐧᑭᒫᐊᐧ ᑭᐦᒋ ᐊᔭᒥᐦᐁᐃᐧᑲᒥᑯᕽ ᐅᐦᒋ ᐊᓯᒋ ᑳ ᓂᑳᓀᔨᑖᑯᓯᔨᐟ ᑳ ᐯ ᓈᑎᑯᐟ, ᑭ ᐯ ᐃᑐᐦᑖᓈᐋᐧᐣ, ᒋ, ᑖᐱᐢᑯᐨ ᐅᑭᒧᑎᐢᐠ ᐁ ᒪᐃᐧᓀᐢᑲᐋᐧᔦᐠ, ᐃᓴᐁᐧᐢᑲ ᒥᓇ ᒥᐢᑎᑯ ᐸᑲᒫᑲᓇ ᐁ ᐯ ᑕᑯᓇᒣᐠ? 53#ᓬᐅᐠ 19:47; 21:37ᒣᑳᐧᐨ ᑕᐦᑐ ᑭᓯᑳᐤ ᐁ ᐃᐧᒉᐃᐧᑕᑯᐠ ᑭᐦᒋ ᐊᔭᒥᐦᐁᐃᐧᑲᒥᑯᕽ, ᓇᒪᐃᐧᔭ ᑭ ᑭ ᓱᐃᐧᓂᐢᑫᐢᑕᐃᐧᓈᐋᐧᐤ: ᒫᑲ ᐁᐊᐧᑯᒪ ᑭᔭᐋᐧᐤ ᑭ ᑎᐸᐃᑲᓂᐋᐧᐤ, ᒥᓇ ᐁ ᐃᓯ ᒪᐢᑲᐃᐧᓯᒪᑲᕽ ᐊᐧᓂᑎᐱᐢᑳᐤ.

54ᐁᑲᐧ ᒫᑲ ᑭ ᐅᑎᑎᓂᐠ, ᐁ ᑭ ᐃᑐᑕᐦᐃᑯᐟ ᒫᐊᐧᒋ ᑭᐦᒋ ᐊᔭᒥᐦᐁᐃᐧᔨᓂᐊᐧ ᐃᐧᑭᔨᕽ. ᐱᑕᕒ ᒫᑲ ᐋᐧᔭᐤ ᑭ ᐅᐦᒋ ᐱᒥᑎᓴᐃᑫᐤ. 55ᐃᐢᐱ ᒫᑲ ᑳ ᑯᑕᐁᐧᒋᐠ ᑖᐊᐧᔨᕽ ᐋᐧᐢᑳᐦᐃᑲᓂᕽ, ᒥᓇ ᑳ ᒫᒪᐃᐧ ᓇᐦᐊᐱᒋᐠ, ᐱᑕᕒ ᒣᑳᐧ ᐊᔨᕽ ᐃᐧᐢᑕ ᑭ ᓇᐦᐊᐱᐤ. 56ᐯᔭᐠ ᒫᑲ ᐅᐢᑭᓂᑭᐢᑫᐧᐊᐧ ᑭ ᐋᐧᐸᒥᐠ, ᒣᑳᐧ ᒋᑭ ᐃᐢᑯᑌᕽ ᐁ ᐊᐱᐟ, ᓱᑭ ᒫᑲ ᐁ ᑲᓇᐊᐧᐸᒥᑯᐟ, ᑭ ᐃᑌᐧᔨᐊᐧ, ᐊᐊᐧ ᓈᐯᐤ ᐃᐧᐢᑕ ᑭ ᐃᐧᒉᐁᐧᐤ. 57ᑭ ᐋᓀᐧᑕᒼ ᒫᑲ, ᐁ ᐃᑌᐧᐟ, ᐃᐢᑫᐧᐤ, ᓇᒪᐃᐧᔭ ᓂ ᑭᐢᑫᔨᒫᐤ. 58ᐁᑯᓯ ᓈᑫᐢ ᒥᓇ ᑯᑕᑲ ᑭ ᐊᐧᐸᒥᐠ, ᐁ ᑭ ᐃᑌᐧᔨᐟ, ᑭᐢᑕ ᐯᔭᐠ ᐅ ᐃᐧᒉᐋᐧᑲᓂᐋᐧᐊᐧ. ᒫᑲ ᐱᑕᕒ ᑭ ᐃᑌᐧᐤ, ᓈᐯᐤ, ᓇᒪᔦᐤ ᓂᔭ ᐯᔭᐠ. 59ᐁᑯᓯ ᓇᐣᑕᐤ ᐯᔭᐠ ᑎᐸᐃᑲᐣ ᑳ ᐃᐢᐸᔨᐠ, ᑯᑕᑲ ᑭ ᐃᑌᐧᔨᐊᐧ, ᐁ ᑫᒋᓇᐅᔨᐟ, ᑖᐯᐧ ᐊᐊᐧ ᓈᐯᐤ ᐃᐧᐢᑕ ᑭ ᐃᐧᒉᐁᐧᐤ; ᒋᑫᒫ ᑳᓬᐃᓬᐃᐃᐧᔨᓂᐃᐧᐤ. 60ᒫᑲ ᐱᑕᕒ ᑭ ᐃᑌᐧᐤ, ᓈᐯᐤ, ᓇᒪᐃᐧᔭ ᓂ ᑭᐢᑫᔨᑌᐣ ᐊᓂᒪ ᑳ ᐃᑌᐧᔭᐣ. ᓭᒫᐠ ᒫᑲ, ᒣᑳᐧᐨ ᐁ ᐱᑭᐢᑫᐧᐟ, ᐹᑲᐋᑳᐧᐣ ᑭ ᐯᐦᑖᑯᓯᐤ. 61ᐁᑯᓯ ᑳ ᑎᐯᔨᐦᒋᑫᐟ ᑭ ᑫᐧᐢᑭᐤ, ᐁ ᑭ ᑲᓇᐋᐧᐸᒫᐟ ᐱᑕᕒᐊ, ᐱᑕᕒ ᒫᑲ ᑭ ᑭᐢᑭᓱᐸᔨᐤ ᐅᐟ ᐃᑌᐧᐃᐧᓂᔨᐤ ᑳ ᑎᐯᔨᐦᒋᑫᔨᐟ, ᑳ ᑭ ᐃᑎᑯᐟ, ᒪᐧᔦᐢ ᐯᐦᑖᑯᓯᐟ ᐹᑲᐋᑳᐧᐣ ᐊᓄᐦᐨ ᑫ ᑭᓯᑳᐠ ᓂᐢᑖᐧᐤ ᑭ ᑲ ᐋᓀᐧᑌᐣ ᐁ ᑭᐢᑫᔨᒥᔭᐣ. 62ᐁᑯᓯ ᒫᑲ ᑭ ᐊᐧᔭᐃᐧᐤ, ᒥᐢᑕᐦᐃ ᐁ ᑭ ᐊᐧᐄᐧᓴᑲᑌᐧᒧᐟ.

63ᐊᓂᑭ ᓈᐯᐊᐧᐠ ᒫᑲ ᑳ ᒥᒋᒥᓈᒋᐠ ᒋᓴᓴ, ᑭ ᒣᑕᐋᐧᑲᑌᐊᐧᐠ ᒥᓇ ᑭ ᐸᐸᑲᒪᐁᐧᐊᐧᐠ. 64ᐃᐢᐱ ᒫᑲ ᑳ ᐊᑯᔮᐸᐱᑖᒋᐠ, ᑭ ᐸᓯᑫᐧᐁᐧᐊᐧᐠ ᐁ ᑭ ᑲᑫᐧᒋᒫᒋᐠ ᒫᑲ, ᐁ ᐃᑌᐧᒋᐠ, ᑭᐢᑭᐁᐧᐦᐃᑫ: ᐊᐁᐧᓇ ᑳ ᐸᑲᒪᐦᐅᐢᐠ: 65ᒥᓇ ᒥᐦᒉᐟ ᑯᑕᑲ ᑫᑲᐧᔭ ᑭ ᐊᔨᑌᐊᐧᐠ, ᐁ ᐸᐱᐃᐧᒫᒋᐠ.

66ᒪᔭᐤ ᒫᑲ ᐁ ᑭᓯᑳᔨᐠ, ᑳ ᓂᑳᓀᔨᑖᑯᓯᒋᐠ ᐊᔨᓯᔨᓂᐊᐧᐠ ᒫᒪᐃᐧ ᐊᓯᒋ ᑭᐦᒋ ᐊᔭᒥᐦᐁᐃᐧᔨᓂᐊᐧᐠ ᒥᓇ ᒪᓯᓇᐦᐃᑫᐃᐧᔨᓂᐊᐧᐠ ᑭ ᒫᐊᐧᒋᐃᑐᐊᐧᐠ; ᐁ ᑭ ᐃᑐᐦᑕᐋᒋᐠ ᒫᑲ ᐃᑕ ᐁ ᐃᓯ ᒪᒪᐊᐧᐱᒋᐠ ᐁ ᐃᑌᐧᒋᐠ, 67ᑭᐢᐱᐣ ᑭᔭ ᙭, ᐃᐧᐦᑕᒪᐃᐧᓈᐣ, ᒫᑲ ᑭ ᐃᑌᐤ, ᑭᐢᐱᐣ ᐋᑕ ᐃᐧᐦᑕᒪᑕᑯᐠ, ᓇᒪᐃᐧᔭ ᑭ ᑲ ᑖᐯᐧᑌᓈᐋᐧᐤ. 68ᐁᑯᓯ ᑭᐢᐱᐣ ᓂᐢᑕ ᑲᑫᐧᒋᒥᑕᑳᐧᐃᐧ, ᓇᒪᐃᐧᔭ ᑭ ᑲ ᓇᐢᑫᐧᐊᐧᓯᒥᓈᐋᐧ. 69ᒫᑲ ᐹᑎᒫ ᐃᔨᓂᐃᐧᑯᓯᓵᐣ ᑭᑕ ᐊᐱᐤ ᐃᑕ ᐁ ᐃᓯ ᐅᑭᒋᓂᐢᑭᐊᐧᕽ ᐅ ᒪᐢᑲᐃᐧᓯᐃᐧᐣ ᑭᓭᒪᓂᑐ. 70ᐁᑯᓯ ᑲᐦᑭᔭᐤ ᑭ ᐃᑌᐧᐊᐧᐠ, ᑭᔮ ᒋ ᒫᑲ ᑭᓭᒪᓂᑐ ᐅᑯᓯᓴ? ᑭ ᐃᑌᐤ ᒫᑲ, ᑭᐟ ᐃᑖᐧᓈᐋᐧᐤ ᓂᔭ ᐁᐊᐧᑯ. 71ᐁᑲᐧ ᑭ ᐃᑌᐧᐊᐧᐠ, ᑫᑲᐧᐩ ᐊᐊᐧᓯᒣ ᓀᑕᐁᐧᔨᑕᒪᕽ ᐋᒋᒧᐃᐧᐣ? ᒋᑫᒫ ᑭᔮᓇᐤ ᑫᐦᒋᐋᐧᐠ ᑭ ᑭ ᐯᑕᐋᐧᓇᐤ ᑎᐱᔭᐤ ᐅᑐᓂᕽ ᐅᐦᒋ.

Currently Selected:

ᓭᐣᐟ ᓬᐅᐠ 22: KKMs

Highlight

Copy